ਪਟਿਆਲਾ : ਪੰਜਾਬ ਦੇ ਪਟਿਆਲਾ ਵਿੱਚ ਰਹਿਣ ਵਾਲੀ ਤਨਿਸ਼ਪ੍ਰੀਤ ਕੌਰ ਨੇ ਏਸ਼ੀਆ ਬਾਕਸਿੰਗ ਮੁਕਾਬਲੇ ਵਿੱਚ ਸੋਨ ਤਮਗ਼ਾ ਜਿੱਤ ਕੇ ਆਪਣੇ ਪਰਿਵਾਰ ਅਤੇ ਪਟਿਆਲਾ ਜ਼ਿਲ੍ਹੇ ਦਾ ਨਾਂਅ ਰੋਸ਼ਨ ਕੀਤਾ।
ਈਟੀਵੀ ਭਾਰਤ ਨਾਲ ਖ਼ਾਸ ਗੱਲਬਾਤ ਕਰਦਿਆਂ ਤਨਿਸ਼ਪ੍ਰੀਤ ਕੌਰ ਸੰਧੂ ਨੇ ਦੱਸਿਆ ਕਿ ਇਸ ਸੋਨ ਤਮਗ਼ੇ ਪਿੱਛੇ ਉਸ ਦੀ 6 ਸਾਲਾਂ ਦੀ ਮਿਹਨਤ ਹੈ।
ਤਨਿਸ਼ਪ੍ਰੀਤ ਕੌਰ ਨੇ ਦੱਸਿਆ ਕਿ ਬਾਕਸਿੰਗ ਤੋਂ ਪਹਿਲਾਂ ਉਸ ਦੇ ਪਿਤਾ ਨੇ ਪਹਿਲਾਂ ਉਸ ਨੂੰ ਤੈਰਾਕੀ ਸਿੱਖਣ ਲਈ ਲਾਇਆ ਸੀ, ਪਰ ਸਰਦੀਆਂ ਵਿੱਚ ਤੈਰਾਕੀ ਦਾ ਪੂਲ ਮੁਹੱਈਆ ਨਹੀਂ ਹੋ ਸਕਦਾ ਸੀ, ਇਸ ਲਈ ਉਸ ਨੇ ਤੈਰਾਕੀ ਨੂੰ ਛੱਡ ਦਿੱਤਾ।
ਬਾਅਦ ਵਿੱਚ ਉਸ ਦੇ ਪਿਤਾ ਤੇਜਬੀਰ ਸਿੰਘ ਸੰਧੂ ਨੇ ਉਸ ਨੂੰ ਬਾਕਸਿੰਗ ਸਿੱਖਣ ਲਈ ਪ੍ਰੇਰਿਤ ਕਰਿਆ।
ਤਨਿਸ਼ਪ੍ਰੀਤ ਦੀ ਜੀਅ-ਜਾਨ ਵਾਲੀ ਮਿਹਨਤ ਰੰਗ ਲਿਆਈ ਅਤੇ ਏਸ਼ੀਅਨ ਬਾਕਸਿੰਗ ਵਿੱਚ ਸੋਨ ਤਮਗ਼ਾ ਜਿੱਤੇ ਕੇ ਆਪਣੇ ਪਰਿਵਾਰ, ਪਟਿਆਲੇ ਜ਼ਿਲ੍ਹੇ ਅਤੇ ਪੰਜਾਬ ਦਾ ਨਾਂਅ ਰੋਸ਼ਨ ਕੀਤਾ।
ਪਿਤਾ ਤੇਜਬੀਰ ਸਿੰਘ ਸੰਧੂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਰਿਵਾਰ ਵਿੱਚ ਪਹਿਲਾਂ ਵੀ ਕਈ ਖਿਡਾਰੀ ਰਹੇ ਹਨ। ਇਸ ਲਈ ਉਨ੍ਹਾਂ ਨੇ ਆਪਣੇ ਬੱਚਿਆਂ ਨੂੰ ਵੀ ਖੇਡਾਂ ਵੱਲ ਪ੍ਰੇਰਿਤ ਕੀਤਾ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀਆਂ ਬੇਟੀਆਂ ਹਨ ਅਤੇ ਉਹ ਚਾਹੁੰਦੇ ਸਨ ਕਿ ਉਨ੍ਹਾਂ ਦੀ ਬੇਟੀ ਅੱਜ ਦੇ ਮਾੜੇ ਸਮੇਂ ਵਿੱਚ ਆਪਣੀ ਰੱਖਿਆ ਖ਼ੁਦ ਕਰ ਸਕੇ, ਇਸ ਲਈ ਉਨ੍ਹਾਂ ਨੇ ਆਪਣੀ ਬੇਟੀ ਨੂੰ ਬਾਕਸਿੰਗ ਖੇਡਣ ਲਈ ਪ੍ਰੇਰਿਤ ਕੀਤਾ ਹੈ।
ਮਿਹਨਤ ਜਜ਼ਬਾ ਇਨਸਾਨ ਨੂੰ ਉਹ ਮੁਕਾਮ ਦਿਵਾਉਂਦਾ ਹੈ ਜੋ ਉਹ ਪਾਉਣਾ ਚਾਹੁੰਦਾ ਹੈ। ਇਸ ਦੀ ਮਿਸਾਲ ਬਣੀ ਹੈ ਤਨਿਸ਼ਪ੍ਰੀਤ ਕੌਰ ਸੰਧੂ ਜੋ ਕਿ ਆਪਣੇ ਮਾਪਿਆਂ ਦੀ ਅਤੇ ਕੋਚ ਦੀ ਮਿਹਨਤ ਨਾਲ ਸੋਨ ਤਮਗ਼ਾ ਜਿੱਤ ਕੇ ਲਿਆਈ ਹੈ। ਏਸ਼ੀਆ ਬਾਕਸਿੰਗ ਮੁਕਾਬਲਾ ਜਿੱਤਣ ਤੋਂ ਬਾਅਦ ਹੁਣ ਤਨਿਸ਼ਪ੍ਰੀਤ ਨੇ ਓਲੰਪਿਕ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਉਸ ਦੇ ਪੂਰੇ ਪਰਿਵਾਰ ਨੂੰ ਤੇ ਉਸ ਦੇ ਕੋਚ ਨੂੰ ਉਮੀਦ ਹੈ ਕਿ ਤਨਿਸ਼ਪ੍ਰੀਤ ਕੌਰ ਓਲੰਪਿਕ ਵਿੱਚ ਵੀ ਸੋਨ ਤਮਗ਼ਾ ਲਿਆਵੇਗੀ।
ਇਹ ਵੀ ਪੜ੍ਹੋ : ਟਾਂਡਾ: ਇਕਬਾਲ ਸਿੰਘ ਨੇ ਕਾਂਸੀ ਤਗ਼ਮਾ ਜਿੱਤ ਰੌਸ਼ਨ ਕੀਤਾ ਪਿੰਡ ਦਾ ਨਾਂਅ
