ਹੈਦਰਾਬਾਦ: ਭਾਰਤੀ ਟੀਮ ਦੇ ਸਾਬਕਾ ਮੁੱਖ ਚੋਣਕਾਰ ਐਮਐਸਕੇ ਪ੍ਰਸਾਦ ਦਾ ਕਹਿਣਾ ਹੈ ਕਿ ਮੁੰਬਈ ਇੰਡੀਅਨਜ਼ ਦਾ ਈਸ਼ਾਨ ਕਿਸ਼ਨ ਮਹਿੰਦਰ ਸਿੰਘ ਧੋਨੀ ਦੇ ਬਦਲ ਵਜੋਂ ਤਿਆਰ ਹੈ। ਆਈਪੀਐਲ -13 ਵਿੱਚ ਈਸ਼ਾਨ ਨੇ ਸ਼ਾਨਦਾਰ ਖੇਡ ਦਿਖਾਇਆ ਸੀ ਅਤੇ ਟੀਮ ਲਈ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ ਬੱਲੇਬਾਜ਼ ਵੀ ਰਿਹਾ।
ਐਮਐਸਕੇ ਪ੍ਰਸਾਦ ਦੇ ਅਨੁਸਾਰ, ਈਸ਼ਾਨ ਕਿਸ਼ਨ ਸੀਮਤ ਓਵਰ ਫਾਰਮੈਟ ਲਈ ਤਿਆਰ ਹੈ। ਇੱਕ ਵੈਬਸਾਈਟ ਨਾਲ ਗੱਲ ਕਰਦਿਆਂ ਪ੍ਰਸਾਦ ਨੇ ਕਿਹਾ, "ਇਸ ਪਾਕੇਟ ਡਾਇਨਾਮਾਈਟ ਨੂੰ ਐਕਸ਼ਨ ਵਿੱਚ ਵੇਖ ਕੇ ਚੰਗਾ ਲੱਗਿਆ।" ਆਈਪੀਐਲ ਉਸਦੇ ਲਈ ਬਹੁਤ ਵਧੀਆ ਸੀ। ਨੰਬਰ -4 'ਤੇ ਆਉਂਦੇ ਹੋਏ ਅਤੇ ਬਾਅਦ ਵਿੱਚ ਓਪਨਿੰਗ 'ਤੇ ਈਸ਼ਾਨ ਕਿਸ਼ਨ ਨੇ ਆਪਣੀ ਯੋਗਤਾ ਅਤੇ ਸੁਧਾਰ ਦਿਖਾਇਆ। ਟੀਮ ਦੀ ਜ਼ਰੂਰਤ ਅਨੁਸਾਰ ਉਸ ਦੇ ਖੇਡਣ ਦੀ ਰਫ਼ਤਾਰ ਵਿੱਚ ਤਬਦੀਲੀ ਦੇ ਕਾਰਨ ਉਸ ਨੇ ਟੀਮ ਇੰਡੀਆ ਦੇ ਵਿਕਟਕੀਪਰ ਬੱਲੇਬਾਜ਼ ਵਜੋਂ ਦਾਅਵੇਦਾਰੀ ਪੇਸ਼ ਕੀਤੀ ਹੈ। ਕਿਸ਼ਨ ਵਨਡੇ ਅਤੇ ਟੀ -20 ਕ੍ਰਿਕਟ ਵਿੱਚ ਵਿਕਟਕੀਪਰ ਤੇ ਬੱਲੇਬਾਜ਼ ਦੀ ਭੂਮਿਕਾ ਨਿਭਾ ਸਕਦਾ ਹੈ।"
ਉਨ੍ਹਾਂ ਅੱਗੇ ਕਿਹਾ, "ਜੇ ਉਹ ਚੰਗਾ ਵਿਕਟਕੀਪਿੰਗ ਕਰਦਾ ਹੈ ਅਤੇ ਆਈਪੀਐਲ ਦੇ ਵਾਂਗ ਬੱਲੇਬਾਜ਼ੀ ਕਰਦਾ ਹੈ ਤਾਂ ਉਹ ਟੀਮ ਲਈ ਬੋਨਸ ਸਾਬਿਤ ਹੋ ਸਕਦਾ ਹੈ।"
