ਚੰਡੀਗੜ੍ਹ: ਆਪਣੇ ਰੈਪ 420 ਦੇ ਨਾਲ ਦਰਸ਼ਕਾਂ ਦੇ ਮਨਪਸੰਦ ਬਣਨ ਵਾਲੇ ਰੈਪਰ ਬੋਹੇਮੀਆ 15 ਅਕਤੂਬਰ ਨੂੰ 40 ਸਾਲਾਂ ਦੇ ਹੋ ਗਏ ਹਨ। ਬੋਹੇਮੀਆ ਦਾ ਜਨਮ ਕਰਾਚੀ ਪਾਕਿਸਤਾਨ 'ਚ ਹੋਇਆ।
14 ਸਾਲ ਦੀ ਉਮਰ 'ਚ ਗਏ ਸੀ ਅਮਰੀਕਾ
ਬੋਹੇਮੀਆ 14 ਸਾਲਾਂ ਦੇ ਸਨ ਜਦੋਂ ਉਹ ਪਾਕਿਸਤਾਨ ਤੋਂ ਅਮਰੀਕਾ ਆਏ। ਬੋਹੇਮੀਆ ਅਕਸਰ ਇਹ ਗੱਲ ਆਖਦੇ ਹਨ ਕਿ ਉਹ ਅਮਰੀਕਾ ਜਾਣ ਤੋਂ ਪਹਿਲਾਂ ਉਹ ਉੱਥੇ ਦੇ ਸ਼ੋਅ ਵੇਖਦੇ ਸੀ। ਉਸ ਵੇਲੇ ਉਹ ਸੋਚਦੇ ਸੀ ਕਿ ਉਹ ਅਮਰੀਕਾ ਬਹੁਤ ਵਧੀਆ ਥਾਂ ਹੈ ਪਰ ਜਦੋਂ ਬੋਹੇਮੀਆ ਅਮਰੀਕਾ ਪੁੱਜੇ ਤਾਂ ਅਮਰੀਕਾ ਦੇ ਅਸਲ ਹਾਲਾਤ ਉਨ੍ਹਾਂ ਦੇ ਸਾਹਮਣੇ ਆ ਗਏ। ਬੋਹੇਮੀਆ ਕਹਿੰਦੇ ਹਨ ਕਿ ਉੱਥੇ ਡਰਗ ਕਲਚਰ, ਗੈਂਗਸਟਰ ਕਲਚਰ ਬਹੁਤ ਜ਼ਿਆਦਾ ਹੈ। ਉਨ੍ਹਾਂ ਕਿਹਾ ਕਿ ਅਮਰੀਕਾ ਜਾਣ ਤੋਂ ਬਾਅਦ ਉਨ੍ਹਾਂ ਦੀ ਜ਼ਿੰਦਗੀ ਬਦਲ ਗਈ।
ਕਈ ਨਾਂਅ ਨੇ ਬੋਹੇਮੀਆ ਦੇ
ਬੋਹੇਮੀਆ ਨੂੰ ਤਿੰਨ ਨਾਵਾਂ ਦੇ ਨਾਲ ਬੁਲਾਇਆ ਜਾਂਦਾ ਹੈ। ਇੱਕ ਰੋਜਰ ਡੇਵਿਡ ,ਰਾਜਾ ਅਤੇ ਬੋਹੇਮੀਆ, ਇੱਕ ਇੰਟਰਵਿਊ 'ਚ ਉਨ੍ਹਾਂ ਨੂੰ ਪੁਛਿੱਆ ਜਾਂਦਾ ਹੈ ਕਿ ਕਿਹੜਾ ਨਾਂਅ ਉਨ੍ਹਾਂ ਦੇ ਦਿਲ ਦੇ ਕਰੀਬ ਹੈ ਤਾਂ ਇਸ ਦਾ ਜਵਾਬ ਬੋਹੇਮੀਆ ਰਾਜਾ ਦਿੰਦੇ ਹਨ। ਇਸ ਦਾ ਕਾਰਨ ਉਹ ਦੱਸਦੇ ਹਨ ਕਿ ਇਹ ਨਾਂਅ ਉਨ੍ਹਾਂ ਨੂੰ ਉਨ੍ਹਾਂ ਦੀ ਮਾਂ ਨੇ ਦਿੱਤਾ ਸੀ।
ਮਿਰਜ਼ਾ ਗਾਲਿਬ ਸਮਝਦੇ ਸਨ ਬੋਹੇਮੀਆ ਆਪਣੇ ਆਪ ਨੂੰ
10-11 ਸਾਲ ਦੀ ਉਮਰ 'ਚ ਬੋਹੇਮੀਆ ਆਪਣੇ ਆਪ ਨੂੰ ਮਿਰਜ਼ਾ ਗਾਲਿਬ ਸਮਝਦੇ ਸਨ। ਇਹ ਗੱਲ ਉਨ੍ਹਾਂ ਇੱਕ ਨਿਜੀ ਇੰਟਰਵਿਊ ਦੇ ਵਿੱਚ ਦੱਸੀ।
ਜ਼ਿੰਦਗੀ ਦਾ ਸੰਘਰਸ਼
ਬੋਹੇਮੀਆ ਆਪਣੇ ਜ਼ਿੰਦਗੀ ਦੇ ਸੰਘਰਸ਼ ਬਾਰੇ ਕਹਿੰਦੇ ਹਨ ਕਿ ਮੇਰਾ ਕਾਮਯਾਬ ਹੋਣ ਦਾ ਸੰਘਰਸ਼, ਸੰਘਰਸ਼ ਨਹੀਂ ਹੈ ਉਹ ਇੰਜੋਆਏਮੇਂਟ ਹੈ। ਉਹ ਆਖਦੇ ਨੇ ਉਨ੍ਹਾਂ ਦਾ ਸੰਘਰਸ਼ ਉਹ ਹੈ ਜਦੋਂ ਉਨ੍ਹਾਂ ਦੀ ਮਾਂ ਦਾ ਦੇਹਾਂਤ ਹੋ ਗਿਆ ਸੀ ਅਤੇ ਉਸ ਦੁੱਖ ਕਰਕੇ ਉਨ੍ਹਾਂ ਘਰ ਛੱਡ ਦਿੱਤਾ ਸੀ।
ਬੇਸ਼ਕ ਬੋਹੇਮੀਆ ਨੇ ਭਾਰਤ 'ਚ ਜਨਮ ਨਹੀਂ ਲਿਆ। ਚੱੜਦੇ ਪੰਜਾਬ ਨਾਲ ਕੋਈ ਸਬੰਧ ਨਹੀਂ ਹੈ ਪਰ ਜੋ ਪਿਆਰ ਉਨ੍ਹਾਂ ਨੇ ਹਾਸਿਲ ਕੀਤਾ ਹੈ ਉਹ ਦੋਹਾਂ ਦੇਸ਼ਾਂ ਦੇ ਲਈ ਮਿਸਾਲ ਹੈ।
ਰੈਪ ਕਿੰਗ ਦੇ ਨਾਂਅ ਨਾਲ ਜਾਣਿਆ ਜਾਂਦਾ ਹੈ ਬੋਹੇਮੀਆ ਨੂੰ, ਇੱਕ ਵੇਲਾ ਸੀ ਜਦੋਂ ਉਨ੍ਹਾਂ ਨੂੰ ਰੈਪ ਦਾ ਮਤਲਬ ਵੀ ਨਹੀਂ ਸੀ ਪਤਾ ਹੁੰਦਾ। ਬੋਹੇਮੀਆ ਦੀ ਜ਼ਿੰਦਗੀ ਵਿਚੋਂ ਇੱਕ ਚੀਜ਼ ਸਮਝ ਆਉਂਦੀ ਹੈ ਕਿ ਜਿਨ੍ਹਾਂ ਕੋਲ ਇਰਾਦੇ ਹੁੰਦੇ ਨੇ ਉਨ੍ਹਾਂ ਕੋਲ ਬਹਾਨੇ ਨਹੀਂ ਹੁੰਦੇ।
