ਅੰਮ੍ਰਿਤਸਰ: ਕਿਡਨੀ ਡੇਅ 'ਤੇ ਡਾਕਟਰ ਇੰਦਰਜੀਤ ਸਿੰਘ ਨੇ ਦੱਸਿਆ ਕਿ ਅੱਜ-ਕੱਲ ਕਿਡਨੀ ਨੂੰ ਟਰਾਂਸਪਲਾਂਟ ਕਰਨਾ ਜਿਆਦਾ ਮੁਸ਼ਕਿਲ ਨਹੀਂ, ਇਸ ਲਈ ਇੱਕ ਕਮੇਟੀ ਬਣਾਈ ਗਈ ਹੈ। ਇੱਕ ਪੈਨਲ ਬੈਠਦਾ ਹੈ, ਜਿਸ ਤੋਂ ਬਾਅਦ ਕਿਡਨੀ ਨੂੰ ਟਰਾਂਸਪਲਾਂਟ ਕੀਤਾ ਜਾਂਦਾ ਹੈ।
ਡਾਕਟਰ ਇੰਦਰਜੀਤ ਸਿੰਘ ਨੇ ਦੱਸਿਆ ਕਿ ਸਰਕਾਰੀ ਹਸਪਤਾਲ ਵਿੱਚ ਇਸ ਦੇ ਉਪਰ ਬਹੁਤ ਘੱਟ ਖਰਚ ਆਉਂਦਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਦੇ ਇਲਾਜ ਲਈ ਪੀਜੀਆਈ ਵਿੱਚ ਬੜੇ ਮਾਹਿਰ ਡਾਕਟਰ ਹਨ। ਪ੍ਰਾਈਵੇਟ ਹਸਪਤਾਲ ਵਿੱਚ ਇਸ ਦਾ ਇਲਾਜ ਹੈ, ਪਰ ਉਸ ਜਗ੍ਹਾ 'ਤੇ ਖਰਚਾ ਵੱਧ ਹੁੰਦਾ ਹੈ। ਕਿਡਨੀ ਟਰਾਂਸਪਲਾਂਟ ਤੋਂ ਬਾਅਦ ਲੋਕ ਬਹੁਤ ਚੰਗੀ ਜਿੰਦਗੀ ਜੀ ਰਹੇ ਹਨ।
ਇਹ ਵੀ ਪੜ੍ਹੋ: ਹਰਜੀਤ ਗਰੇਵਾਲ ਵੱਲੋਂ ਲੰਗਰ ’ਤੇ ਦਿੱਤੇ ਬਿਆਨ ਨੂੰ ਲੈ ਕੇ ਐਸਜੀਪੀਸੀ ਪ੍ਰਧਾਨ ਦਾ ਪ੍ਰਤੀਕਰਮ
ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਵਿੱਚ ਡਾਇਲਸਿਸ ਦੇ ਮਰੀਜ਼ਾਂ ਨੂੰ ਪੰਜਾਬ ਸਰਕਾਰ ਪੂਰੀਆਂ ਸਹੂਲਤਾਂ ਪ੍ਰਦਾਨ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਪਿਹਲਾਂ ਮਾਫੀਆ ਦਾ ਰੋਲ ਇਸ ਵਿੱਚ ਹੋ ਸਕਦਾ ਹੈ, ਪਰ ਹੁਣ ਨਹੀਂ, ਹੁਣ ਸਭ ਕੁੱਝ ਸਾਫ ਤਰੀਕੇ ਨਾਲ਼ ਕਮੇਟੀ ਵੱਲੋਂ ਕਮ ਕੀਤਾ ਜਾ ਰਿਹਾ ਹੈ। ਪੰਜਾਬ ਸਰਕਾਰ ਇਨ੍ਹਾਂ ਮਰੀਜਾਂ ਵੱਲ ਬੜੀ ਚੰਗੀ ਤਰਾਂ ਧਿਆਨ ਦੇ ਰਹੀ ਹੈ, ਇਹ ਮਰੀਜ ਇੱਕ ਚੰਗੀ ਜ਼ਿੰਦਗੀ ਜੀ ਰਹੇ ਹਨ।
