ਕੋਝੀਕੋਡ: ਮੌਜੂਦਾ ਚੈਂਪੀਅਨ ਮਨੀਪੁਰ ਨੇ ਮੰਗਲਵਾਰ ਨੂੰ ਸੀਨੀਅਰ ਮਹਿਲਾ ਰਾਸ਼ਟਰੀ ਫੁੱਟਬਾਲ ਚੈਂਪੀਅਨਸ਼ਿਪ (Senior Women's National Football Championship) ਦੇ ਸੈਮੀਫਾਈਨਲ 'ਚ ਓਡੀਸ਼ਾ ਨੂੰ ਪੈਨਲਟੀ ਸ਼ੂਟ ਆਊਟ 'ਚ ਹਰਾ ਕੇ ਫਾਈਨਲ 'ਚ ਜਗ੍ਹਾ ਬਣਾਈ ਜਿੱਥੇ ਉਸ ਦਾ ਸਾਹਮਣਾ ਰੇਲਵੇ ਨਾਲ ਹੋਵੇਗਾ।
90 ਮਿੰਟ ਦੀ ਨਿਯਮਤ ਖੇਡ ਅਤੇ 30 ਮਿੰਟਾਂ ਦੀ ਵਾਧੂ ਖੇਡ ਦੇ ਬਾਵਜੂਦ ਮਣੀਪੁਰ ਅਤੇ ਉੜੀਸਾ 1-1 ਨਾਲ ਬਰਾਬਰੀ 'ਤੇ ਰਹੀ ਸੀ, ਜਿਸ ਤੋਂ ਬਾਅਦ ਮੈਚ ਦੇ ਨਤੀਜੇ ਲਈ ਪੈਨਲਟੀ ਸ਼ੂਟ ਆਊਟ ਦੀ ਵਰਤੋਂ ਕੀਤੀ ਗਈ।
ਮਨੀਪੁਰ ਦੇ ਤਿੰਨ ਖਿਡਾਰੀਆਂ ਨੇ ਪੈਨਲਟੀ ਸ਼ੂਟ ਆਊਟ ਵਿੱਚ ਗੋਲ ਕੀਤੇ ਜਦਕਿ ਓਡੀਸ਼ਾ ਦੀ ਕੋਈ ਵੀ ਖਿਡਾਰਡਨ ਗੋਲ ਨਹੀਂ ਕਰ ਸਕੀ। ਇੱਕ ਹੋਰ ਸੈਮੀਫਾਈਨਲ ਵਿੱਚ ਵੀ ਰੇਲਵੇ ਨੇ ਮਿਜ਼ੋਰਮ ਨੂੰ ਪੈਨਲਟੀ ਸ਼ੂਟ ਆਊਟ ਵਿੱਚ 6-5 ਨਾਲ ਹਰਾਇਆ। ਨਿਯਮਤ ਅਤੇ ਵਾਧੂ ਸਮੇਂ ਤੋਂ ਬਾਅਦ ਦੋਵੇਂ ਟੀਮਾਂ 1-1 ਦੀ ਬਰਾਬਰੀ 'ਤੇ ਸਨ। ਫਾਈਨਲ ਮੈਚ ਸ਼ੁੱਕਰਵਾਰ ਨੂੰ ਖੇਡਿਆ ਜਾਵੇਗਾ।
ਇਹ ਵੀ ਪੜ੍ਹੋ: Harbhajan Singh ਅਗਲੇ ਹਫ਼ਤੇ ਕਰ ਸਕਦੇ ਹਨ ਸੰਨਿਆਸ ਦਾ ਐਲਾਨ
ਮਨੀਪੁਰ ਅਤੇ ਉੜੀਸਾ ਦੋਵਾਂ ਨੇ ਹੌਲੀ ਸ਼ੁਰੂਆਤ ਕੀਤੀ ਅਤੇ ਇੱਕ ਦੂਜੇ ਦੀ ਖੇਡ ਨੂੰ ਪਰਖਣ ਨੂੰ ਤਰਜੀਹ ਦਿੱਤੀ। ਉੜੀਸਾ ਨੇ 11ਵੇਂ ਮਿੰਟ 'ਚ ਪਾਪਾਕੀ ਦੇਵੀ ਦੇ ਆਤਮਘਾਤੀ ਗੋਲ ਦੀ ਬਦੌਲਤ ਬੜ੍ਹਤ ਬਣਾ ਲਈ, ਪਰ ਕਿਰਨਬਾਲਾ ਚਾਨੂ (45 ਪਲੱਸ 3 ਮਿੰਟ) ਨੇ ਇੰਜਰੀ ਟਾਈਮ ਦੇ ਪਹਿਲੇ ਅੱਧ 'ਚ ਮਨੀਪੁਰ ਨੂੰ ਬਰਾਬਰੀ 'ਤੇ ਲੈ ਲਿਆ।
ਇਸ ਤੋਂ ਬਾਅਦ ਦੋਵਾਂ ਟੀਮਾਂ ਨੇ ਕਈ ਹਮਲੇ ਕੀਤੇ, ਪਰ ਗੋਲ ਕਰਨ ਵਿੱਚ ਕਾਮਯਾਬ ਨਹੀਂ ਹੋ ਸਕੇ। ਪੈਨਲਟੀ ਸ਼ੂਟ ਆਊਟ ਵਿੱਚ ਬੇਬੀਸਾਨਾ ਦੇਵੀ, ਰੋਜਾ ਦੇਵੀ ਅਤੇ ਸੁਲਤਾਨਾ ਐਮਐਸ ਨੇ ਮਣੀਪੁਰ ਲਈ ਪਹਿਲੇ ਤਿੰਨ ਯਤਨਾਂ ਵਿੱਚ ਗੋਲ ਕੀਤੇ। ਉੜੀਸਾ ਲਈ ਜਸੋਦਾ ਮੁੰਡਾ, ਸੁਭਦਰਾ ਸਾਹੂ ਅਤੇ ਸੁਮਨ ਪ੍ਰਗਿਆਨ ਮਹਾਪਾਤਰਾ ਗੋਲ ਕਰਨ ਵਿੱਚ ਨਾਕਾਮ ਰਹੀਆਂ।
ਇਹ ਵੀ ਪੜ੍ਹੋ: FIH ਸਲਾਨਾ ਪੁਰਸਕਾਰਾਂ ਵਿੱਚ ਭਾਰਤੀਆਂ ਦਾ ਹੈ ਦਬਦਬਾ
