ਨਵੀਂ ਦਿੱਲੀ: ਅੰਡਰ -19 ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਬੰਗਲਾਦੇਸ਼ ਦੀ ਟੀਮ ਨੇ ਭਾਰਤ ਨੂੰ ਤਿੰਨ ਵਿਕਟਾਂ ਨਾਲ ਹਰਾ ਕੇ ਆਈਸੀਸੀ ਟੂਰਨਾਮੈਂਟ ਵਿੱਚ ਪਹਿਲੀ ਵਾਰ ਕਬਜ਼ਾ ਕਰ ਲਿਆ ਹੈ। ਬੰਗਲਾਦੇਸ਼ ਦੇ ਕਪਤਾਨ ਅਕਬਰ ਨੇ 43 ਦੌੜਾਂ ਬਣਾਈਆਂ। ਇਸ ਜਿੱਤ ਨਾਲ ਬੰਗਲਾਦੇਸ਼ ਨੇ ਪਹਿਲੀ ਵਾਰ ਆਈਸੀਸੀ ਦੇ ਉੱਚ ਪੱਧਰ ਦੇ ਖਿਤਾਬ ਨੂੰ ਆਪਣੇ ਨਾਂਅ ਕੀਤਾ ਹੈ।
ਇਸ ਤੋਂ ਪਹਿਲਾਂ ਸਲਾਮੀ ਬੱਲੇਬਾਜ਼ ਯਾਸਸ਼ਵੀ ਜੈਸਵਾਲ (88) ਦੀ ਸੰਘਰਸ਼ਮਈ ਪਾਰੀ ਦੇ ਬਾਵਜੂਦ ਆਈਸੀਸੀ ਅੰਡਰ -19 ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਭਾਰਤ ਬੰਗਲਾਦੇਸ਼ ਖ਼ਿਲਾਫ਼ 177 ਦੌੜਾਂ ਹੀ ਬਣਾ ਸਕਿਆ।
ਇਹ ਵੀ ਪੜ੍ਹੋ: ਸਚਿਨ, ਜਾਫਰ ਤੇ ਦ੍ਰਵਿੜ ਤੋਂ ਲਏ ਖ਼ਾਸ ਟਿਪਸ, ਅੰਡਰ 19 ਬੱਲੇਬਾਜ਼ ਜੈਸਵਾਲ ਨੇ ਕੀਤਾ ਖੁਲਾਸਾ
ਟਾਸ ਹਾਰਨ ਤੋਂ ਬਾਅਦ ਭਾਰਤੀ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰਨ ਲਈ ਉੱਤਰੀ ਅਤੇ ਟੀਮ ਨੇ ਦਿਵਯਾਂਸ਼ ਸਕਸੈਨਾ ਦੀ ਵਿਕਟ 9 ਦੌੜਾਂ 'ਤੇ ਹੀ ਗੁਆ ਦਿੱਤੀ। ਇਸ ਤੋਂ ਬਾਅਦ ਜੈਸਵਾਲ ਅਤੇ ਤਿਲਕ ਵਰਮਾ ਨੇ ਦੂਜੇ ਵਿਕਟ ਲਈ 94 ਦੌੜਾਂ ਦੀ ਸਾਂਝੇਦਾਰੀ ਕਰਦਿਆਂ ਭਾਰਤ ਨੂੰ ਸੰਕਟ ਤੋਂ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ।
