ਨਵੀਂ ਦਿੱਲੀ : ICC ਨੇ ਬੁੱਧਵਾਰ ਨੂੰ ਪੁਰਸ਼ਾਂ ਦੀ ਟੈਸਟ ਰੈਂਕਿੰਗ ਦੀ ਤਾਜ਼ਾ ਸੂਚੀ ਜਾਰੀ ਕੀਤੀ ਹੈ। ਇਸ ਤੋਂ ਬਾਅਦ ਟੈਸਟ ਕ੍ਰਿਕਟ 'ਚ ਆਸਟ੍ਰੇਲੀਆਈ ਬੱਲੇਬਾਜ਼ ਮਾਰਨਸ ਲਾਬੂਸ਼ੇਨ ਤੋਂ ਦੁਨੀਆ ਦੇ ਚੋਟੀ ਦੇ ਬੱਲੇਬਾਜ਼ ਦਾ ਤਾਜ ਖੋਹ ਲਿਆ ਗਿਆ ਹੈ। ਇੰਗਲੈਂਡ ਦੇ ਤਜਰਬੇਕਾਰ ਬੱਲੇਬਾਜ਼ ਜੋਅ ਰੂਟ ਟੈਸਟ ਰੈਂਕਿੰਗ 'ਚ ਨੰਬਰ ਇਕ ਬੱਲੇਬਾਜ਼ ਬਣ ਗਏ ਹਨ। ਉਸ ਨੇ ਮਾਰਨਸ ਲਾਬੂਸ਼ੇਨ ਨੂੰ ਸਿਖਰਲੇ ਸਥਾਨ ਤੋਂ ਹਟਾ ਦਿੱਤਾ ਹੈ। ਜੋਅ ਬਰਮਿੰਘਮ ਟੈਸਟ ਤੋਂ ਪਹਿਲਾਂ ਨੰਬਰ ਇਕ ਰੈਂਕਿੰਗ 'ਤੇ ਸੀ। ਰੂਟ ਨੇ ਬਰਮਿੰਘਮ ਟੈਸਟ ਦੀ ਪਹਿਲੀ ਪਾਰੀ ਵਿੱਚ ਆਪਣਾ 30ਵਾਂ ਸੈਂਕੜਾ ਲਗਾਇਆ। ਜਦਕਿ ਦੂਜੀ ਪਾਰੀ ਵਿੱਚ ਵੀ ਉਸ ਨੇ 46 ਦੌੜਾਂ ਦੀ ਅਹਿਮ ਪਾਰੀ ਖੇਡੀ। ਬਰਮਿੰਘਮ ਟੈਸਟ 'ਚ 0 ਅਤੇ 13 ਦੌੜਾਂ ਦੀ ਪਾਰੀ ਖੇਡਣ ਵਾਲੇ ਲਾਬੂਸ਼ੇਨ ਹੁਣ ਪਹਿਲੇ ਤੋਂ ਤੀਜੇ ਸਥਾਨ 'ਤੇ ਪਹੁੰਚ ਗਏ ਹਨ।
ਰਿਸ਼ਭ ਪੰਤ ਚੋਟੀ ਦੇ 10 ਬੱਲੇਬਾਜ਼ਾਂ ਦੀ ਸੂਚੀ ਵਿੱਚ ਸ਼ਾਮਲ : ਟ੍ਰੈਵਿਸ ਹੈੱਡ ਅਤੇ ਸਟੀਵ ਸਮਿਥ ਨੂੰ ਟੈਸਟ ਰੈਂਕਿੰਗ 'ਚ ਨੁਕਸਾਨ ਹੋਇਆ ਹੈ। ਤੀਜਾ ਸਥਾਨ ਹਾਸਲ ਕਰਨ ਵਾਲੇ ਟ੍ਰੈਵਿਸ ਹੈਡ ਇਕ ਸਥਾਨ ਖਿਸਕ ਕੇ ਚੌਥੇ ਨੰਬਰ 'ਤੇ ਆ ਗਏ ਹਨ। ਇਸ ਦੇ ਨਾਲ ਹੀ ਦੂਜੇ ਸਥਾਨ 'ਤੇ ਕਾਬਜ਼ ਸਟੀਵਨ ਸਮਿਥ ਚਾਰ ਸਥਾਨ ਖਿਸਕ ਕੇ ਛੇਵੇਂ ਨੰਬਰ 'ਤੇ ਪਹੁੰਚ ਗਏ ਹਨ। ਕੇਨ ਵਿਲੀਅਮਸਨ ਹੁਣ ਦੂਜੇ ਸਥਾਨ 'ਤੇ ਹੈ। ਬਰਮਿੰਘਮ ਟੈਸਟ 'ਚ 141 ਅਤੇ 65 ਦੌੜਾਂ ਦੀ ਪਲੇਅਰ ਆਫ ਦਿ ਮੈਚ ਪਾਰੀ ਖੇਡਣ ਵਾਲੇ ਉਸਮਾਨ ਖਵਾਜਾ ਰੈਂਕਿੰਗ 'ਚ ਸੱਤਵੇਂ ਸਥਾਨ 'ਤੇ ਆ ਗਏ ਹਨ। ਭਾਰਤ ਦੇ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਹੀ ਚੋਟੀ ਦੇ 10 'ਚ ਸ਼ਾਮਲ ਇਕੋ ਇਕ ਭਾਰਤੀ ਬੱਲੇਬਾਜ਼ ਹਨ।
- ਪ੍ਰਦਰਸ਼ਨ ਛੱਡ, ਅਖਾੜੇ 'ਚ ਉਤਰੇਗੀ ਵਿਨੇਸ਼ ਫੋਗਾਟ ! ਬੁਡਾਪੇਸਟ ਰੈਂਕਿੰਗ ਸੀਰੀਜ਼ ਲਈ ਵਿਨੇਸ਼ ਨੂੰ ਮਿਲੀ ਹਰੀ ਝੰਡੀ
- ਰੋਮਾਂਚਕ ਮੈਚ 'ਚ ਆਸਟ੍ਰੇਲੀਆ 2 ਵਿਕਟਾਂ ਨਾਲ ਜਿੱਤਿਆ, ਪੈਟ ਕਮਿੰਸ ਨੇ ਖੇਡੀ ਕਪਤਾਨੀ ਪਾਰੀ
- Emerging Asian Cup 2023 : ਟੀਮ ਇੰਡੀਆ ਨੇ ਫਾਈਨਲ 'ਚ ਬੰਗਲਾਦੇਸ਼ ਨੂੰ ਹਰਾ ਕੇ ਜਿੱਤਿਆ ਇਹ ਖਿਤਾਬ
ਅਸ਼ਵਿਨ ਨੰਬਰ 1 ਅਤੇ ਰੌਬਿਨਸਨ ਦੀ ਟਾਪ 5 ਵਿੱਚ ਐਂਟਰੀ : ਬਰਮਿੰਘਮ ਟੈਸਟ 'ਚ ਪੰਜ ਵਿਕਟਾਂ ਲੈਣ ਵਾਲੇ ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਓਲੀ ਰੌਬਿਨਸਨ ਟੌਪ ਪੰਜ 'ਚ ਪਹੁੰਚ ਗਏ ਹਨ। ਜੇਮਸ ਐਂਡਰਸਨ ਦੂਜੇ ਅਤੇ ਸਟੂਅਰਟ ਬ੍ਰਾਡ ਨੌਵੇਂ ਸਥਾਨ 'ਤੇ ਹਨ। ਪੈਟ ਕਮਿੰਸ ਦੂਜੀ ਪਾਰੀ 'ਚ ਚਾਰ ਵਿਕਟਾਂ ਲੈਣ ਦੇ ਬਾਵਜੂਦ ਤੀਜੇ ਤੋਂ ਚੌਥੇ ਸਥਾਨ 'ਤੇ ਖਿਸਕ ਗਏ ਹਨ। ਇਸ ਦੇ ਨਾਲ ਹੀ ਮੈਚ 'ਚ ਅੱਠ ਵਿਕਟਾਂ ਲੈਣ ਵਾਲੇ ਨਾਥਨ ਲਿਓਨ ਇਕ ਸਥਾਨ ਦੇ ਫਾਇਦੇ ਨਾਲ ਛੇਵੇਂ ਸਥਾਨ 'ਤੇ ਪਹੁੰਚ ਗਏ ਹਨ। ਆਰ ਅਸ਼ਵਿਨ ਅਜੇ ਵੀ ਦੁਨੀਆ ਦਾ ਨੰਬਰ ਇਕ ਟੈਸਟ ਗੇਂਦਬਾਜ਼ ਹੈ।
ਨੇਤਰਵਾਲਕਰ ਨੇ ਰਚਿਆ ਇਤਿਹਾਸ : ਅਮਰੀਕਾ ਦੇ ਸੌਰਭ ਨੇਤਰਵਾਲਕਰ ਨੇ ਵਿਸ਼ਵ ਕੱਪ ਕੁਆਲੀਫਾਇਰ ਟੂਰਨਾਮੈਂਟ ਦੇ ਪਹਿਲੇ ਮੈਚ ਵਿੱਚ ਚਾਰ ਵਿਕਟਾਂ ਲੈ ਕੇ ਵਨਡੇ ਗੇਂਦਬਾਜ਼ੀ ਰੈਂਕਿੰਗ ਦੇ ਸਿਖਰਲੇ 20 ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। 18ਵੇਂ ਸਥਾਨ 'ਤੇ ਕਾਬਜ਼ ਨੇਤਰਵਾਲਕਰ ਟੌਪ 20 'ਚ ਥਾਂ ਬਣਾਉਣ ਵਾਲੇ ਪਹਿਲੇ ਅਮਰੀਕੀ ਗੇਂਦਬਾਜ਼ ਹਨ। ਜੋਸ਼ ਹੇਜ਼ਲਵੁੱਡ, ਮੁਹੰਮਦ ਸਿਰਾਜ ਅਤੇ ਮਿਸ਼ੇਲ ਸਟਾਰਕ ਕ੍ਰਮਵਾਰ ਪਹਿਲੇ, ਦੂਜੇ ਅਤੇ ਤੀਜੇ ਸਥਾਨ 'ਤੇ ਹਨ। ਓਮਾਨ ਦੇ ਜੀਸ਼ਾਨ ਮਕਸੂਦ ਵਨਡੇ ਆਲਰਾਊਂਡਰ ਰੈਂਕਿੰਗ 'ਚ ਚੋਟੀ ਦੇ ਤਿੰਨ 'ਚ ਪਹੁੰਚ ਗਏ ਹਨ। ਉਨ੍ਹਾਂ ਕੁਆਲੀਫਾਇਰ ਦੇ ਪਹਿਲੇ ਮੈਚ ਵਿੱਚ ਅਰਧ ਸੈਂਕੜਾ ਜੜਿਆ ਅਤੇ ਇੱਕ ਵਿਕਟ ਵੀ ਲਈ। ਸ਼ਾਕਿਬ ਅਲ ਹਸਨ ਇਸ ਸੂਚੀ ਵਿਚ ਸਿਖਰ 'ਤੇ ਬਰਕਰਾਰ ਹਨ, ਜਦਕਿ ਮੁਹੰਮਦ ਨਬੀ ਦੂਜੇ ਸਥਾਨ 'ਤੇ ਹਨ।
