ਬਰਨਾਲਾ: ਕੋਵਿਡ-19 ਮਹਾਂਮਾਰੀ ਦੇ ਕਹਿਰ ਦੇ ਚੱਲਦੇ ਬਾਜ਼ਾਰਾਂ ’ਚ ਮੰਦੀ ਦਾ ਸਾਹਮਣਾ ਕਰਨਾ ਪਿਆ ਹੈ। ਉੱਥੇ ਹੀ ਜੇਕਰ ਤਿਉਹਾਰਾਂ ਦੀ ਗੱਲ ਕਰੀਏ ਤਾਂ ਤਿਉਹਾਰਾਂ ਵਿੱਚ ਵੀ ਮੰਦੀ ਦੇ ਹਾਲਾਤ ਨਜ਼ਰ ਆ ਰਹੇ ਹਨ। ਪਰ ਇਨ੍ਹਾਂ ਹਾਲਾਤਾਂ ਦੇ ਮੱਦੇਨਜਰ ਬਰਨਾਲਾ ਸਿਵਲ ਪ੍ਰਸ਼ਾਸਨ ਡਿਪਟੀ ਕਮਿਸ਼ਨਰ ਬਰਨਾਲੇ ਦੇ ਵੱਲੋਂ ਸੈਲਫ ਹੈਲਪ ਗਰੁੱਪ ਚਲਾਏ ਜਾ ਰਹੇ ਹਨ। ਜੋ ਸਮੇਂ - ਸਮੇਂ ’ਤੇ ਲੋਕਾਂ ਦੀ ਸੌਖ ਲਈ ਸਮਾਨ ਵੀ ਤਿਆਰ ਕਰਵਾਉਂਦੇ ਹਨ ਅਤੇ ਉਨ੍ਹਾਂ ਨੂੰ ਇੱਕ ਆਮਦਨ ਦਾ ਸਾਧਨ ਵੀ ਦਿੱਤਾ ਜਾਂਦਾ ਹੈ।
ਦੱਸ ਦਈਏ ਕਿ ਸੈਲਫ ਹੈਲਪ ਗਰੁੱਪ ਦੀਆਂ ਔਰਤਾਂ ਵਲੋਂ ਰੱਖੜੀ ਦੇ ਤਿਉਹਾਰ ਨੂੰ ਲੈ ਕੇ ਮਹਿੰਗਾਈ ਦੇ ਦੌਰ ਵਿੱਚ ਸਸਤੇ ਰੇਟ ਉੱਤੇ ਚਾਕਲੇਟ ਕੇਕ ਬਣਾਏ ਜਾ ਰਹੇ ਹਨ, ਜੋ ਬਾਜ਼ਾਰ ਨਾਲੋਂ ਸਸਤੇ ਰੇਟ ਉੱਤੇ ਵੀ ਮਿਲ ਰਹੇ ਹੈ। ਉੱਥੇ ਹੀ ਕਵਾਲਿਟੀ ਵੀ ਚੰਗੀ ਤਿਆਰ ਕੀਤੀ ਗਈ ਹੈ। ਇਸ ਸੈਲਫ ਹੈਲਪ ਗਰੁੱਪ ਨੂੰ ਚਲਾ ਰਹੀ ਰਵਿੰਦਰ ਕੌਰ ਨੇ ਦੱਸਿਆ ਕਿ ਘਰ ਵਿੱਚ ਖਾਲੀ ਟਾਇਮ ਬੈਠੇ - ਬੈਠੇ ਇਸ ਕੰਮ ਨੂੰ ਸ਼ੁਰੂ ਕੀਤਾ ਗਿਆ ਸੀ। ਜਿਸ ਵਿੱਚ ਅੱਜ ਮੁਹੱਲੇ ਦੀਆਂ ਕਈ ਔਰਤਾਂ ਸਾਥ ਦੇ ਰਹੀਆਂ ਹਨ। ਇਸ ਵਾਰ ਰੱਖੜੀ ਦੇ ਤਿਉਹਾਰ ਉੱਤੇ ਉਨ੍ਹਾਂ ਨੇ ਚਾਕਲੇਟ ਕੇਕ ਬਣਾਉਣ ਦਾ ਕੰਮ ਸ਼ੁਰੂ ਕੀਤਾ ਹੈ। ਜਿਸਦੀ ਬਾਜ਼ਾਰ ਵਿੱਚ ਕਾਫ਼ੀ ਡਿਮਾਂਡ ਹੈ। ਚੰਗੇ ਆਰਡਰ ਮਿਲ ਰਹੇ ਹਨ ਅਤੇ ਲੋਕ ਸ਼ਹਿਰ ਤੋਂ ਉਨ੍ਹਾਂ ਦੇ ਘਰ ਖਰੀਦਾਰੀ ਕਰਨ ਲਈ ਪਹੁੰਚ ਰਹੇ ਹਨ।
ਇਸ ਮੌਕੇ ਖਰੀਦਦਾਰੀ ਕਰਨ ਵਾਲੀਆਂ ਮਹਿਲਾਵਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਪਤਾ ਚਲਿਆ ਸੀ ਕਿ ਘਰੇਲੂ ਔਰਤਾਂ ਮਿਲਕੇ ਰੱਖੜੀ ਦੇ ਤਿਉਹਾਰ ਉੱਤੇ ਸਪੈਸ਼ਲ ਕੇਕ ਅਤੇ ਚਾਕਲੇਟ ਤਿਆਰ ਕਰ ਰਹੀਆਂ ਹਨ। ਇੱਥੇ ਪਹੁੰਚ ਕੇ ਮਨ ਖੁਸ਼ ਹੋਇਆ। ਬਹੁਤ ਵੱਡੀ ਮਾਤਰਾ ਵਿੱਚ ਵਿਰਾਇਟੀ ਤਿਆਰ ਕੀਤੀ ਗਈ ਹੈ ਅਤੇ ਉਨ੍ਹਾਂ ਨੇ ਜੰਮ ਕੇ ਖਰੀਦਦਾਰੀ ਕੀਤੀ ਹੈ ਅਤੇ ਚਾਕਲੇਟ ਦੇ ਟੇਸਟ ਵੀ ਕੀਤੇ ਹੈ ਜੋ ਕਿ ਕਾਫ਼ੀ ਸਵਾਦ ਹੈ।
ਦੂਜੇ ਪਾਸੇ ਇਸ ਗਰੁੱਪ ਦੇ ਦਿਸ਼ਾ ਨਿਰਦੇਸ਼ਨ ਕਰ ਰਹੇ ਡਿਪਟੀ ਕਮਿਸ਼ਨਰ ਬਰਨਾਲਾ ਤੇਜ ਪ੍ਰਤਾਪ ਸਿੰਘ ਫੂਲਕਾ ਨੇ ਦੱਸਿਆ ਕਿ ਇਸ ਔਰਤਾਂ ਵਲੋਂ ਸਮੇਂ- ਸਮੇਂ ਉੱਤੇ ਕਾਫ਼ੀ ਚੰਗੇ ਸਾਮਾਨ ਬਣਾਕੇ ਲੋਕਾਂ ਨੂੰ ਪੇਸ਼ ਕੀਤੇ ਜਾ ਰਹੇ ਹਨ ਅਤੇ ਇਨ੍ਹਾਂ ਦੀ ਜਗ੍ਹਾ ਜਗ੍ਹਾ ਸਟਾਲਸ ਵੀ ਲਗਾਈਆਂ ਜਾਂਦੀਆਂ ਹਨ। ਰੱਖੜੀ ਦੇ ਤਿਉਹਾਰ ਉੱਤੇ ਸਸਤੇ ਰੇਟ ਵਿੱਚ ਸ਼ੁੱਧ ਅਤੇ ਸਵਾਦ ਕੇਕ ਅਤੇ ਚਾਕਲੇਟ ਬਣਾਕੇ ਲੋਕਾਂ ਨੂੰ ਦਿੱਤੇ ਜਾ ਰਹੇ ਹੈ। ਜੋ ਆਪਣੇ ਆਪ ਵਿੱਚ ਕਾਫ਼ੀ ਵਧੀਆ ਕਦਮ ਹੈ।
ਇਹ ਵੀ ਪੜੋ: ਕਿਸਾਨੀ ਧਰਨੇ ‘ਚ ਇਸ ਅਨੋਖੇ ਉਪਰਾਲੇ ਨੂੰ ਵੇਖ ਤੁਸੀਂ ਵੀ ਕਹੋਂਗੇ ਵਾਹ !
