ਨਵੀਂ ਦਿੱਲੀ: ਫੁੱਟਬਾਲ ਦਿੱਲੀ ਨੇ ਮੰਗਲਵਾਰ ਨੂੰ ਇੱਕ ਆਨਲਾਈਨ ਹੁਨਰ ਖੋਜ ਪ੍ਰੋਗਰਾਮ ਦਾ ਐਲਾਨ ਕੀਤਾ ਹੈ। ਇਸ ਵਿੱਚ 6 ਤੋਂ 17 ਸਾਲ ਦੀ ਉਮਰ ਵਰਗ ਦੇ ਲੜਕੇ ਅਤੇ ਲੜਕੀਆਂ ਨੂੰ ਆਪਣੇ ਹੁਨਰ ਦਾ ਪ੍ਰਦਰਸ਼ਨ ਕਰਨ ਅਤੇ ਢਾਈ ਲੱਖ ਰੁਪਏ ਦੀ ਇਨਾਮ ਰਾਸ਼ੀ ਜਿੱਤਣ ਦਾ ਮੌਕਾ ਮਿਲੇਗਾ।
ਬੱਚੇ ਆਪਣੇ ਘਰ ਤੋਂ ਵੀਡੀਓ ਅਪਲੋਡ ਕਰਕੇ ਅਤੇ ਮੁਕਾਬਲੇ ਦੇ ਪੋਰਟਲ 'ਤੇ ਵੀਡੀਓ ਅਪਲੋਡ ਕਰਕੇ ਆਪਣੇ ਹੁਨਰ ਨੂੰ ਪ੍ਰਦਰਸ਼ਤ ਕਰ ਸਕਦੇ ਹਨ ਜਿਥੇ ਉਨ੍ਹਾਂ ਦੇ ਵੀਡੀਓ 'ਤੇ ਵੋਟਿੰਗ ਕੀਤੀ ਜਾਏਗੀ।
ਫੁੱਟਬਾਲ ਦਿੱਲੀ ਯੰਗ ਸਟਾਰਜ਼ ਹੰਟ ਨਾਮ ਦੀ ਇਹ ਹੁਨਰ ਖੋਜ ਮੁਹਿੰਮ ਕੌਮੀ ਰਾਜਧਾਨੀ ਖੇਤਰ ਵਿੱਚ ਰਹਿਣ ਵਾਲੇ ਜਾਂ ਇੱਥੋਂ ਦੇ ਸਕੂਲ ਵਿੱਚ ਪੜ੍ਹ ਰਹੇ ਨੌਜਵਾਨਾਂ ਲਈ ਹੈ।
ਅਮੇਨੀਟੀ ਓਡੀਸ਼ਾ ਐਫਸੀ ਸੌਕਰ ਸਕੂਲ ਨੇ ਜੇਤੂ ਉਮੀਦਵਾਰ ਨੂੰ 28 ਲੱਖ ਦੀ ਸਕਾਲਰਸ਼ਿਪ ਦੀ ਪੇਸ਼ਕਸ਼ ਕੀਤੀ ਹੈ ਤਾਂ ਜੋ ਉਹ ਪੇਸ਼ੇਵਰ ਫੁੱਟਬਾਲ ਦੀ ਸਿਖਲਾਈ ਦੇ ਨਾਲ ਆਪਣੀ ਰਸਮੀ ਸਿੱਖਿਆ ਨੂੰ ਜਾਰੀ ਰੱਖ ਸਕਣ।
