ਆਪਣੇ ਆਪ ਨਾਲ ਹੀ ਕਰਵਾਇਆ ਲੁੱਟ ਦਾ ਡਰਾਮਾ, 5 ਗ੍ਰਿਫ਼ਤਾਰ

ਜ਼ਿਲ੍ਹਾ ਫ਼ਤਿਹਗੜ੍ਹ ਸਾਹਿਬ ਵਿੱਚ ਨਾਟਕੀ ਢੰਗ ਨਾਲ ਕਰਵਾਈ ਮੁਲਜ਼ਮ ਨੇ ਆਪਣੇ ਆਪ ਤੋਂ ਹੀ ਲੁੱਟ। ਪੁਲਿਸ ਨੇ ਇਸ ਨਾਟਕ 'ਚ ਸ਼ਾਮਲ 5 ਮੁਲਜ਼ਮਾਂ ਨੂੰ ਕੀਤਾ ਕਾਬੂ।

ਸ੍ਰੀ ਫ਼ਤਿਹਗੜ੍ਹ ਸਾਹਿਬ: ਜ਼ਿਲ੍ਹੇ ਦੇ ਹਲਕਾ ਅਮਲੋਹ ਪੁਲਿਸ ਨੇ ਲੁੱਟ ਦੀ ਇੱਕ ਵਾਰਦਾਤ ਵਿੱਚ ਪੰਜ ਲੋਕਾਂ ਨੂੰ ਕਾਬੂ ਕੀਤਾ ਹੈ। ਪੁਲਿਸ ਨੇ ਲੁੱਟ ਦੇ 3 ਲੱਖ 60 ਹਜ਼ਾਰ ਅਤੇ ਵਾਰਦਾਤ ਵਿੱਚ ਵਰਤੇ ਗਏ ਬੁਲੇਟ ਮੋਟਰਸਾਈਕਲ ਅਤੇ ਇੱਕ ਤੇਜ਼ਧਾਰ ਹਥਿਆਰ ਵੀ ਬਰਾਮਦ ਕੀਤਾ ਹੈ।
ਮਾਮਲਾ ਜ਼ਿਲ੍ਹਾ ਫ਼ਤਿਹਗੜ੍ਹ ਸਾਹਿਬ ਦੇ ਅਧੀਨ ਪੈਂਦੇ ਹਲਕਾ ਅਮਲੋਹ ਦਾ ਹੈ। ਇੱਕ ਭਰਾ ਨੇ ਆਪਣੇ ਆਪ ਨੂੰ ਹੀ ਲੁੱਟਣ ਦੀ ਮਨ ਘੜ੍ਹਤ ਕਹਾਣੀ ਘੜ ਦਿੱਤੀ ਤੇ ਡਰਾਮੇ ਵਿੱਚ ਸ਼ਾਮਲ ਉਸ ਦੇ ਨਾਲ ਚਾਰ ਹੋਰ ਵਿਅਕਤੀ ਵੀ ਪੁਲਿਸ ਦੀ ਗ੍ਰਿਫ਼ਤ ਵਿੱਚ ਹਨ।

ਇਸ ਸਬੰਧ ਵਿੱਚ ਐਸਐਸਪੀ ਫ਼ਤਿਹਗੜ੍ਹ ਸਾਹਿਬ ਅਮਨੀਤ ਕੌਂਡਲ ਨੇ ਦੱਸਿਆ ਕਿ ਲੁੱਟ ਦੀ ਇਸ ਵਾਰਦਾਤ ਨੂੰ ਨਾਟਕੀ ਢੰਗ ਨਾਲ ਕੀਤਾ ਗਿਆ, ਕਿਉਂਕਿ ਜਿਸ ਵਿਅਕਤੀ ਤੋਂ ਪੈਸੇ ਲੁੱਟੇ ਗਏ ਸਨ। ਉਸ ਨੇ ਆਪਣੇ ਭਰਾ ਦੇ 2 ਲੱਖ ਰੁਪਏ ਦੇਣੇ ਸਨ। ਇਸ ਕਾਰਨ ਇਸ ਲੁੱਟ ਦੀ ਨਕਲੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ। ਇਸ ਵਿੱਚ ਉਕਤ ਵਿਅਕਤੀ ਸਮੇਤ ਚਾਰ ਲੋਕਾਂ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਹੈ ਅਤੇ ਲੁੱਟ ਦੀ ਰਾਸ਼ੀ ਵੀ ਬਰਾਮਦ ਕਰ ਲਈ ਗਈ ਹੈ।