ਅੰਮ੍ਰਿਤਸਰ: ਪੰਜਾਬ ਐਸ.ਸੀ.ਐਫ.ਸੀ. ਕਾਰਪੋਰੇਸ਼ਨ ਵਲੋਂ ਅਨੁਸੂਚਿਤ ਜਾਤੀਆਂ ਦੀ ਬੇਹਤਰੀ ਲਈ ਚੋਣਾਂ ਸਮੇਂ ਕੀਤੇ ਵਾਅਦੇ ਅਨੁਸਾਰ ਅਨੁਸੂਚਿਤ ਜਾਤੀਆਂ ਦੇ ਕਰਜ਼ਦਾਰਾਂ ਦਾ 50 ਹਜ਼ਾਰ ਤੱਕ ਦਾ ਕਰਜ਼ ਮੁਆਫ ਕਰਕੇ ਕੈਪਟਨ ਅਮਰਿੰਦਰ ਸਿੰਘ ਨੇ ਗਰੀਬ ਵਰਗ ਨੂੰ ਵੱਡੀ ਰਾਹਤ ਦਿੱਤੀ ਹੈ ਅਤੇ ਇਸ ਫੈਸਲੇ ਨਾਲ 14,260 ਲਾਭਪਾਤਰੀਆਂ ਨੂੰ 4541 ਲੱਖ ਰੁਪਏ ਦਾ ਕਰਜ਼ ਮੁਆਫ਼ ਹੋਇਆ ਹੈ। ਇਹ ਦਾ ਕਾਰਪੋਰੇਸ਼ਨ ਦੇ ਚੇਅਰਮੈਨ ਇੰਜ : ਮੋਹਨ ਲਾਲ ਸੂਦ ਨੇ ਚਾਰ ਜ਼ਿਲ੍ਹਿਆਂ ਦੇ ਕਰਜ਼ ਵੰਡ ਸਮਾਗਮ ਮੌਕੇ ਕੀਤਾ। ਇਸ ਸਕੀਮ ਤਹਿਤ 31 ਦਸੰਬਰ 2020 ਤੱਕ 634 ਸਵਰਗਵਾਸ ਹੋ ਚੁੱਕੇ ਕਰਜ਼ਦਾਰਾਂ ਨੂੰ 5.71 ਕਰੋੜ ਰੁਪਏ ਦੀ ਕਰਜ਼ ਮੁਆਫੀ ਮਿਲੇਗੀ।
ਉਨ੍ਹਾਂ ਕਿਹਾ ਕਿ ਅੱਜ ਦੇ ਇਸ ਸਮਾਗਮ ਵਿੱਚ ਵਿਭਾਗ ਵੱਲੋਂ ਬੈਂਕ ਟਾਈਅਪ ਸਕੀਮ ਅਧੀਨ ਅੰਮ੍ਰਿਤਸਰ ਦੇ 18 ਤਰਨਤਾਰਨ ਦੇ 20, ਗੁਰਦਾਸਪੁਰ 28, ਅਤੇ ਕਪੂਰਥਲਾ ਦੇ 26 ,ਲਾਭਪਾਤਰੀਆਂ ਨੂੰ ਇਕ ਕਰੋੜ 32 ਹਜਾਰ ਰੁਪਏ ਦੇ ਮਨਜ਼ੂਰੀ ਪੱਤਰ ਦਿੱਤੇ ਗਏ ਹਨ।
ਇਸੇ ਤਰ੍ਹਾਂ ਹੀ ਵਿਭਾਗ ਵਲੋਂ ਸਿੱਧਾ ਕਰਜ਼ ਸਕੀਮ ਅਧੀਨ ਅੰਮ੍ਰਿਤਸਰ ਦੇ 5 ਤਰਨਤਾਰਨ ਦੇ 4 ਗੁਰਦਾਸਪੁਰ ਦੇ 2 ਅਤੇ ਕਪੂਰਥਲਾ ਦੇ 5 ਲਾਭਪਾਤਰੀਆਂ ਨੂੰ ਸਵੈ ਰੁਜਗਾਰ ਲਈ 30 ਲੱਖ ਰੁਪੲੈ ਦੇ ਮਨਜੂਰੀ ਪੱਤਰ ਪ੍ਰਦਾਨ ਕੀਤੇ ਗਏ ਹਨ।
ਉਨ੍ਹਾਂ ਦੱਸਿਆ ਕਿ ਪੰਜਾਬ ਅਨਸੂਚਿਤ ਜਾਤੀਆਂ ਭੌਂ ਵਿਕਾਸ ਤੇ ਵਿੱਤ ਕਾਰਪੋਰੇਸ਼ਨ ਵਲੋਂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਸਮਰਪਿਤ ਵਿਸ਼ੇਸ਼ ਕਰਜਾ ਵੰਡ ਮੁਹਿੰਮ ਤਹਿਤ 1947 ਲਾਭਪਾਤਰੀਆਂ ਨੂੰ ਸਾਲ 2019-20 ਅਧੀਨ 17.81 ਕਰੋੜ ਰੁਪੲੈ ਦਾ ਕਰ਼ਜ਼ ਸਮੇਤ ਸਬਸਿਡੀ ਦਿੱਤਾ ਗਿਆ ਸੀ। ਇਸੇ ਤਰ੍ਹਾਂ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 400 ਸਾਲਾ ਜਨਮ ਸ਼ਤਾਬਦੀ ਅਧੀਨ ਸਾਲ 2020-21 ਦੌਰਾਨ 2093 ਲਾਭਪਾਤਰੀਆਂ ਨੂੰ 20.33 ਕਰੋੜ ਰੁਪਏ ਦਾ ਕਰਜਾ ਸਮੇਤ ਸਬਸਿਡੀ ਦੇ ਕੇ ਇੱਕ ਨਵਾਂ ਮੁਕਾਮ ਹਾਸਲ ਕੀਤਾ ਹੈ।
