ਚੰਡੀਗੜ੍ਹ : ਅਕਸਰ ਹੀ ਪੰਜਾਬੀ ਗਾਇਕ ਵਿਵਾਦਾਂ 'ਚ ਘਿਰੇ ਨਜ਼ਰ ਆਉਂਦੇ ਹਨ। ਇੰਝ ਕਿਹਾ ਜਾ ਸਕਦਾ ਹੈ ਕਿ ਵਿਵਾਦਾਂ ਨਾਲ ਪੰਜਾਬੀ ਗਾਇਕਾਂ ਦਾ ਗਹਿਰਾ ਰਿਸ਼ਤਾ ਹੈ। ਹਾਲ ਹੀ 'ਚ ਮਸ਼ਹੂਰ ਪੰਜਾਬੀ ਗਾਇਕ ਵਿਵਾਦਾਂ 'ਚ ਘਿਰ ਗਏ ਹਨ, ਕਿਉਂਕਿ ਯੋ-ਯੋ ਹਨੀ ਸਿੰਘ ਦੀ ਪਤਨੀ ਨੇ ਉਨ੍ਹਾਂ ਖਿਲਾਫ ਘਰੇਲੂ ਹਿੰਸਾ ਦਾ ਮਾਮਲਾ ਦਰਜ ਕਰਾਵਾਇਆ ਹੈ।
ਹਨੀ ਸਿੰਘ
ਹਨੀ ਸਿੰਘ ਦੀ ਪਤਨੀ ਸ਼ਾਲਿਨੀ ਤਲਵਾਰ ਨੇ ਉਨ੍ਹਾਂ 'ਤੇ ਕੁੱਟਮਾਰ , ਮਾਨਸਿਕ ਤੌਰ 'ਤੇ ਪਰੇਸ਼ਾਨ ਕੀਤੇ ਜਾਣ ਦੇ ਦੋਸ਼ ਲਾਏ ਹਨ। ਸ਼ਾਲਿਨੀ ਨੇ ਹਨੀ ਕੋਲੋਂ 10 ਕਰੋੜ ਰੁਪਏ ਮੁਆਵਜ਼ੇ ਦੀ ਮੰਗ ਕੀਤੀ ਹੈ।
ਵਿਵਾਦਾਂ 'ਚ ਘਿਰੇ ਕਿਹੜੇ ਗਾਇਕ
ਪੰਜਾਬੀ ਗਾਇਕਾਂ ਦੇ ਵਿਵਾਦਾਂ 'ਚ ਆਉਣ ਦਾ ਇਹ ਪਹਿਲਾ ਮਾਮਲਾ ਨਹੀਂ ਹੈ। ਇਸ ਤੋਂ ਪਹਿਲਾਂ ਵੀ ਗਾਇਕ ਲਹਿੰਬਰ ਹੁਸੈਨਪੁਰੀ, ਮਾਸਟਰ ਸਲੀਮ, ਗਿੱਪੀ ਗਰੇਵਾਲ, ਸ਼੍ਰੀ ਬਰਾੜ, ਕਰਨ ਔਜਲਾ ਵੀ ਵੱਖ-ਵੱਖ ਕਾਰਨਾਂ ਕਾਰਨ ਵਿਵਾਦਾਂ 'ਚ ਰਹੇ ਹਨ। ਇਨ੍ਹਾਂ ਗਾਇਕਾਂ 'ਤੇ ਲੌਕਡਾਊਨ ਦੀ ਉਲੰਘਣਾ ਕਰਨ, ਹਥਿਆਰਾਂ ਦੇ ਕਲਚਰ ਨੂੰ ਵਧਾਵਾ ਦੇਣ ਤੇ ਘਰੇਲੂ ਹਿੰਸਾ ਦੇ ਦੋਸ਼ ਲੱਗੇ ਹਨ।
ਲਹਿੰਬਰ ਹੁਸੈਨਪੁਰੀ
ਲਹਿੰਬਰ ਹੁਸੈਨਪੁਰੀ 'ਤੇ ਪਤਨੀ ਤੇ ਬੱਚਿਆਂ ਨਾਲ ਕੁੱਟਮਾਰ ਕਰਨ ਅਤੇ ਘਰੇਲੂ ਹਿੰਸਾ ਦੇ ਦੋਸ਼ ਲੱਗੇ ਸਨ। ਬਾਅਦ ਵਿੱਚ ਲਹਿੰਬਰ ਹੁਸੈਨਪੁਰੀ 'ਤੇ ਉਨ੍ਹਾਂ ਦੀ ਪਤਨੀ ਵਿਚਾਲੇ ਜਾਰੀ ਇਹ ਵਿਵਾਦ ਪੰਜਾਬ ਮਹਿਲਾ ਕਮਿਸ਼ਨ ਵੱਲੋਂ ਆਪਸੀ ਸਮਝੌਤੇ ਰਾਹੀਂ ਖ਼ਤਮ ਕਰਵਾਇਆ ਗਿਆ।
ਸ਼੍ਰੀ ਬਰਾੜ
ਪੰਜਾਬੀ ਗਾਇਕ ਸ਼੍ਰੀ ਬਰਾੜ 'ਤੇ ਹਥਿਆਰ ਤੇ ਗਨ ਕਲਚਰ ਪ੍ਰਮੋਟ ਕਰਨ ਦੇ ਦੋਸ਼ ਲੱਗੇ ਸਨ।
ਮਾਸਟਰ ਸਲੀਮ ਤੇ ਗਿੱਪੀ ਗਰੇਵਾਲ
ਗਾਇਕ ਮਾਸਟਰ ਸਲੀਮ 'ਤੇ ਲੌਕਡਾਊਨ ਤੇ ਕੋਰੋਨਾ ਨਿਯਮਾਂ ਦੀ ਉਲੰਘਣਾ ਦੇ ਦੋਸ਼ ਲੱਗੇ ਸਨ। ਪੁਲਿਸ ਵੱਲੋਂ ਉਨ੍ਹਾਂ ਦਾ ਤੇ ਉਨ੍ਹਾਂ ਦੇ ਸਾਥਿਆਂ ਦਾ ਦੋ ਵਾਰ ਚਲਾਨ ਕੱਟਿਆ ਗਿਆ ਸੀ।
ਇਸ ਤੋਂ ਇਲਾਵਾ ਗਿੱਪੀ ਗਰੇਵਾਲ ਉੱਤੇ ਵੀ ਲੌਕਡਾਊਨ ਦੌਰਾਨ ਬਿਨ੍ਹਾਂ ਆਗਿਆ ਤੋਂ ਸ਼ੂਟਿੰਗ ਕਰਨ ਦੇ ਦੋਸ਼ ਲੱਗੇ ਸਨ।
ਕਰਨ ਔਜਲਾ
ਗਾਇਕ ਕਰਨ ਔਜਲਾ ਉੱਤੇ ਜੇਲ ਦੇ ਨਿਯਮ ਤੋੜਨ ਦੇ ਦੋਸ਼ ਲੱਗੇ ਸਨ। ਲੁਧਿਆਣਾ ਸੈਂਟਰਲ ਜੇਲ ਵਿੱਚ ਸੁਪਰੀਡੈਂਟ ਦੇ ਘਰ ਮਿਲਣ ਪੁੱਜੇ ਸੀ , ਇਸ ਦੌਰਾਨ ਇਥੇ ਭਾਰੀ ਭੀੜ ਇੱਕਠੀ ਹੋ ਗਈ।
ਇਹ ਵੀ ਪੜ੍ਹੋ : YOU TUBE ਨੇ ਕਰਨ ਔਜਲਾ ਨੂੰ ਦਿੱਤਾ ਵੱਡਾ ਝਟਕਾ
