ਪੰਜਾਬ ਦੇ ਮੁੱਖ ਚੋਣ ਅਧਿਕਾਰੀ ਐਸ ਕਰੁਣਾ ਰਾਜੂ ਨਾਲ Etv Bharat ਨੇ ਕੀਤੀ ਗੱਲਬਾਤ, ਵੇਖੋ

ਈਟੀਵੀ ਭਾਰਤ ਨਾਲ ਗੱਲਬਾਤ ਕਰਦਿਆਂ ਪੰਜਾਬ ਦੇ ਮੁੱਖ ਚੋਣ ਅਧਿਕਾਰੀ ਐਸ ਕਰੁਣਾ ਰਾਜੂ ਨੇ ਦਿੱਤੀ ਜਾਣਕਾਰੀ। ਦੱਸਿਆ ਲੋਕ ਸਭਾ ਚੋਣਾਂ ਕਿੰਨੇ ਉਮੀਦਵਾਰ ਉਤਰਨਗੇ ਮੈਦਾਨ 'ਚ ਅਤੇ ਪੋਲਿੰਗ ਬੂਥ ਦੀ ਵਿਵਸਥਾ ਕਿਵੇਂ ਹੋਵੇਗੀ।

ਚੰਡੀਗੜ੍ਹ: ਲੋਕਸਭਾ ਚੋਣਾਂ ਵਿੱਚ ਨਾਮਜ਼ਦਗੀ ਕਰਨ ਵਾਲੇ ਉਮੀਦਵਾਰਾਂ ਦਾ ਨਾਮ ਵਾਪਸ ਲੈਣ ਦੀ ਆਖਰੀ ਮਿਤੀ 2 ਮਈ ਸੀ ਜਿਸ ਵਿੱਚ 12 ਉਮੀਦਵਾਰਾਂ ਨੇ ਨਾਮ ਵਾਪਸ ਲੈ ਲਏ ਸਨ। ਇਸ ਤੋਂ ਬਾਅਦ ਹੁਣ 278 ਉਮੀਦਵਾਰ ਚੋਣ ਲੜਨਗੇ।
ਇਸ ਬਾਰੇ ਈਟੀਵੀ ਭਾਰਤ ਨਾਲ ਗੱਲਬਾਤ ਕਰਦਿਆਂ ਪੰਜਾਬ ਦੇ ਮੁੱਖ ਚੋਣ ਅਧਿਕਾਰੀ ਐਸ ਕਰੁਣਾ ਰਾਜੂ ਨੇ ਦੱਸਿਆ ਕਿ ਪੰਜਾਬ ਰਾਜ ਵਿੱਚ ਕੁੱਲ 385 ਉਮੀਦਵਾਰਾਂ ਵਲੋਂ ਨਾਮਜ਼ਦਗੀ ਪੱਤਰ ਦਾਇਰ ਕੀਤੇ ਗਏ ਸਨ, ਜਿਨ੍ਹਾਂ ਦੀ ਪੜਤਾਲ ਤੋਂ ਬਾਅਦ 297 ਪੱਤਰ ਦਰੁਸਤ ਪਾਏ ਗਏ ਸਨ।

ਕਰੁਣਾ ਰਾਜੂ ਨੇ ਦਸਿਆ ਕਿ ਸੂਬੇ ਵਿੱਚ 14,469 ਪੋਲਿੰਗ ਥਾਵਾਂ 'ਤੇ 23,213 ਪੋਲਿੰਗ ਬੂਥ ਸਥਾਪਤ ਕੀਤੇ ਗਏ ਹਨ। ਇਨ੍ਹਾਂ ਵਿਚੋਂ 49 ਕ੍ਰਿਟੀਕਲ, 719 ਸੈਂਸੀਟਿਵ ਅਤੇ 509 ਹਾਈਪਰ ਸੈਂਸੀਟਿਵ ਹਨ। ਡਾਕਟਰ ਧਰਮਬੀਰ ਗਾਂਧੀ ਵਲੋਂ ਪਟਿਆਲਾ ਨੂੰ ਸੈਂਸੀਟਿਵ ਖੇਤਰ ਐਲਾਨੇ ਜਾਣ 'ਤੇ ਇਤਰਾਜ਼ ਜਤਾਇਆ ਗਿਆ ਸੀ, ਇਸ ਬਾਰੇ ਉਨ੍ਹਾਂ ਦੱਸਿਆ ਕਿ ਪਟਿਆਲਾ ਖੇਤਰ ਵੀ ਸੈਂਸੀਟਿਵ ਜ਼ੋਨ ਵਿੱਚ ਆਵੇਗਾ।