ਹੈਦਰਾਬਾਦ: ਰੂਸ-ਯੂਕਰੇਨ ਸੰਕਟ 10ਵੇਂ ਦਿਨ ਵੀ ਜਾਰੀ ਹੈ। ਹਾਲਾਂਕਿ ਰੂਸ ਨੇ ਯੂਕਰੇਨ ਦੇ ਦੋ ਸ਼ਹਿਰਾਂ ਵਿੱਚ ਜੰਗਬੰਦੀ ਦਾ ਐਲਾਨ ਕਰ ਦਿੱਤਾ ਹੈ, ਪਰ ਇਸ ਗੱਲ ਦੀ ਕੋਈ ਗਾਰੰਟੀ ਨਹੀਂ ਹੈ ਕਿ ਉਹ ਉਸ ਤੋਂ ਬਾਅਦ ਜੰਗ ਨੂੰ ਰੋਕ ਦੇਵੇਗਾ। ਰੂਸ-ਯੂਕਰੇਨ ਸੰਕਟ ਦਾ ਅਸਰ ਹੁਣ ਵੱਡੇ ਪੱਧਰ 'ਤੇ ਦੇਖਣ ਨੂੰ ਮਿਲ ਰਿਹਾ ਹੈ। ਜੇਕਰ ਫਿਲਮ ਜਗਤ ਦੀ ਗੱਲ ਕਰੀਏ ਤਾਂ ਰੂਸ ਅਤੇ ਯੂਕਰੇਨ ਸ਼ੁਰੂ ਤੋਂ ਹੀ ਭਾਰਤੀ ਸਿਨੇਮਾ ਦੇ ਪਸੰਦੀਦਾ ਸਥਾਨ ਰਹੇ ਹਨ। ਫਿਲਹਾਲ ਸਥਿਤੀ ਵਿਗੜਨ ਕਾਰਨ ਇੱਥੇ ਕੋਈ ਸ਼ੂਟਿੰਗ ਨਹੀਂ ਕੀਤੀ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਇਕ ਤਾਮਿਲ ਫਿਲਮ ਦੀ ਸ਼ੂਟਿੰਗ ਵੀ ਜੰਗ ਕਾਰਨ ਰੋਕ ਦਿੱਤੀ ਗਈ ਹੈ।
- " class="align-text-top noRightClick twitterSection" data="
">
ਤੁਹਾਨੂੰ ਦੱਸ ਦੇਈਏ ਕਿ ਰੂਸ-ਯੂਕਰੇਨ ਯੁੱਧ ਤੋਂ ਕੁਝ ਦਿਨ ਪਹਿਲਾਂ ਹੀ ਬਾਲੀਵੁੱਡ ਅਦਾਕਾਰਾ ਉਰਵਸ਼ੀ ਰੌਤੇਲਾ ਯੂਕਰੇਨ ਵਿੱਚ ਆਪਣੀ ਆਉਣ ਵਾਲੀ ਤਾਮਿਲ ਫਿਲਮ 'ਦ ਲੀਜੈਂਡ' ਦੀ ਸ਼ੂਟਿੰਗ ਕਰ ਰਹੀ ਸੀ। ਅਦਾਕਾਰਾ ਨੇ ਯੂਕਰੇਨ ਤੋਂ ਆਪਣੇ ਕੁਝ ਵੀਡੀਓ ਵੀ ਸ਼ੇਅਰ ਕੀਤੇ ਹਨ। ਸ਼ੁਕਰ ਹੈ ਕਿ ਅਦਾਕਾਰਾ ਆਪਣੇ ਜਨਮਦਿਨ ਲਈ ਮਾਲਦੀਵ ਲਈ ਰਵਾਨਾ ਹੋ ਗਈ ਸੀ ਅਤੇ ਕੁਝ ਦਿਨਾਂ ਬਾਅਦ, ਰੂਸ ਅਤੇ ਯੂਕਰੇਨ ਵਿਚਕਾਰ ਭਿਆਨਕ ਜੰਗ ਸ਼ੁਰੂ ਹੋ ਗਈ।
ਤੁਹਾਨੂੰ ਦੱਸ ਦੇਈਏ ਉਰਵਸ਼ੀ ਨੇ ਸ਼ਨੀਵਾਰ ਨੂੰ ਯੂਕ੍ਰੇਨ ਦੇ ਸੁਪਰਸਟਾਰ ਮੋਨਾਟਿਕ ਨਾਲ ਆਪਣੀਆਂ ਕੁਝ ਤਸਵੀਰਾਂ ਅਤੇ ਵੀਡੀਓਜ਼ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਉਰਵਸ਼ੀ ਪੀਲੇ ਰੰਗ ਦੀ ਸਾੜੀ 'ਚ ਨਜ਼ਰ ਆ ਰਹੀ ਹੈ। ਅਦਾਕਾਰਾ ਨੇ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ 'ਸਾਡਾ ਨਿਸ਼ਾਨਾ ਜਿਸ ਦੀ ਅਸੀਂ ਯੋਜਨਾ ਬਣਾਈ ਸੀ, ਪਰ ਕਦੇ ਨਹੀਂ ਸੋਚਿਆ ਸੀ ਕਿ ਅਜਿਹਾ ਹੋਵੇਗਾ, ਆਪਣਾ ਧਿਆਨ ਰੱਖੋ, ਮੋਂਟਿਕ ਅਤੇ ਮੇਰੇ ਯੂਕਰੇਨੀਅਨ ਪਰਿਵਾਰ ਦਾ, ਯੂਕਰੇਨ ਵਿੱਚ ਜੰਗ ਬੰਦ ਕਰੋ'।
ਤੁਹਾਨੂੰ ਦੱਸ ਦੇਈਏ ਕਿ ਰੂਸ ਅਤੇ ਯੂਕਰੇਨ ਵਿੱਚ ਬਾਲੀਵੁੱਡ, ਟਾਲੀਵੁੱਡ ਅਤੇ ਕਾਲੀਵੁੱਡ ਦੀਆਂ ਕਈ ਫਿਲਮਾਂ ਦੀ ਸ਼ੂਟਿੰਗ ਹੋਈ ਹੈ। ਦੱਸ ਦੇਈਏ ਕਿ ਸਲਮਾਨ ਖਾਨ ਵੀ ਫਿਲਮ 'ਟਾਈਗਰ-3' ਦੀ ਸ਼ੂਟਿੰਗ ਲਈ ਰੂਸ ਪਹੁੰਚੇ ਸਨ। ਇਹ ਫਿਲਮ ਅਗਲੇ ਸਾਲ (2023) ਈਦ ਦੇ ਮੌਕੇ 'ਤੇ ਰਿਲੀਜ਼ ਹੋਵੇਗੀ। ਪਰ ਰੂਸ ਦੇ ਹਮਲੇ ਤੋਂ ਬਾਅਦ ਯੂਕਰੇਨ ਵਿੱਚ ਲੋਕਾਂ ਕੋਲ ਜਾਨ ਬਚਾਉਣ ਤੋਂ ਇਲਾਵਾ ਕੋਈ ਚਾਰਾ ਨਹੀਂ ਬਚਿਆ ਹੈ।
ਇਹ ਵੀ ਪੜ੍ਹੋ:ਸ਼ਾਹਿਦ ਕਪੂਰ ਨੇ ਆਪਣੇ ਬੇਟੇ ਨਾਲ ਇਕ ਤਸਵੀਰ ਕੀਤੀ ਸ਼ੇਅਰ, ਪ੍ਰਸੰਸ਼ਕਾਂ ਨੇ ਕੀਤੀ ਤਾਰੀਫ਼
