ਚੰਡੀਗੜ੍ਹ: ਸੈਕਟਰ 28 'ਚ ਹਿਮਾਚਲ ਭਵਨ ਵਿੱਚ ਨਾਬਾਰਡ ਵੱਲੋਂ ਦੂਜਾ ਨਾਬਾਰਡ ਮੇਲਾ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਇਸ ਮੇਲੇ ਦਾ ਰਸਮੀ ਉਦਘਾਟਨ ਪੰਜਾਬ ਦੇ ਗਵਰਨਰ ਵੀ.ਪੀ. ਸਿੰਘ ਬਦਨੌਰ ਨੇ ਰੀਬਨ ਕੱਟ ਕੇ ਕੀਤਾ। ਇਸ ਤੋਂ ਬਾਅਦ ਗਵਰਨਰ ਨੇ ਸਾਰੀਆਂ ਸਟਾਲਾਂ 'ਤੇ ਜਾ ਕੇ ਕਾਰੀਗਰਾਂ ਨਾਲ ਗੱਲਬਾਤ ਕੀਤੀ ਅਤੇ ਉਨ੍ਹਾਂ ਦੇ ਸਾਮਾਨ ਬਾਰੇ ਜਾਣਕਾਰੀ ਹਾਸਲ ਕੀਤੀ।
ਮੀਡੀਆ ਨਾਲ ਗੱਲ ਕਰਦਿਆਂ ਗਵਰਨਰ ਨੇ ਨਾਬਾਰਡ ਨੂੰ ਮੇਲਾ ਅਜਿਹੀ ਥਾਂ ਕਰਵਾਉਣ ਦੀ ਸਲਾਹ ਦਿੱਤੀ ਜਿੱਥੇ ਲੋਕਾਂ ਦੀ ਚਹਿਲਕਦਮੀ ਜ਼ਿਆਦਾ ਹੋਵੇ। ਪੰਜਾਬ ਨਾਬਾਰਡ ਦੇ ਮਹਾਪ੍ਰਬੰਧਕ ਜੇ.ਪੀ.ਐਸ. ਬਿੰਦਰਾ ਨੇ ਮੇਲੇ ਬਾਰੇ ਦੱਸਦਿਆਂ ਕਿਹਾ ਕਿ ਇਹ ਮੇਲਾ 9 ਜਨਵਰੀ ਤੋਂ 13 ਜਨਵਰੀ ਤੱਕ ਆਯੋਜਿਤ ਕੀਤਾ ਜਾਵੇਗਾ ਜਿਸ ਦੇ ਵਿੱਚ 60 ਤੋਂ ਵੱਧ ਸਟਾਲਾਂ ਲਗਾਈਆਂ ਗਏ ਹਨ।
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਸਟਾਲਾਂ ਨੂੰ ਲਗਾਉਣ ਵਾਲੇ ਕਾਰੀਗਰ 19 ਵੱਖ-ਵੱਖ ਜ਼ਿਲ੍ਹਿਆਂ ਤੋਂ ਆਏ ਹੋਏ ਹਨ ਜਿਸ ਵਿੱਚ ਪੰਜਾਬ, ਹਰਿਆਣਾ, ਮੱਧ ਪ੍ਰਦੇਸ਼, ਕੇਰਲਾ, ਹਿਮਾਚਲ ਪ੍ਰਦੇਸ਼, ਉੜੀਸਾ, ਗੁਜਰਾਤ, ਪੱਛਮੀ ਬੰਗਾਲ, ਬਿਹਾਰ, ਝਾਰਖੰਡ, ਛੱਤੀਸਗੜ੍ਹ, ਉੱਤਰ ਪ੍ਰਦੇਸ਼, ਉੱਤਰਾਖੰਡ, ਜੰਮੂ ਕਸ਼ਮੀਰ, ਕਰਨਾਟਕ ਅਤੇ ਮਹਾਰਾਸ਼ਟਰ ਦੇ ਕਾਰੀਗਰ ਆਪਣੇ ਸਾਮਾਨ ਨਾਲ ਪਹੁੰਚੇ ਹਨ।
ਅੱਗੇ ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਮੇਲਿਆਂ ਦੇ ਵਿੱਚ ਨਾਬਾਰਡ ਵੱਲੋਂ ਪ੍ਰਤੀਸ਼ਤ ਕੀਤੇ ਗਏ ਕ ਕਾਰੀਗਰ ਆਪਣਾ ਸਾਮਾਨ ਲੈ ਕੇ ਆਉਂਦੇ ਹਨ ਅਤੇ ਜੋ ਉਨ੍ਹਾਂ ਨੂੰ ਮਾਰਕੀਟਿੰਗ ਪਲੇਟਫਾਰਮ ਪ੍ਰਦਾਨ ਕਰਦਾ ਹੈ ਜੋ ਕਿ ਕਾਰੀਗਰਾਂ ਨੂੰ ਆਪਣਾ ਰੁਜ਼ਗਾਰ ਚਲਾਓਣ ਵਿੱਚ ਮਦਦ ਕਰਦਾ ਹੈ।
ਮੇਲੇ ਵਿੱਚ ਮੋੜਨ ਆਈਟਮ, ਵਰਨਾ, ਫਰਕ, ਓਡੀਸ਼ਾ ਦਾ ਟੋਕਰਾ, ਹੈਂਡੀਕਰਾਫਟ ਪ੍ਰਾਈਮਰ ਜਵੈਲਰੀ, ਮੁੱੜ ਕਾਰਨਿੰਗ ਅੰਗੋਰਾ, ਸ਼ਾਲ, ਚਮੜੇ ਦਾ ਕੰਮ, ਸਫੈਦ ਧਾਤੂ ਦੀ ਮੀਨਾਕਾਰੀ, ਵਰਕ ਪਲੇਟਸ, ਮੱਧ ਪ੍ਰਦੇਸ਼ ਦੇ ਬੈਟਨ ਘਰ ਦੀਆਂ ਸਜਾਵਟੀ ਵਸਤੂਆਂ, ਹੱਥਾਂ ਨਾਲ ਬਣੀਆਂ ਪਰਿਵਾਰਕ ਕਾਇਰ ਵਾਕ, ਹੈਂਡਲੂਮ ਸਾੜੀ, ਹੱਥ ਨਾਲ ਬਣੀ ਵਾਲ ਹੈਂਗਿੰਗ, ਹੱਥ ਨਾਲ ਬਣੇ ਉੱਨੀ ਕੱਪੜੇ ਜਿਵੇਂ ਮਫਲਰ, ਕੈਪ, ਸਟਾਲ ਲਾਹਲੀ, ਮੌਜੀ ਕੁੱਲ, ਪੰਜਾਬੀ ਫੁਲਕਾਰੀ, ਪੰਜਾਬੀ ਜੁੱਤੀ, ਤਵੀਤ ਅਤੇ ਜੂਟ ਜੈਕੇਟਸ, ਜੂਟ ਬੈਗ ਜੋ ਟਾਈਟੈਨਿਕ ਪਦਾਰਥ ਅਤੇ ਹੋਰ ਵੀ ਬਹੁਤ ਸਾਰੇ ਆਈਟਮਸ ਉਪਲੱਬਧ ਹਨ।
