ਹੈਦਰਾਬਾਦ:IPL 2021 ਦੇ ਦੂਜੇ ਹਾਫ ਦੇ ਮੁਕਾਬਲੇ 19 ਸਤੰਬਰ ਨੂੰ ਮੁੜ ਸ਼ੁਰੂ ਕੀਤੇ ਜਾ ਰਹੇ ਹਨ। ਇਸ ਦੇ ਤਹਿਤ ਇਹ ਟੂਰਨਾਮੈਂਟ ਚੇਨਈ ਸੁਪਰ ਕਿੰਗਜ਼ ਅਤੇ ਮੁੰਬਈ ਇੰਡੀਅਨਜ਼ ਵਿਚਾਲੇ ਮੈਚ ਨਾਲ ਦੁਬਾਰਾ ਸ਼ੁਰੂ ਹੋਵੇਗਾ। ਇਹ ਮੈਚ ਦੁਬਈ ਵਿੱਚ ਖੇਡਿਆ ਜਾਵੇਗਾ।
ਆਈ.ਪੀ.ਐੱਲ. 2021 ਨੂੰ ਕੋਰੋਨਾ ਕਾਰਨ ਮਈ ਦੇ ਅੱਧ ਵਿਚਕਾਰ ਰੋਕਣਾ ਪਿਆ ਸੀ। ਇਸ ਦੌਰਾਨ ਬਹੁਤ ਸਾਰੇ ਖਿਡਾਰੀ ਕੋਰੋਨਾ ਦੇ ਸ਼ਿਕਾਰ ਹੋ ਗਏ ਸਨ। ਜਿਸ ਤੋਂ ਬਾਅਦ 4 ਮਈ ਨੂੰ ਇਸ ਟੂਰਨਾਮੈਂਟ ਰੋਕਿਆ ਗਿਆ ਸੀ। ਉਸ ਸਮੇਂ ਇਸ ਟੂਰਨਾਮੈਂਟ ਦੇ ਸਿਰਫ਼ 29 ਮੈਚ ਖੇਡੇ ਗਏ ਸਨ।
ਆਈਪੀਐਲ 2021 ਸੀਜ਼ਨ ਦੀ ਸ਼ੁਰੂਆਤ 9 ਅਪ੍ਰੈਲ ਨੂੰ ਚੇਨਈ ਤੋਂ ਹੋਈ ਸੀ। ਇਸ ਟੂਰਨਾਮੈਂਟ ਦਾ 30 ਮਈ ਨੂੰ ਅਹਿਮਦਾਬਾਦ ਵਿੱਚ ਫਾਈਨਲ ਮੈਚ ਹੋਣਾ ਸੀ। ਜਿਸ ਸਮੇਂ ਟੂਰਨਾਮੈਂਟ ਰੋਕਿਆ ਗਿਆ ਸੀ। ਉਸ ਸਮੇਂ ਦਿੱਲੀ ਕੈਪੀਟਲ ਦੀ ਟੀਮ ਅੱਠ ਵਿੱਚੋਂ 6 ਮੈਚ ਜਿੱਤ ਕੇ ਪੁਆਇੰਟ ਟੇਬਲ ਦੇ ਸਿਖਰ 'ਤੇ ਸੀ। ਉੱਥੇ ਹੀ ਚੇਨਈ ਦੀ ਟੀਮ 7 ਵਿੱਚੋਂ 5 ਜਿੱਤ ਕੇ ਦੂਜੇ ਨੰਬਰ ‘ਤੇ ਸੀ। ਬੰਗਲੌਰ ਤੀਜੇ ਅਤੇ ਮੁੰਬਈ 7 ਵਿੱਚੋਂ 4 ਜਿੱਤ ਕੇ ਨਾਲ ਚੌਥੇ ਸਥਾਨ 'ਤੇ ਸੀ।
ਹੁਣ ਬਾਕੀ 31 ਮੈਚ ਯੂ.ਏ.ਈ. ਵਿੱਚ ਹੋਣਗੇ। ਇਸ ਦੇ ਤਹਿਤ ਮੈਚ ਦੁਬਈ, ਸ਼ਾਰਜਾਹ ਅਤੇ ਅਬੂ ਧਾਬੀ ਵਿੱਚ ਹੋਣਗੇ। ਆਈ.ਪੀ.ਐੱਲ. 2021 ਦਾ ਫਾਈਨਲ 15 ਅਕਤੂਬਰ ਨੂੰ ਹੋਵੇਗਾ। ਫਾਈਨਲ ਮੁਕਾਬਲਾ ਦੁਬਈ ਵਿੱਚ ਖੇਡਿਆ ਜਾਵੇਗਾ। ਜੂਨ 2021 ਵਿੱਚ ਇਹ ਫੈਸਲਾ ਲਿਆ ਗਿਆ ਸੀ, ਕਿ ਆਈ.ਪੀ.ਐੱਲ. 2021 ਦੇ ਬਾਕੀ ਮੈਚ ਯੂ.ਏ.ਈ. ਵਿੱਚ ਖਿਡਾਏ ਜਾਣ।
ਆਈ.ਪੀ.ਐੱਲ ਵਿੱਚ ਕੋਰੋਨਾ ਕੇਸਾਂ ਦੀ ਸ਼ੁਰੂਆਤ ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਕੈਂਪ ਤੋਂ ਹੋਈ ਸੀ। ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਸਪਿਨਰ ਵਰੁਣ ਚੱਕਰਵਰਤੀ ਅਤੇ ਤੇਜ਼ ਗੇਂਦਬਾਜ਼ ਸੰਦੀਪ ਵਾਰੀਅਰ ਨੂੰ ਸਭ ਤੋਂ ਪਹਿਲਾਂ ਕੋਰੋਨਾ ਹੋਇਆ ਸੀ। ਇਸ ਤੋਂ ਬਾਅਦ ਸਨਰਾਈਜ਼ਰਸ ਹੈਦਰਾਬਾਦ, ਚੇਨਈ ਸੁਪਰ ਕਿੰਗਜ਼ ਅਤੇ ਦਿੱਲੀ ਰਾਜਧਾਨੀ ਵਿੱਚ ਵੀ ਕੋਰੋਨਾ ਦੇ ਕੇਸ ਪਾਏ ਗਏ।
ਇਹ ਵੀ ਪੜ੍ਹੋ:ਭਾਰਤ ਨੇ ਸ਼੍ਰੀ ਲੰਕਾ ਨੂੰ ਤਿੰਨ ਵਿਕਟਾਂ ਨਾਲ ਹਾਰ ਕੇ ਸੀਰੀਜ਼ 'ਤੇ ਕੀਤਾ ਕਬਜ਼ਾ
