ਹੈਦਰਾਬਾਦ ਡੈਸਕ: ਭਾਰਤੀ ਕ੍ਰਿਕਟ ਟੀਮ ਹਮੇਸ਼ਾ ਪ੍ਰਸ਼ੰਸਕਾਂ ਦੀਆਂ ਉਮੀਦਾਂ ਨੂੰ ਆਪਣੇ ਮੋਢਿਆਂ 'ਤੇ ਲੈ ਕੇ ਵਿਸ਼ਵ ਕੱਪ 'ਚ ਪ੍ਰਵੇਸ਼ ਕਰਦੀ ਹੈ। ਭਾਰਤ ਇੱਕ ਅਜਿਹਾ ਦੇਸ਼ ਹੈ ਜਿਸ ਵਿੱਚ ਕ੍ਰਿਕਟ ਦਾ ਜਨੂੰਨ ਬਹੁਤ ਜਿਆਦਾ ਹੈ। ਭਾਰਤ ਨੇ ਆਖਰੀ ਵਾਰ 2011 ਵਿੱਚ ਮਹਿੰਦਰ ਸਿੰਘ ਧੋਨੀ ਦੀ ਕਪਤਾਨੀ ਵਿੱਚ ਆਈਸੀਸੀ ਵਿਸ਼ਵ ਕੱਪ ਦੀ ਟਰਾਫੀ ਜਿੱਤੀ ਸੀ। ਟੀਮ ਇੰਡੀਆ 2013 'ਚ ਚੈਂਪੀਅਨਸ ਟਰਾਫੀ ਜਿੱਤਣ ਤੋਂ ਬਾਅਦ ਕੋਈ ਵੀ ਆਈਸੀਸੀ ਟਰਾਫੀ ਨਹੀਂ ਜਿੱਤ ਸਕੀ ਹੈ ਅਤੇ ਨਾਕਆਊਟ ਮੈਚਾਂ ਤੋਂ ਲਗਾਤਾਰ ਬਾਹਰ ਹੁੰਦੀ ਰਹੀ ਹੈ। ਹੁਣ ਰੋਹਿਤ ਸ਼ਰਮਾ ਦੀ ਕਪਤਾਨੀ 'ਚ ਟੀਮ ਕੋਲ ICC ਵਿਸ਼ਵ ਕੱਪ 2023 ਦੀ ਟਰਾਫੀ ਜਿੱਤਣ ਦਾ ਮੌਕਾ ਹੋਵੇਗਾ।
ਇਸ ਵਾਰ ਭਾਰਤੀ ਟੀਮ ਕੋਲ ਚੰਗੇ ਖਿਡਾਰੀਆਂ ਦਾ ਵੱਡਾ ਸਮੂਹ ਹੈ ਅਤੇ ਇਹ ਸਾਰੇ ਬੱਲੇਬਾਜ਼ ਭਾਰਤੀ ਧਰਤੀ 'ਤੇ ਜਿੱਤ ਦੇ ਫਾਰਮੂਲੇ ਦੀ ਗਾਰੰਟੀ ਦਿੰਦੇ ਹਨ। ਭਾਰਤੀ ਪਿੱਚਾਂ 'ਤੇ ਸਪਿਨਰਾਂ ਦੀ ਭੂਮਿਕਾ ਵੀ ਅਹਿਮ ਹੋਣ ਵਾਲੀ ਹੈ ਅਤੇ ਟੀਮ 'ਚ ਵਿਸ਼ਵ ਪੱਧਰੀ ਸਪਿਨ ਗੇਂਦਬਾਜ਼ ਹਨ, ਜਿਨ੍ਹਾਂ ਨੇ ਹਰ ਮੌਕੇ 'ਤੇ ਖੁਦ ਨੂੰ ਸਾਬਤ ਕੀਤਾ ਹੈ। ਅਜਿਹੇ 'ਚ ਟੀਮ ਇੰਡੀਆ ਨੂੰ ਵਿਸ਼ਵ ਕੱਪ ਖਿਤਾਬ ਜਿੱਤਣ ਦਾ ਮਜ਼ਬੂਤ ਦਾਅਵੇਦਾਰ ਮੰਨਿਆ ਜਾ ਰਿਹਾ ਹੈ ਪਰ ਉਸ ਨੂੰ ਆਸਟ੍ਰੇਲੀਆ ਅਤੇ ਇੰਗਲੈਂਡ ਵਰਗੀਆਂ ਮਜ਼ਬੂਤ ਟੀਮਾਂ ਤੋਂ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ।
-
R Ashwin replaces injured Axar Patel in the 15-member squad.
— BCCI (@BCCI) September 28, 2023 " class="align-text-top noRightClick twitterSection" data="
We wish Axar a speedy recovery 👍 👍#TeamIndia's final squad for the ICC Men's Cricket World Cup 2023 is here 🙌#CWC23 pic.twitter.com/aejYhJJQrT
">R Ashwin replaces injured Axar Patel in the 15-member squad.
— BCCI (@BCCI) September 28, 2023
We wish Axar a speedy recovery 👍 👍#TeamIndia's final squad for the ICC Men's Cricket World Cup 2023 is here 🙌#CWC23 pic.twitter.com/aejYhJJQrTR Ashwin replaces injured Axar Patel in the 15-member squad.
— BCCI (@BCCI) September 28, 2023
We wish Axar a speedy recovery 👍 👍#TeamIndia's final squad for the ICC Men's Cricket World Cup 2023 is here 🙌#CWC23 pic.twitter.com/aejYhJJQrT
ਭਾਰਤੀ ਟੀਮ ਦੀ ਤਾਕਤ: ਭਾਰਤੀ ਕ੍ਰਿਕਟ ਟੀਮ ਦੀ ਤਾਕਤ ਹਮੇਸ਼ਾ ਉਨ੍ਹਾਂ ਦੀ ਬੱਲੇਬਾਜ਼ੀ ਨੂੰ ਮੰਨਿਆ ਗਿਆ ਹੈ। ਭਾਰਤੀ ਟੀਮ ਆਪਣੇ ਵਿਰੋਧੀਆਂ ਲਈ ਵੱਡੇ ਟੀਚੇ ਤੈਅ ਕਰਨ ਅਤੇ ਉਨ੍ਹਾਂ ਦਾ ਪਿੱਛਾ ਕਰਨ 'ਚ ਸਮਰੱਥ ਹੈ। ਭਾਰਤੀ ਬੱਲੇਬਾਜ਼ ਘਰੇਲੂ ਮੈਦਾਨ 'ਤੇ ਕਿਸੇ ਵੀ ਗੇਂਦਬਾਜ਼ੀ ਕ੍ਰਮ ਨੂੰ ਤਬਾਹ ਕਰ ਸਕਦੇ ਹਨ। ਟੀਮ ਕੋਲ ਰੋਹਿਤ ਸ਼ਰਮਾ, ਸ਼ੁਭਮਨ ਗਿੱਲ ਅਤੇ ਵਿਰਾਟ ਕੋਹਲੀ ਦੇ ਰੂਪ ਵਿੱਚ ਮਜ਼ਬੂਤ ਸਿਖਰਲਾ ਕ੍ਰਮ ਹੈ। ਰੋਹਿਤ ਨੇ ਪਿਛਲੇ 4 ਵਨਡੇ 'ਚ 3 ਅਰਧ ਸੈਂਕੜੇ ਲਗਾਏ ਹਨ। ਇਸ ਤਰ੍ਹਾਂ ਸ਼ੁਭਮਨ ਗਿੱਲ ਨੇ ਵੀ ਆਸਟ੍ਰੇਲੀਆ ਖਿਲਾਫ ਸੀਰੀਜ਼ ਦੇ ਪਹਿਲੇ 2 ਮੈਚਾਂ 'ਚ ਲਗਾਤਾਰ ਅਰਧ ਸੈਂਕੜੇ ਲਗਾਏ। ਵਿਰਾਟ ਨੇ ਵੀ ਏਸ਼ੀਆ ਕੱਪ 'ਚ ਸੈਂਕੜਾ ਅਤੇ ਆਸਟ੍ਰੇਲੀਆ ਖਿਲਾਫ ਅਰਧ ਸੈਂਕੜਾ ਲਗਾ ਕੇ ਆਪਣੀ ਸ਼ਾਨਦਾਰ ਫਾਰਮ ਦਿਖਾਈ ਹੈ। ਕੇਐੱਲ ਰਾਹੁਲ ਅਤੇ ਸ਼੍ਰੇਅਸ ਅਈਅਰ ਵੀ ਚੰਗੀ ਫਾਰਮ 'ਚ ਹਨ। ਰਾਹੁਲ ਨੇ ਏਸ਼ੀਆ ਕੱਪ 'ਚ ਪਾਕਿਸਤਾਨ ਖਿਲਾਫ 1 ਸੈਂਕੜਾ ਅਤੇ ਆਸਟ੍ਰੇਲੀਆ ਖਿਲਾਫ 2 ਅਰਧ ਸੈਂਕੜੇ ਲਗਾਏ ਹਨ। ਇਸ ਤੋਂ ਇਲਾਵਾ ਸ਼੍ਰੇਅਸ ਅਈਅਰ ਨੇ ਵੀ ਆਸਟ੍ਰੇਲੀਆ ਖਿਲਾਫ ਸ਼ਾਨਦਾਰ ਸੈਂਕੜਾ ਲਗਾਇਆ।
ਭਾਰਤੀ ਟੀਮ ਦੀ ਸਪਿਨ ਗੇਂਦਬਾਜ਼ੀ ਵੀ ਉਨ੍ਹਾਂ ਦੀ ਤਾਕਤ ਹੈ ਅਤੇ ਇਹ ਭਾਰਤੀ ਪਿੱਚਾਂ 'ਤੇ ਦੁੱਗਣੀ ਹੋ ਜਾਂਦੀ ਹੈ। ਕੁਲਦੀਪ ਯਾਦਵ ਦੁਨੀਆ ਦੇ ਕਿਸੇ ਵੀ ਬੱਲੇਬਾਜ਼ ਨੂੰ ਆਪਣੀਆਂ ਗੇਂਦਾਂ ਨਾਲ ਆਊਟ ਕਰਨ ਦੀ ਕਾਬਲੀਅਤ ਰੱਖਦੇ ਹਨ। ਇਸ ਦੇ ਨਾਲ ਹੀ ਰਵੀਚੰਦਰਨ ਅਸ਼ਵਿਨ ਅਤੇ ਰਵਿੰਦਰ ਜਡੇਜਾ ਦੀ ਗੇਂਦਬਾਜ਼ੀ ਦੀ ਜੋੜੀ ਅੱਗੇ ਬਿਹਤਰੀਨ ਬੱਲੇਬਾਜ਼ ਵੀ ਆਤਮ ਸਮਰਪਣ ਕਰ ਦਿੰਦੇ ਹਨ। ਆਸਟ੍ਰੇਲੀਆਈ ਬੱਲੇਬਾਜ਼ਾਂ ਨੇ ਵੀ ਮੁਹੰਮਦ ਸ਼ਮੀ ਦੀ ਗੇਂਦਬਾਜ਼ੀ ਸਾਹਮਣੇ ਗੋਡੇ ਟੇਕ ਦਿੱਤੇ ਸਨ। ਜਸਪ੍ਰੀਤ ਬੁਮਰਾਹ ਭਾਰਤ ਦੀ ਗੇਂਦਬਾਜ਼ੀ ਨੂੰ ਹੋਰ ਵੀ ਖ਼ਤਰਨਾਕ ਬਣਾ ਦਿੰਦੇ ਹਨ।ਭਾਰਤੀ ਟੀਮ ਹਰ ਖੇਤਰ 'ਚ ਮਜ਼ਬੂਤ ਨਜ਼ਰ ਆ ਰਹੀ ਹੈ ਅਤੇ ਟਰਾਫੀ ਜਿੱਤਣ ਦੀ ਮਜ਼ਬੂਤ ਦਾਅਵੇਦਾਰ ਹੈ।
ਭਾਰਤੀ ਟੀਮ ਦੀ ਕਮਜ਼ੋਰੀ: ਭਾਰਤੀ ਟੀਮ ਦੇ ਜ਼ਿਆਦਾਤਰ ਬੱਲੇਬਾਜ਼ ਸੱਜੇ ਹੱਥ ਦੇ ਹਨ, ਇਸ ਲਈ ਟੀਮ ਨੂੰ ਖੱਬੇ ਹੱਥ ਦੇ ਬੱਲੇਬਾਜ਼ਾ ਦੀ ਕਮੀ ਹੋ ਸਕਦੀ ਹੈ। ਭਾਰਤੀ ਸਿਖਰਲੇ ਕ੍ਰਮ ਵਿੱਚ ਖੱਬੇ ਹੱਥ ਦੇ ਬੱਲੇਬਾਜ਼ ਦਾ ਨਾ ਹੋਣਾ ਇੱਕ ਕਮਜ਼ੋਰੀ ਹੈ। ਜੇਕਰ ਈਸ਼ਾਨ ਕਿਸ਼ਨ ਨੂੰ ਪਲੇਇੰਗ 11 ਤੋਂ ਬਾਹਰ ਰੱਖਿਆ ਜਾਂਦਾ ਹੈ ਤਾਂ ਰਵਿੰਦਰ ਜਡੇਜਾ ਹੀ ਟੀਮ 'ਚ ਖੱਬੇ ਹੱਥ ਦਾ ਇਕਲੌਤਾ ਬੱਲੇਬਾਜ਼ ਰਹਿ ਜਾਵੇਗਾ ਅਤੇ ਉਹ ਵੀ 7ਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਉਤਰੇਗਾ। ਇਸ ਤੋਂ ਇਲਾਵਾ ਟੀਮ ਵਿੱਚ ਲੈੱਗ ਸਪਿਨਰ ਦੀ ਗੈਰਹਾਜ਼ਰੀ ਵੀ ਵੱਡੀ ਕਮਜ਼ੋਰੀ ਹੈ। ਯੁਜਵੇਂਦਰ ਚਾਹਲ ਪਿਛਲੇ ਕੁਝ ਸਾਲਾਂ ਤੋਂ ਆਪਣੀ ਲੈੱਗ ਸਪਿਨ ਗੇਂਦਬਾਜ਼ੀ ਨਾਲ ਭਾਰਤ ਲਈ ਚੰਗਾ ਪ੍ਰਦਰਸ਼ਨ ਕਰ ਰਹੇ ਸਨ। ਪਰ ਉਹ ਹੁਣ ਟੀਮ ਤੋਂ ਬਾਹਰ ਹੈ ਅਤੇ ਭਾਰਤ ਨੂੰ ਇਸ ਵਿਸ਼ਵ ਕੱਪ ਵਿੱਚ ਇੱਕ ਲੈੱਗ ਸਪਿਨਰ ਦੀ ਕਮੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
- ICC World Cup 2023: ਕੱਲ ਤੋਂ ਸ਼ੁਰੂ ਹੋ ਰਹੇ ਨੇ ਵਿਸ਼ਵ ਕੱਪ ਅਭਿਆਸ ਮੈਚ, ਜਾਣੋ ਕਿਹੜੀਆਂ ਟੀਮਾਂ ਆਪਸ ਵਿੱਚ ਭਿੜਨਗੀਆਂ
- Cricket World Cup : ਜਾਣੋ 1975 ਤੋਂ 2019 ਤੱਕ ਕ੍ਰਿਕਟ ਵਿਸ਼ਵ ਕੱਪ ਵਿੱਚ ਟੀਮ ਇੰਡੀਆ ਦਾ ਪ੍ਰਦਰਸ਼ਨ ਕਿਹੋ ਜਿਹਾ ਰਿਹਾ ?
- ICC World Cup 2023: ਕੀ ਹਨ ਬੰਗਲਾਦੇਸ਼ੀ ਟੀਮ ਦੀਆਂ ਸ਼ਕਤੀਆਂ ਅਤੇ ਕਮਜ਼ੋਰੀਆਂ, ਵਿਸ਼ਵ ਕੱਪ ਤੋਂ ਪਹਿਲਾਂ ਜਾਣੋ ਇਸ ਰਿਪੋਰਟ ਰਾਹੀਂ
ਐੱਮਐੱਸ ਧੋਨੀ ਅਤੇ ਰਿਸ਼ਭ ਪੰਤ ਟੀਮ ਇੰਡੀਆ ਵਿੱਚ ਰੈਗੂਲਰ ਵਿਕਟਕੀਪਰ ਸਨ। ਪਰ ਕੇਐੱਲ ਰਾਹੁਲ ਅਤੇ ਈਸ਼ਾਨ ਕਿਸ਼ਨ ਰੈਗੂਲਰ ਵਿਕਟਕੀਪਰ ਨਹੀਂ ਹਨ। ਅਜਿਹੇ 'ਚ ਭਾਰਤ ਨੂੰ ਕਿਸੇ ਮਾਹਰ ਵਿਕਟਕੀਪਰ ਦੀ ਕਮੀ ਹੋ ਸਕਦੀ ਹੈ। ਕਈ ਅਹਿਮ ਮੌਕਿਆਂ 'ਤੇ ਜੇਕਰ ਕੈਚ ਛੱਡੇ ਜਾਂਦੇ ਹਨ ਅਤੇ ਸਟੈਪਿੰਗ ਖੁੰਝ ਜਾਂਦੀ ਹੈ ਤਾਂ ਇਹ ਟੀਮ ਇੰਡੀਆ ਲਈ ਵੱਡੀ ਮੁਸ਼ਕਿਲ ਦਾ ਕਾਰਨ ਬਣ ਸਕਦਾ ਹੈ। ਜੇਕਰ ਸ਼ਾਰਦੁਲ ਠਾਕੁਰ ਨੂੰ ਪਲੇਇੰਗ 11 'ਚ ਜਗ੍ਹਾ ਮਿਲਦੀ ਹੈ ਤਾਂ ਅਸ਼ਵਿਨ ਨੂੰ ਬਾਹਰ ਬੈਠਣਾ ਪੈ ਸਕਦਾ ਹੈ। ਅਜਿਹੇ 'ਚ ਟੀਮ 'ਚ ਆਫ ਸਪਿਨ ਵੀ ਕਮਜ਼ੋਰੀ ਦਾ ਵਿਸ਼ਾ ਬਣ ਸਕਦੀ ਹੈ। ਇਸ ਲਈ ਜੇਕਰ ਅਸ਼ਵਿਨ ਨੂੰ ਪਲੇਇੰਗ 11 'ਚ ਸ਼ਾਮਲ ਕੀਤਾ ਜਾਂਦਾ ਹੈ ਅਤੇ ਸ਼ਾਰਦੁਲ ਠਾਕੁਰ ਨੂੰ ਬਾਹਰ ਕੀਤਾ ਜਾਂਦਾ ਹੈ ਤਾਂ ਟੀਮ ਨੂੰ ਤੇਜ਼ ਗੇਂਦਬਾਜ਼ ਤੇ ਆਲਰਾਊਂਡਰ ਦੀ ਕਮੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਭਾਰਤੀ ਟੀਮ ਲਈ ਖ਼ਤਰਾ: ਭਾਰਤੀ ਕ੍ਰਿਕਟ ਟੀਮ ਲਈ ਸਭ ਤੋਂ ਵੱਡਾ ਖਤਰਾ ਫਲੈਟ ਵਿਕਟਾਂ 'ਤੇ ਇੰਗਲੈਂਡ, ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਵਰਗੀਆਂ ਟੀਮਾਂ ਦੇ ਬੱਲੇਬਾਜ਼ ਹੋ ਸਕਦੇ ਹਨ। ਇਹ ਬੱਲੇਬਾਜ਼ ਉਨ੍ਹਾਂ ਪਿੱਚਾਂ 'ਤੇ ਸੰਘਰਸ਼ ਕਰਦੇ ਹਨ ਜਿੱਥੇ ਭਾਰਤੀ ਸਪਿਨਰਾਂ ਦੀ ਗੇਂਦ ਘੁੰਮਦੀ ਹੈ, ਪਰ ਫਲੈਟ ਵਿਕਟਾਂ 'ਤੇ ਇਹ ਬੱਲੇਬਾਜ਼ ਭਾਰਤੀ ਸਪਿਨਰਾਂ ਲਈ ਕਾਲ ਸਾਬਤ ਹੋ ਸਕਦੇ ਹਨ। ਵਿਸ਼ਵ ਕੱਪ ਨਾਕਆਊਟ 'ਚ ਭਾਰਤੀ ਟੀਮ ਦਾ ਪਿਛਲਾ ਪ੍ਰਦਰਸ਼ਨ ਵੀ ਖਤਰੇ ਦੀ ਘੰਟੀ ਵਜਾਉਂਦਾ ਹੈ।
ਟੀਮ ਇੰਡੀਆ ਲਈ ਮੌਕਾ: ਟੀਮ ਇੰਡੀਆ ਦੇ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਕੋਲ ਆਪਣੇ ਪਹਿਲੇ ਹੀ ਵਿਸ਼ਵ ਕੱਪ 'ਚ ਵੱਡੇ ਮੰਚ 'ਤੇ ਨਾਮ ਕਮਾਉਣ ਦਾ ਮੌਕਾ ਹੋਵੇਗਾ। ਗਿੱਲ ਨੇ ਵਨਡੇ ਫਾਰਮੈਟ ਵਿੱਚ 72.35 ਦੀ ਔਸਤ ਨਾਲ 1,230 ਦੌੜਾਂ ਬਣਾਈਆਂ ਹਨ। ਗਿੱਲ ਤੋਂ ਇਲਾਵਾ ਸੂਰਿਆਕੁਮਾਰ ਯਾਦਵ ਕੋਲ ਵੀ ਟੀ-20 ਦੀ ਤਰ੍ਹਾਂ ਵਨਡੇ ਵਿਸ਼ਵ ਕੱਪ ਵਰਗੇ ਵੱਡੇ ਮੰਚ ਤੇ ਆਪਣੇ ਆਪ ਨੂੰ ਸਾਬਤ ਕਰਨ ਦਾ ਮੌਕਾ ਹੋਵੇਗਾ। ਸੂਰਿਆ ਨੇ ਹਾਲ ਹੀ 'ਚ ਆਸਟ੍ਰੇਲੀਆ ਖਿਲਾਫ 2 ਵਨਡੇ ਮੈਚਾਂ 'ਚ ਲਗਾਤਾਰ 2 ਅਰਧ ਸੈਂਕੜੇ ਲਗਾਏ ਹਨ।
