ਮੁੰਬਈ: ਯਸ਼ਰਾਜ ਫ਼ਿਲਮ ਆਪਣੀ ਸਥਾਪਨਾ ਦੇ 50 ਸਾਲ ਪੂਰੇ ਹੋਣ ਦੇ ਮੌਕੇ 'ਤੇ ਇੱਕ ਨਵਾਂ ਲੋਗੋ ਲਾਂਚ ਕਰਨ ਜਾ ਰਹੀ ਹੈ, ਜੋ ਬੈਨਰ ਦੇ 50 ਸਾਲ ਦੇ ਸਫ਼ਰ ਦੇ ਜਸ਼ਨ ਦੀ ਸ਼ੁਰੂਆਤ ਹੋਵੇਗੀ। ਲੋਕਾਂ ਨੂੰ ਵਾਈਆਰਐਫ਼ ਦੇ ਚੇਅਰਮੈਨ, ਪ੍ਰਬੰਧ ਨਿਦੇਸ਼ਕ ਤੇ ਫ਼ਿਲਮਕਾਰ ਆਦਿਤਿਆ ਚੋਪੜਾ ਵੱਲੋਂ 27 ਸਤੰਬਰ ਨੂੰ ਆਪਣੇ ਮਰਹੂਮ ਪਿਤਾ ਤੇ ਫ਼ਿਲਮਕਾਰ ਯਸ਼ ਚੋਪੜਾ ਦੀ 88ਵੀਂ ਵਰ੍ਹੇਗੰਢ 'ਤੇ ਲਾਂਚ ਕੀਤਾ ਜਾਵੇਗਾ। ਨਵਾਂ ਲੋਗੋ ਭਾਰਤ ਦੀ ਸਾਰੀਆਂ ਅਧਿਕਾਰਿਕ ਭਾਸ਼ਾਵਾਂ ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ।
ਇਕ ਵਪਾਰਕ ਸਰੋਤ ਨੇ ਕਿਹਾ ਕਿ ਵਾਈਆਰਐਫ ਇੱਕ ਵਿਰਾਸਤੀ ਕੰਪਨੀ ਹੈ ਜਿਸ ਦਾ ਲੰਮਾ ਇਤਿਹਾਸ ਹੈ। ਉਸ ਦੀ ਲਾਇਬ੍ਰੇਰੀ ਵਿਚ ਸ਼ਾਨਦਾਰ ਨਾਮਵਰ ਫ਼ਿਲਮਾਂ ਹਨ। ਕੰਪਨੀ ਨੇ ਭਾਰਤ ਨੂੰ ਬਹੁਤ ਸਾਰੇ ਸੁਪਰਸਟਾਰ ਦਿੱਤੇ ਹਨ।
ਉਨ੍ਹਾਂ ਕਿਹਾ, “ਆਦਿਤਿਆ ਨਿਸ਼ਚਤ ਤੌਰ ‘ਤੇ ਕੰਪਨੀ ਦੇ 50 ਸਾਲ ਪੂਰੇ ਹੋਣ ਦੇ ਮੌਕੇ ‘ਤੇ ਇੱਕ ਨਵੇਂ ਅਤੇ ਵਿਸ਼ੇਸ਼ ਲੋਗੋ ਦਾ ਪਰਦਾਫ਼ਾਸ਼ ਕਰ ਰਹੇ ਹਨ। ਇਸ ਦਾ ਉਦਘਾਟਨ ਉਨ੍ਹਾਂ ਦੇ ਪਿਤਾ, ਮਹਾਨ ਫ਼ਿਲਮ ਨਿਰਮਾਤਾ ਯਸ਼ ਚੋਪੜਾ ਦੀ 88ਵੀਂ ਜਨਮ ਦਿਵਸ ਮੌਕੇ ਕੀਤਾ ਜਾਵੇਗਾ।
ਨਵੇਂ ਲੋਗੋ ਦੀ ਸ਼ੁਰੂਆਤ 27 ਸਤੰਬਰ ਤੋਂ 50 ਸਾਲਾ ਜਸ਼ਨ ਦੀ ਸ਼ੁਰੂਆਤ ਦੀ ਨਿਸ਼ਾਨਦੇਹੀ ਕਰੇਗੀ। ”ਸੂਤਰਾਂ ਨੇ ਕਿਹਾ ਕਿ ਅਸੀਂ ਸੁਣਿਆ ਹੈ ਕਿ ਲੋਗੋ ਨੂੰ ਭਾਰਤ ਦੀਆਂ ਸਾਰੀਆਂ 22 ਸਰਕਾਰੀ ਭਾਸ਼ਾਵਾਂ ਵਿੱਚ ਲਾਂਚ ਕੀਤਾ ਜਾਵੇਗਾ, ਜੋ ਦੇਸ਼ ਭਰ ਦੇ ਸਰੋਤਿਆਂ ਦਾ ਧੰਨਵਾਦ ਕਰਨ ਦਾ ਇੱਕ ਵਧੀਆ ਢੰਗ ਦਾ ਹੋਵੇਗਾ।
