ਫਿਰੋਜ਼ਪੁਰ: ਬੀਤ੍ਹੇ ਕੱਲ ਦਿਨ-ਦਿਹਾੜੇ ਖੁਰਾਨਾ ਮਨੀ-ਟ੍ਰਾਂਸਫ਼ਰ ਦਫ਼ਤਰ ’ਤੇ 2 ਅਣਪਛਾਤੇ ਮੋਟਰਸਾਈਕਲ ਸਵਾਰਾਂ ਵਲੋਂ ਸ਼ਰੇਆਮ ਗੋਲੀਆਂ ਚਲਾਈਆਂ ਗਈਆਂ। ਘਟਨਾ ਸਬੰਧੀ ਜਾਣਕਾਰੀ ਦਿੰਦਿਆ ਦੁਕਾਨ ਦੇ ਮਾਲਕ ਖੂਬੀ ਖੁਰਾਨਾ ਨੇ ਦੱਸਿਆ ਕਿ ਤਕਰੀਬਨ ਦੁਪਹਿਰ ਸਾਢੇ ਬਾਰਾਂ ਵਜੇ ਦੋ ਮੋਟਰਸਾਈਕਲ ਸਵਾਰ ਵਿਅਕਤੀਆਂ ਚੋਂ ਇੱਕ ਨੇ ਪਿਸਤੌਲ ਨਾਲ ਗੋਲੀਆਂ ਚਲਾ ਦਿੱਤੀਆਂ। ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਹਮਲਾਵਰ ਜੀਰਾ ਵੱਲ ਫ਼ਰਾਰ ਹੋ ਗਏ।
ਫਿਰੋਜ਼ੁਪਰ ’ਚ ਮਨੀ-ਟ੍ਰਾਂਸਫ਼ਰ ਦੀ ਦੁਕਾਨ ’ਤੇ ਦਿਨ-ਦਿਹਾੜੇ ਫ਼ਾਈਰਿੰਗ
ਗੌਰਤਲੱਬ ਹੈ ਕਿ ਕੁਝ ਸਮਾਂ ਪਹਿਲਾਂ ਵੀ ਉਕਤ ਭਰਾਵਾਂ ਤੇ ਅਜਿਹਾ ਹਮਲਾ ਹੋਇਆ ਸੀ, ਵਾਰਦਾਤ ਦਾ ਇਹ ਦੂਸਰਾ ਮੌਕਾ ਹੈ।
ਇਸ ਮੌਕੇ ਡੀਐੱਸਪੀ ਸਤਨਾਮ ਸਿੰਘ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਪੁਲਿਸ ਵੱਲੋਂ ਨੇੜੇ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈੇ, ਜਿਵੇਂ ਹੀ ਕੋਈ ਸੁਰਾਗ ਮਿਲਦਾ ਹੈ, ਉਸ ਉਪਰੰਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
ਇਥੇ ਇਹ ਵੀ ਦੱਸਣਾ ਲਾਜ਼ਮੀ ਹੋਵੇਗਾ ਕਿ ਘਟਨਾ ਵਾਲੀ ਜਗ੍ਹਾ ਤੋਂ ਪੁਲਿਸ ਸਟੇਸ਼ਨ ਦੀ ਦੂਰੀ 100 ਮੀਟਰ ਹੈ।
