ਬਠਿੰਡਾ: ਪਿਛਲੇ 10 ਸਾਲਾ ਤੋਂ ਲਗਾਤਾਰ ਚੱਲ ਰਿਹਾ ਜੋਤਿਸ਼ ਸੰਮੇਲਨ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਇਸ ਜੋਤਿਸ਼ ਸੰਮੇਲਨ ਦਾ ਆਯੋਜਨ ਬਠਿੰਡਾ ਦੇ ਹਾਥੀ ਵਾਲੇ ਮੰਦਿਰ 'ਚ ਕੀਤਾ ਗਿਆ ਹੈ। ਸੰਮੇਲਨ 'ਚ ਪੰਜਾਬ ਤੋਂ ਇਲਾਵਾ ਦੂਸਰੇ ਸੂਬਿਆਂ ਦੇ ਜੋਤਿਸ਼ ਵੀ ਵੱਡੀ ਗਿਣਤੀ 'ਚ ਮੁਫਤ ਸਹੁਲਤਾਂ ਦੇਣ ਲਈ ਪਹੁੰਚੇ ਹਨ। ਇਸ ਸੰਮੇਲਨ ਦੇ ਵਿੱਚ ਜੋਤਿਸ਼ਾਚਾਰਿਆ ਦੇ ਨਾਲ ਨਾਲ ਵਾਸਤੂ ਸ਼ਾਸਤਰ ਬਾਰੇ ਵੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ। ਇਸ ਸੰਮੇਲਨ ਦਾ ਉਪਦੇਸ਼ ਲੋਕਾਂ ਨੂੰ ਭਵਿੱਖ ਬਾਰੇ ਦੱਸ ਉਨ੍ਹਾਂ ਉਜਵਲ ਭਵਿੱਜ ਬਣਾਉਣਾ ਹੈ।
ਸੰਮੇਲਨ ਦੇ ਵਿੱਚ ਪੰਜਾਬ ਤੋਂ ਇਲਾਵਾ ਹਰਿਆਣਾ, ਰਾਜਸਥਾਨ, ਗੁਜਰਾਤ, ਮੱਧ ਪ੍ਰਦੇਸ਼ ਤੇ ਹੋਰ ਸੂਬਿਆਂ ਤੋਂ ਜੋਤਿਸ਼ ਪੁੱਜੇ ਹੋਏ ਹਨ। ਸੰਮੇਲਨ ਦੇ ਆਯੋਜਕ ਪਦਮ ਕੁਮਾਰ ਨੇ ਦੱਸਿਆ ਕਿ ਇਹ ਜੋਤਿਸ਼ ਸੰਮੇਲਨ ਦੋ ਦਿਨ ਤੱਕ ਚੱਲੇਗਾ। ਇਸ ਸੰਮੇਲਨ ਦਾ ਕੋਈ ਵੀ ਫਾਇਦਾ ਚੁੱਕ ਸਕਦਾ ਹੈ। ਇਹ ਬਿੱਲਕੁਲ ਮੁਫਤ ਸੇਵਾ ਹੈ।
ਈਟੀਵੀ ਭਾਰਤ ਨਾਲ ਵਿਸ਼ੇਸ਼ ਗੱਲਬਾਤ ਕਰਦੇ ਹੋਏ ਜੋਤਿਸ਼ ਰਮੇਸ਼ ਵਰਮਾ ਨੇ ਦੱਸਿਆ ਕਿ ਜੋਤਿਸ਼ ਇੱਕ ਵਿਗਿਆਨ ਹੈ। ਜੋਤਿਸ਼ ਦਾ ਕੰਮ ਕਿਸੇ ਨੂੰ ਗੁੰਮਰਾਹ ਕਰਨਾ ਨਹੀਂ ਹੈ ਸਗੋਂ ਲੋਕਾਂ ਨੂੰ ਭਵਿੱਕ ਪ੍ਰਤੀ ਜਾਗਰੂਕ ਕਾਰਨ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਉਹ ਕਈ ਸਾਲਾਂ ਤੋਂ ਇਹ ਨਿਸ਼ਕਾਮ ਸੇਵਾ ਨਿਭਾ ਰਹੇ ਹਨ। ਜੋਤਿਸ਼ ਰਮੇਸ਼ ਵਰਮਾ ਨੇ ਇਹ ਵੀ ਦੱਸਿਆ ਕਿ ਮਨੁਖੀ ਜੀਵਨ ਵਿੱਚ ਵਾਸਤੂ ਸ਼ਾਸਤਰ ਦਾ ਵੀ ਬਹੁਤ ਲੋੜ ਹੈ। ਵਾਸਤੂ ਸ਼ਾਸਤਰ ਸਾਡੇ ਇਤਿਹਾਸ ਦਾ ਇੱਕ ਅਹਿਮ ਹਿਸਾ ਹੈ।
