ਨਾਟਿੰਘਮ : ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਸ਼ੁੱਕਰਵਾਰ ਨੂੰ ਪਹਿਲੇ ਟੈਸਟ ਕ੍ਰਿਕਟ ਮੈਚ ਦੇ ਤੀਜੇ ਦਿਨ ਮੀਂਹ ਕਾਰਨ ਖੇਡ ਨੂੰ ਰੋਕਣਾ ਪਿਆ। ਭਾਰਤ ਨੇ ਆਪਣੀ ਪਹਿਲੀ ਪਾਰੀ ਵਿੱਚ ਚਾਰ ਵਿਕਟਾਂ 'ਤੇ 132 ਦੌੜਾਂ ਬਣਾਈਆਂ।
ਜਦੋਂ ਖੇਡ ਨੂੰ ਰੋਕਿਆ ਗਿਆ ਉਦੋਂ ਕੇਐਲ ਰਾਹੁਲ 58 ਤੇ ਰਿਸ਼ਭ ਪੰਤ 13 ਦੌੜਾਂ 'ਤੇ ਖੇਡ ਰਹੇ ਸਨ। ਤੀਜੇ ਦਿਨ ਸਿਰਫ 11 ਗੇਂਦਾਂ ਹੀ ਸੁੱਟੀਆਂ ਜਾ ਸਕੀਆਂ।
ਜਿਸ ਤੋਂ ਬਾਅਦ ਮੀਂਹ ਆ ਗਿਆ ਅਤੇ ਪਿੱਚ ਨੂੰ ਕਵਰ ਨਾਲ ਢੱਕ ਦਿੱਤਾ ਗਿਆ। ਭਾਰਤ ਨੇ ਇੰਗਲੈਂਡ ਦੀ ਪਹਿਲੀ ਪਾਰੀ ਦੇ 183 ਦੇ ਸਕੋਰ ਦੇ ਜਵਾਬ ਵਿੱਚ ਚਾਰ ਵਿਕਟਾਂ 'ਤੇ 125 ਦੌੜਾਂ ਬਣਾ ਲਈਆਂ ਸਨ।
ਵੀਰਵਾਰ ਨੂੰ ਭਾਰਤ ਦਾ ਸਕੋਰ ਇੱਕ ਸਮੇਂ ਬਿਨਾਂ ਕਿਸੇ ਨੁਕਸਾਨ ਦੇ 97 ਦੌੜਾਂ ਸੀ। ਭਾਰਤ ਨੇ ਰੋਹਿਤ ਸ਼ਰਮਾ (107 ਗੇਂਦਾਂ 'ਤੇ 36), ਚੇਤੇਸ਼ਵਰ ਪੁਜਾਰਾ (16 ਗੇਂਦਾਂ' ਤੇ ਚਾਰ), ਵਿਰਾਟ ਕੋਹਲੀ (ਜ਼ੀਰੋ) ਅਤੇ ਅਜਿੰਕਯ ਰਹਾਣੇ (ਪੰਜ) ਵਰਗੇ ਜਾਣੇ-ਪਛਾਣੇ ਬੱਲੇਬਾਜ਼ਾਂ ਦੀਆਂ ਵਿਕਟਾਂ ਗੁਆ ਦਿੱਤੀਆਂ। ਐਂਡਰਸਨ ਨੇ ਪੁਜਾਰਾ ਅਤੇ ਕੋਹਲੀ ਨੂੰ ਲਗਾਤਾਰ ਗੇਂਦਾਂ ਆਉਟ ਕੀਤਾ। ਜਦਕਿ ਰਹਾਣੇ ਰਨ ਆਊਟ ਹੋਏ ਸਨ।
ਇਹ ਵੀ ਪੜ੍ਹੋ:- ਬਜਰੰਗ ਪੁਨੀਆ ਸੈਮੀਫਾਈਨਲ ਮੈਚ ਹਾਰੇ, ਹੁਣ ਕਾਂਸੀ ਲਈ ਹੋਵੇਗਾ ਮੈਚ
