ਓਵਲ: ਭਾਰਤ ਅਤੇ ਇੰਗਲੈਂਡ ਦੀਆਂ ਟੀਮਾਂ ਲੰਡਨ ਵਿੱਚ ਦੁਬਾਰਾ ਆਹਮੋ -ਸਾਹਮਣੇ ਹੋਣਗੀਆਂ। ਦੂਜਾ ਟੈਸਟ ਲਾਰਡਸ ਵਿਖੇ ਖੇਡਿਆ ਗਿਆ ਸੀ ਅਤੇ ਹੁਣ ਮੈਦਾਨ ਓਵਲ ਹੈ। ਇੰਗਲੈਂਡ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ।
ਭਾਰਤ ਅਤੇ ਇੰਗਲੈਂਡ ਸੀਰੀਜ਼ (England Series) 'ਚ 1-1 ਨਾਲ ਬਰਾਬਰੀ' ਤੇ ਹਨ ਅਤੇ ਕਿਸੇ ਵੀ ਕੀਮਤ 'ਤੇ ਇਹ ਮੈਚ ਜਿੱਤਣਾ ਚਾਹੁੰਣਗੇ। ਟਾਸ ਦੀ ਗੱਲ ਕਰੀਏ ਤਾਂ ਹੁਣ ਤੱਕ ਟਾਸ ਜਿੱਤਣ ਵਾਲੇ ਕਪਤਾਨ ਨੇ ਇਸ ਸੀਰੀਜ਼ ਵਿੱਚ ਮੈਚ ਨਹੀਂ ਜਿੱਤਿਆ ਹੈ।
ਲਾਰਡਸ ਵਿਖੇ ਇੰਗਲੈਂਡ ਦੇ ਕਪਤਾਨ ਜੋ ਰੂਟ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ ਪਰ ਭਾਰਤੀ ਸਲਾਮੀ ਜੋੜੀ ਨੇ ਸੈਂਕੜੇ ਦੀ ਸਾਂਝੇਦਾਰੀ ਕੀਤੀ ਅਤੇ ਭਾਰਤ ਆਖਰੀ ਦਿਨ 151 ਦੌੜਾਂ ਨਾਲ ਮੈਚ ਜਿੱਤਣ ਵਿੱਚ ਕਾਮਯਾਬ ਰਿਹਾ।
ਹੇਡਿੰਗਲੇ ਵਿਖੇ ਵਿਰਾਟ ਕੋਹਲੀ (Virat Kohli) ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਭਾਰਤੀ ਟੀਮ ਸਿਰਫ 78 ਦੌੜਾਂ 'ਤੇ ਸਿਮਟ ਗਈ। ਇਸ ਕਾਰਨ ਇੰਗਲੈਂਡ ਨੇ ਮੈਚ ਪਾਰੀ ਅਤੇ 76 ਦੌੜਾਂ ਨਾਲ ਜਿੱਤ ਲਿਆ।
ਦੋਵਾਂ ਟੀਮਾਂ ਦੀ ਗੱਲ ਕਰੀਏ ਤਾਂ ਦੋਵਾਂ ਟੀਮਾਂ ਨੇ 2 ਬਦਲਾਅ ਕੀਤੇ ਹਨ। ਕ੍ਰਿਸ ਵੋਕਸ ਇੰਗਲੈਂਡ ਵਿੱਚ ਸੈਮ ਕਰਨ ਦੀ ਜਗ੍ਹਾ ਵਾਪਸੀ ਕਰ ਚੁੱਕੇ ਹਨ। ਇੰਗਲੈਂਡ ਨੇ ਵਿਕਟਕੀਪਰ ਜੋਸ ਬਟਲਰ (Jose Butler) ਦੀ ਜਗ੍ਹਾ ਓਲੀ ਪੋਪ (Oli Pope) ਨੂੰ ਸ਼ਾਮਲ ਕੀਤਾ ਹੈ।
ਭਾਰਤ ਨੇ ਮੁਹੰਮਦ ਸ਼ਮੀ ਦੀ ਜਗ੍ਹਾ ਸ਼ਾਰਦੁਲ ਠਾਕੁਰ ਨੂੰ ਖਿਡਾਇਆ ਹੈ। ਇਸ ਤੋਂ ਇਲਾਵਾ ਇਸ਼ਾਂਤ ਸ਼ਰਮਾ ਦੀ ਜਗ੍ਹਾ ਉਮੇਸ਼ ਯਾਦਵ ਨੂੰ ਮੌਕਾ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ: ਭਾਰਤ-ਆਸਟ੍ਰੇਲੀਆ ਵਿਚਾਲੇ ਖੇਡੇ ਜਾ ਰਹੇ ਕ੍ਰਿਕੇਟ ਮੈਚ ਨੂੰ ਲੈ ਕੇ ਫ਼ੈਨਸ ਦਾ ਜਜ਼ਬਾ
