ਚੰਡੀਗੜ੍ਹ: ਸਰਕਾਰਾਂ ਤੇ ਪ੍ਰਸ਼ਾਸਨ ਕੋਰੋਨਾ ਦੇ ਮਰੀਜ਼ਾਂ ਨੂੰ ਕੰਟਰੋਲ ਕਰਨ ਦੇ ਲਈ ਲਾਕਡਾਊਨ ਦਆਰਾ ਲਗਾਉਣ ਦੀ ਸੋਚ ਰਹੀ ਹੈ ਦੂਜੇ ਪਾਸੇ ਲੌਕ ਡਾਊਨ ਕਈ ਲੋਕਾਂ ਦਾ ਕੰਮਕਾਜ ਉਨ੍ਹਾਂ ਤੋਂ ਛਿਣ ਰਹੀ ਹੈ। ਲਾਕਡਾਊਨ ਦੇ ਸਮੇਂ ਪ੍ਰਾਈਵੇਟ ਆਫਿਸ ਬੰਦ ਹੁੰਦੇ। ਇਸ ਤੋਂ ਇਲਾਵਾ ਆਟੋ ਡਰਾਈਵਰ ਰਿਕਸ਼ਾ ਚਾਲਕ ਟੈਕਸੀ ਡਰਾਈਵਰ ਉਨ੍ਹਾਂ ਦੇ ਕੋਲ ਵੀ ਕੋਈ ਸਵਾਰੀ ਨਹੀਂ ਹੁੰਦੀ ਤੇ ਉਨ੍ਹਾਂ ਦਾ ਵੀ ਕੰਮ ਨਹੀਂ ਚੱਲਦਾ ਹੈ। ਇੱਕ ਲੌਕ ਡਾਊਨ ਦੀ ਮਾਰ ਪਰਵਾਸੀ ਮਜ਼ਦੂਰ ਝੱਲ ਚੁੱਕੇ ਹਨ। ਉਸ ਵਕਤ ਵੀ ਆਪਣੇ ਘਰ ਚਲੇ ਗਏ ਤੇ ਹੁਣ ਦੁਬਾਰਾ ਤੇ ਉਹਨਾਂ ਵੱਲੋਂ ਜਾਣ ਤੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਚੰਡੀਗੜ੍ਹ ਦੇ ਰੇਲਵੇ ਸਟੇਸ਼ਨ ਦੇ ਵਿੱਚ ਵੀ ਅਜਿਹਾ ਨਜ਼ਾਰਾ ਦੇਖਣ ਨੂੰ ਮਿਲਿਆ ਹੈ।
ਲਾਕ ਡਾਊਨ ਕਾਰਨ ਕੰਮਕਾਜ ਠੱਪ ਘਰ ਵਾਪਸੀ ਹੀ ਆਖਰੀ ਟਿਕਾਣਾ ਪਰਵਾਸੀ ਮਜਦੂਰ ਪਰਵਾਸੀ ਮਜ਼ਦੂਰਾਂ ਦਾ ਕਹਿਣਾ ਹੈ ਕਿ ਹੁਣ ਉਨ੍ਹਾਂ ਦੇ ਕੋਲ ਇੱਥੇ ਕੋਈ ਕੰਮਕਾਜ ਨਹੀਂ ਬਚਿਆ ਠੇਕੇਦਾਰ ਉਨ੍ਹਾਂ ਨੂੰ ਪੈਸੇ ਨਹੀਂ ਦੇ ਰਿਹਾ ਹੈ। ਕਿਉਂਕਿ ਉਨ੍ਹਾਂ ਦੇ ਕੋਲ ਕੰਮ ਵੀ ਨਹੀਂ ਹੈ। ਹੁਣ ਆਪਣੇ ਘਰ ਜਾ ਰਹੇ ਤਾਂ ਜੋ ਉਨ੍ਹਾਂ ਨੂੰ ਰੋਟੀ ਪਾਣੀ ਦੀ ਕੋਈ ਦਿੱਕਤ ਨਾ ਹੋਵੇ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇੱਥੇ ਕਿਰਾਏ ਦੇ ਕਮਰੇ ਤੇ ਉਹ ਰਹਿੰਦੇ ਕੰਮ ਕੋਈ ਹੈ ਨਹੀਂ ਅਤੇ ਲਾਕਡਾਊਨ ਉਨ੍ਹਾਂ ਦਾ ਰੋਜ਼ਗਾਰ ਖੋਹ ਰਿਹਾ ਹੈ ।ਰੇਲਵੇ ਸਟੇਸ਼ਨ ਤੇ ਸਵਾਰੀਆਂ ਲਈ ਜਾਣ ਵਾਲੇ ਰਿਕਸ਼ਾ ਚਾਲਕ ਅਤੇ ਟੈਕਸੀ ਡ੍ਰਾਈਵਰ ਨੇ ਦੱਸਿਆ ਕਿ ਉਨ੍ਹਾਂ ਦਾ ਕੰਮ ਬਿਲਕੁਲ ਬੰਦ ਹੋ ਗਿਆ ਹੈ , ਹੁਣੇ ਹੁਣੇ ਉਨ੍ਹਾਂ ਨੇ ਟੈਕਸ ਭਰਿਆ ਸੀ ਤੇ ਰਿਕਸ਼ਾ ਚਾਲਕ ਦਾ ਕਹਿਣਾ ਸੀ ਕਿ ਉਹਨੇ ਕਿਸ਼ਤਾਂ ਤੇ ਰਿਕਸ਼ਾ ਖਰੀਦਿਆ ਹੈ। ਪਰ ਹੁਣ ਉਸਦੀ ਕਿਸ਼ਤਾਂ ਕਿਵੇਂ ਚੁਕਾਉਣਗੇ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰਾਂ ਕੋਰੋਨਾ ਦੇ ਚੱਲਦੇ ਲਾਕਡਾਊਨ ਅਨਾਊਂਸ ਕਰ ਰਹੀ ਹੈ। ਪਰ ਆਮ ਜਨਤਾ ਦਾ ਕੀ ਬਣੂੰਗਾ ਇਸ ਬਾਰੇ ਕੋਈ ਨਹੀਂ ਸੋਚ ਰਿਹਾ । ਉਨ੍ਹਾਂ ਨੇ ਸਰਕਾਰ ਤੇ ਤੰਜ ਕਸਦੇ ਕਿਹਾ ਕਿ ਰਾਜਨੀਤਕ ਲੋਕਾਂ ਦੇ ਕੋਲ ਰੈਲੀਆਂ ਵਿਚ ਕੋਈ ਕੋਰੋਨਾ ਨਹੀਂ ਹੁੰਦਾ ਪਰ ਆਮ ਲੋਕਾਂ ਦੇ ਲਈ ਲਾਕਡਾਊਨ ਲਗਾ ਦਿੰਦੇ ਹਨ ।
