ਨਵੀਂ ਦਿੱਲੀ: ਰੋਹਿਤ ਸ਼ਰਮਾ ਦੀ ਤੂਫਾਨੀ ਖੇਡ ਦੀ ਬਦੌਲਤ ਭਾਰਤ ਨੇ ਅਫਗਾਨਿਸਤਾਨ ਨੂੰ ਤੀਜੇ ਟੀ-20 'ਚ ਡਬਲ ਸੁਪਰ ਓਵਰ 'ਚ ਹਰਾ ਦਿੱਤਾ। ਇਸ ਮੈਚ 'ਚ ਰੋਹਿਤ ਨੇ ਵਿਸਫੋਟਕ ਅੰਦਾਜ਼ 'ਚ ਸੈਂਕੜਾ ਲਗਾਇਆ। ਉਸ ਨੇ 69 ਗੇਂਦਾਂ 'ਤੇ 11 ਚੌਕਿਆਂ ਅਤੇ 8 ਛੱਕਿਆਂ ਦੀ ਮਦਦ ਨਾਲ 121 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਇਸ ਦੌਰਾਨ ਹਿਟਮੈਨ (ਰੋਹਿਤ ਸ਼ਰਮਾ) ਦਾ ਸਟ੍ਰਾਈਕ ਰੇਟ 175.36 ਰਿਹਾ।
ਇਸ ਤੋਂ ਇਲਾਵਾ ਉਸ ਨੇ ਪਹਿਲੇ ਸੁਪਰ ਓਵਰ ਵਿੱਚ 13 ਦੌੜਾਂ ਅਤੇ ਦੂਜੇ ਸੁਪਰ ਓਵਰ ਵਿੱਚ 11 ਦੌੜਾਂ ਬਣਾਈਆਂ। ਰੋਹਿਤ ਨੇ ਸੁਪਰ ਓਵਰ 'ਚ ਵੀ ਬੱਲੇ ਨਾਲ ਕਈ ਛੱਕੇ ਅਤੇ ਚੌਕੇ ਜੜੇ। ਇਸ ਮੈਚ 'ਚ ਸੈਂਕੜੇ ਦੇ ਨਾਲ ਹੀ ਰੋਹਿਤ ਟੀ-20 ਕ੍ਰਿਕਟ 'ਚ ਸਭ ਤੋਂ ਜ਼ਿਆਦਾ ਸੈਂਕੜੇ ਲਗਾਉਣ ਵਾਲੇ ਦੁਨੀਆ ਦੇ ਪਹਿਲੇ ਬੱਲੇਬਾਜ਼ ਬਣ ਗਏ ਹਨ।
-
For his scintillating record-breaking TON, Captain @ImRo45 is adjudged the Player of the Match 👏👏#TeamIndia win a high-scoring thriller which ended in a double super-over 🙌#INDvAFG | @IDFCFIRSTBank pic.twitter.com/radYULO0ed
— BCCI (@BCCI) January 17, 2024 " class="align-text-top noRightClick twitterSection" data="
">For his scintillating record-breaking TON, Captain @ImRo45 is adjudged the Player of the Match 👏👏#TeamIndia win a high-scoring thriller which ended in a double super-over 🙌#INDvAFG | @IDFCFIRSTBank pic.twitter.com/radYULO0ed
— BCCI (@BCCI) January 17, 2024For his scintillating record-breaking TON, Captain @ImRo45 is adjudged the Player of the Match 👏👏#TeamIndia win a high-scoring thriller which ended in a double super-over 🙌#INDvAFG | @IDFCFIRSTBank pic.twitter.com/radYULO0ed
— BCCI (@BCCI) January 17, 2024
ਹੁਣ ਸ਼ਰਮਾ ਨੇ ਟੀ-20 ਕ੍ਰਿਕਟ 'ਚ 5 ਸੈਂਕੜੇ ਦਰਜ ਕਰ ਲਏ ਹਨ। ਰੋਹਿਤ ਨੇ 151 ਟੀ-20 ਮੈਚਾਂ ਦੀਆਂ 143 ਪਾਰੀਆਂ 'ਚ 5 ਸੈਂਕੜੇ ਲਗਾਏ ਹਨ। ਉਸਦਾ ਸਰਵੋਤਮ ਸਕੋਰ 121 ਨਾਬਾਦ ਹੈ। ਹਿਟਮੈਨ ਤੋਂ ਇਲਾਵਾ ਉਨ੍ਹਾਂ ਦੇ ਹਮਵਤਨ ਸੂਰਿਆਕੁਮਾਰ ਯਾਦਵ ਇਸ ਸੂਚੀ 'ਚ ਦੂਜੇ ਸਥਾਨ 'ਤੇ ਹਨ। ਉਨ੍ਹਾਂ ਨੇ 60 ਟੀ-20 ਮੈਚਾਂ ਦੀਆਂ 57 ਪਾਰੀਆਂ 'ਚ 4 ਸੈਂਕੜੇ ਲਗਾਏ ਹਨ। ਇਸ ਦੌਰਾਨ ਸੂਰਿਆ ਦਾ ਸਰਵੋਤਮ ਸਕੋਰ 117 ਦੌੜਾਂ ਰਿਹਾ। ਇਸ ਸੂਚੀ 'ਚ ਆਸਟ੍ਰੇਲੀਆ ਦੇ ਗਲੇਨ ਮੈਕਸਵੈੱਲ ਤੀਜੇ ਸਥਾਨ 'ਤੇ ਹਨ। ਉਨ੍ਹਾਂ ਨੇ 100 ਮੈਚਾਂ ਦੀਆਂ 92 ਪਾਰੀਆਂ 'ਚ 4 ਸੈਂਕੜੇ ਲਗਾਏ ਹਨ। ਇਸ ਦੌਰਾਨ ਉਸ ਦਾ ਸਰਵੋਤਮ ਸਕੋਰ 100 ਦੌੜਾਂ ਰਿਹਾ ਹੈ।
ਟੀ-20 ਕ੍ਰਿਕਟ 'ਚ ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਵਾਲੇ ਬੱਲੇਬਾਜ਼
- ਰੋਹਿਤ ਸ਼ਰਮਾ (ਭਾਰਤ) ਸੈਂਕੜੇ: 5
- ਸੂਰਿਆਕੁਮਾਰ ਯਾਦਵ (ਭਾਰਤ) ਸੈਂਕੜੇ: 4
- ਗਲੇਨ ਮੈਕਸਵੈੱਲ (ਆਸਟਰੇਲੀਆ) ਸੈਂਕੜੇ : 4
- ਬਾਬਰ ਆਜ਼ਮ (ਪਾਕਿਸਤਾਨ) ਸੈਂਕੜੇ: 3
ਟੀਮ ਇੰਡੀਆ ਨੇ ਬੈਂਗਲੁਰੂ 'ਚ ਖੇਡੇ ਗਏ ਇਸ ਮੈਚ 'ਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ 'ਚ 4 ਵਿਕਟਾਂ ਦੇ ਨੁਕਸਾਨ 'ਤੇ 212 ਦੌੜਾਂ ਬਣਾਈਆਂ। ਇਸ ਟੀਚੇ ਦਾ ਪਿੱਛਾ ਕਰਦੇ ਹੋਏ ਅਫਗਾਨਿਸਤਾਨ ਦੀ ਟੀਮ ਵੀ 6 ਵਿਕਟਾਂ 'ਤੇ 212 ਦੌੜਾਂ ਹੀ ਬਣਾ ਸਕੀ। ਇਸ ਤੋਂ ਬਾਅਦ ਮੈਚ ਸੁਪਰ ਓਵਰ ਵਿੱਚ ਚਲਾ ਗਿਆ, ਜਿੱਥੇ ਅਫਗਾਨਿਸਤਾਨ ਨੇ ਪਹਿਲੇ ਸੁਪਰ ਓਵਰ ਵਿੱਚ 16 ਦੌੜਾਂ ਬਣਾਈਆਂ ਅਤੇ 17 ਦੌੜਾਂ ਦਾ ਪਿੱਛਾ ਕਰਦੇ ਹੋਏ ਭਾਰਤ ਵੀ 16 ਦੌੜਾਂ ਹੀ ਬਣਾ ਸਕਿਆ ਅਤੇ ਮੈਚ ਫਿਰ ਸੁਪਰ ਓਵਰ ਵਿੱਚ ਪਹੁੰਚ ਗਿਆ।
ਦੂਜੇ ਸੁਪਰ ਓਵਰ 'ਚ ਭਾਰਤ ਨੇ 11 ਦੌੜਾਂ ਬਣਾਈਆਂ। 12 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਅਫਗਾਨਿਸਤਾਨ ਦੀ ਟੀਮ ਸਿਰਫ 1 ਦੌੜਾਂ ਹੀ ਬਣਾ ਸਕੀ ਅਤੇ ਉਸ ਨੇ ਦੋਵੇਂ ਵਿਕਟਾਂ ਗੁਆ ਦਿੱਤੀਆਂ। ਇਸ ਨਾਲ ਭਾਰਤ ਨੇ ਇਹ ਮੈਚ ਜਿੱਤ ਕੇ ਅਫਗਾਨਿਸਤਾਨ 'ਤੇ 3-0 ਨਾਲ ਕਲੀਨ ਸਵੀਪ ਕਰ ਲਿਆ। ਇਸ ਮੈਚ ਵਿੱਚ ਰੋਹਿਤ ਸ਼ਰਮਾ ਨੇ 'ਪਲੇਅਰ ਆਫ ਦਿ ਮੈਚ' ਦਾ ਖਿਤਾਬ ਵੀ ਜਿੱਤਿਆ।
