ਨਵੀਂ ਦਿੱਲੀ: ਇੰਡੀਅਨ ਪ੍ਰੀਮੀਅਰ ਲੀਗ ਦੇ 16ਵੇਂ ਟੂਰਨਾਮੈਂਟ ਦੇ 15ਵੇਂ ਮੈਚ 'ਚ ਲਖਨਊ ਸੁਪਰ ਜਾਇੰਟਸ ਨੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ 'ਤੇ ਇਕ ਵਿਕਟ ਨਾਲ ਜਿੱਤ ਦਰਜ ਕੀਤੀ। ਇਸ ਲੀਗ ਵਿੱਚ ਹੁਣ ਤੱਕ ਲਖਨਊ ਦਾ ਪ੍ਰਦਰਸ਼ਨ ਸ਼ਾਨਦਾਰ ਰਿਹਾ ਹੈ। ਕੇਐੱਲ ਰਾਹੁਲ ਦੀ ਟੀਮ ਨੇ ਇਸ ਸੀਜ਼ਨ 'ਚ ਹੁਣ ਤੱਕ 4 ਮੈਚ ਖੇਡੇ ਹਨ, ਜਿਨ੍ਹਾਂ 'ਚੋਂ 3 'ਚ ਜਿੱਤ ਦਰਜ ਕੀਤੀ ਹੈ। ਇਸ ਨਾਲ ਲਖਨਊ ਪੁਆਇੰਟ ਟੇਬਲ 'ਚ ਸਿਖਰ 'ਤੇ ਹੈ। ਫਾਫ ਡੂ ਪਲੇਸਿਸ ਦੀ ਕਪਤਾਨੀ ਵਿੱਚ ਆਰਸੀਬੀ ਨੇ ਹੁਣ ਤੱਕ ਖੇਡੇ ਗਏ ਤਿੰਨ ਮੈਚਾਂ ਵਿੱਚੋਂ ਸਿਰਫ਼ ਇੱਕ ਮੈਚ ਜਿੱਤਿਆ ਹੈ। ਇਸ ਨਾਲ ਆਰਸੀਬੀ ਪੁਆਇੰਟ ਟੇਬਲ 'ਚ 7ਵੇਂ ਨੰਬਰ 'ਤੇ ਹੈ। ਸੋਮਵਾਰ ਨੂੰ ਆਈਪੀਐਲ ਦੇ 15ਵੇਂ ਮੈਚ ਵਿੱਚ ਆਰਸੀਬੀ ਨੂੰ ਹਾਰ ਤੋਂ ਬਾਅਦ ਇੱਕ ਹੋਰ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਆਈਪੀਐਲ 2023 ਦਾ 15ਵਾਂ ਮੈਚ ਐਮ ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਆਰਸੀਬੀ ਅਤੇ ਲਖਨਊ ਸੁਪਰ ਜਾਇੰਟਸ ਵਿਚਕਾਰ ਖੇਡਿਆ ਗਿਆ। ਇਸ ਮੈਚ ਵਿੱਚ ਲਖਨਊ ਨੇ ਆਰਸੀਬੀ ਨੂੰ ਇੱਕ ਵਿਕਟ ਨਾਲ ਹਰਾਇਆ। ਇਸ ਮੈਚ ਤੋਂ ਬਾਅਦ ਆਰਸੀਬੀ ਨੂੰ ਦੋਹਰੀ ਮਾਰ ਝੱਲਣੀ ਪਈ। ਇਸ ਮੈਚ 'ਚ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਨੇ ਲਖਨਊ ਦੇ ਖਿਲਾਫ ਘੱਟ ਰਫਤਾਰ ਨਾਲ ਓਵਰ ਸੁੱਟਣ 'ਤੇ ਆਰਸੀਬੀ 'ਤੇ ਮੈਦਾਨ 'ਤੇ ਜੁਰਮਾਨਾ ਲਗਾਇਆ ਹੈ। ਇਸ ਮੈਚ 'ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਕਟਆਫ ਸਮੇਂ ਤੋਂ ਪਹਿਲਾਂ ਆਖਰੀ 20ਵੇਂ ਓਵਰ ਦੀ ਸ਼ੁਰੂਆਤ ਕਰਨ 'ਚ ਨਾਕਾਮ ਰਹੀ। ਇਸ ਕਾਰਨ BCCI ਨੇ RCB ਦੇ ਕਪਤਾਨ ਫਾਫ ਡੂ ਪਲੇਸਿਸ 'ਤੇ 12 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ।
ਸੋਸ਼ਲ ਮੀਡੀਆ 'ਤੇ ਜਾਰੀ ਕੀਤੀ ਗਈ ਪੋਸਟ ਵਿੱਚ ਕਿਹਾ ਗਿਆ ਹੈ ਕਿ 'ਟਾਟਾ ਆਈਪੀਐਲ 2023 ਟੂਰਨਾਮੈਂਟ ਦੇ 15ਵੇਂ ਮੈਚ ਦੌਰਾਨ, ਆਰਸੀਬੀ ਨੇ ਲਖਨਊ ਦੇ ਖਿਲਾਫ ਇੱਕ ਹੌਲੀ ਓਵਰ ਸੁੱਟਿਆ। ਇਸ ਦੇ ਲਈ ਆਰਸੀਬੀ ਨੂੰ ਹੁਣ ਪੈਨਲਟੀ ਦੇ ਰੂਪ ਵਿੱਚ ਵੱਡੀ ਰਕਮ ਅਦਾ ਕਰਨੀ ਪਵੇਗੀ। ਇਸ ਮੈਚ 'ਚ ਅਵੇਸ਼ ਖਾਨ ਲਖਨਊ ਲਈ 11ਵੇਂ ਨੰਬਰ 'ਤੇ ਕ੍ਰੀਜ਼ 'ਤੇ ਆਏ ਅਤੇ ਮੈਚ ਦੀ ਆਖਰੀ ਗੇਂਦ 'ਤੇ ਜੇਤੂ ਰਨ ਲੈਣ ਤੋਂ ਬਾਅਦ ਖੁਸ਼ੀ ਨਾਲ ਛਾਲ ਮਾਰਦੇ ਹੋਏ ਆਪਣਾ ਹੈਲਮੇਟ ਜ਼ਮੀਨ 'ਤੇ ਸੁੱਟ ਦਿੱਤਾ। ਇਸ ਕਾਰਨ ਅਵੇਸ਼ ਖਾਨ ਨੂੰ ਆਈਪੀਐੱਲ ਕੋਡ ਆਫ ਕੰਡਕਟ ਦੀ ਉਲੰਘਣਾ ਕਰਨ ਲਈ ਤਾੜਨਾ ਵੀ ਕੀਤੀ ਗਈ ਸੀ। ਆਈਪੀਐਲ ਦੇ ਜ਼ਾਬਤੇ ਦੇ ਤਹਿਤ 16ਵੇਂ ਸੀਜ਼ਨ ਦਾ ਇਹ ਪਹਿਲਾ ਅਪਰਾਧ ਹੈ। ਇਹ ਘੱਟੋ ਘੱਟ ਓਵਰ ਰੇਟ ਦੇ ਅਪਰਾਧ ਦੇ ਅਧੀਨ ਆਉਂਦਾ ਹੈ।
ਇਹ ਵੀ ਪੜ੍ਹੋ: RCB VS LSG IPL MATCH : ਲਖਨਊ ਸੁਪਰ ਜਾਇੰਟਸ ਨੇ ਦਰਜ ਕੀਤੀ ਸ਼ਾਨਦਾਰ ਜਿੱਤ, ਅਖੀਰਲੇ ਓਵਰ ਵਿੱਚ ਕੀਤਾ ਕਮਾਲ
