ਮੁੰਬਈ: ਸੁਪਰਸਟਾਰ ਸ਼ਾਹਰੁਖ ਖ਼ਾਨ ਨੂੰ ਬਾਲੀਵੁੱਡ ਇੰਡਸਟਰੀ 'ਚ ਕੰਮ ਕਰਦੇ ਪੂਰੇ 28 ਸਾਲ ਹੋ ਗਏ ਹਨ ਤੇ ਉਨ੍ਹਾਂ ਦਾ ਮੰਨਣਾ ਹੈ ਕਿ ਇਹ ਲੋਕਾਂ ਦੀ ਮਿਹਰਬਾਨੀ ਹੈ ਜਿਨ੍ਹਾਂ ਨੇ ਲਗਭਗ 3 ਦਹਾਕਿਆਂ ਤੋਂ ਉਨ੍ਹਾਂ ਨੂੰ ਉਨ੍ਹਾਂ ਦਾ ਮਨੋਰੰਜਨ ਕਰਨ ਦਾ ਮੌਕਾ ਦਿੱਤਾ। ਅਦਾਕਾਰ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਇੱਕ ਨੋਟ ਲਿਖ ਕੇ ਫੈਨਜ਼ ਦਾ ਧੰਨਵਾਦ ਕੀਤਾ।
ਸ਼ਾਹਰੁਖ ਖ਼ਾਨ ਨੇ ਲਿਖਿਆ ਕਿ ਪਤਾ ਨਹੀਂ ਕਦੋਂ ਮੇਰਾ ਜੋਸ਼ ਮੇਰਾ ਮਕਸਦ ਬਣ ਗਿਆ ਤੇ ਫਿਰ ਪੇਸ਼ੇ 'ਚ ਬਦਲ ਗਿਆ। ਇੰਨੇ ਸਾਲ ਮੈਨੂੰ ਤੁਹਾਡਾ ਮਨੋਰੰਜਨ ਕਰਨਾ ਦਾ ਮੌਕਾ ਦਿੰਦੇ ਰਹਿਣ ਲਈ ਤੁਹਾਡਾ ਸਭ ਦਾ ਸ਼ੁਕਰੀਆ।
ਉਨ੍ਹਾਂ ਨੇ ਅੱਗੇ ਲਿਖਿਆ ਕਿ ਮੈਨੂੰ ਯਕੀਨ ਹੈ ਕਿ ਮੇਰਾ ਜੋਸ਼ ਮੈਨੂੰ ਹੋਰ ਕਈ ਸਾਲਾਂ ਤੱਕ ਤੁਹਾਡੀ ਸੇਵਾ ਕਰਨ ਦੇਵੇਗਾ। 28 ਸਾਲ ... ਤੇ ਹੋਰ ਵੀ ਗਿਣਤੀ ਜਾਰੀ ਹੈ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇੱਕ ਤਸਵੀਰ ਨੂੰ ਪੋਸਟ ਕੀਤਾ ਜਿਸ 'ਚ ਉਹ ਦਾੜੀ ਤੇ ਲੰਬੇ ਬਾਲਾਂ 'ਚ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਪੋਸਟ ਦੇ ਕੈਪਸ਼ਨ 'ਚ ਲਿਖਿਆ ਇਸ ਸਾਲ ਨੂੰ ਕੈਮਰੇ 'ਚ ਕੈਦ ਕਰਨ ਦੇ ਲਈ ਤੁਹਾਡਾ ਸ਼ੁਕਰੀਆ ਗੌਰੀ ਖ਼ਾਨ।
ਸ਼ਾਹਰੁਖ ਖ਼ਾਨ ਨੇ ਸਰਕਸ ਤੇ ਫੌਜੀ ਵਰਗੇ ਛੋਟੇ ਪਰਦੇ ਦੇ ਸ਼ੋਅ ਤੋਂ ਅਦਾਕਾਰੀ 'ਚ ਕਦਮ ਰੱਖਿਆ। ਫਿਰ 1992 'ਚ ਸ਼ਾਹਰੁਖ ਨੇ ਦੀਵਾਨਾ ਫ਼ਿਲਮ ਤੋਂ ਬਾਲੀਵੁੱਡ 'ਚ ਸ਼ੁਰੂਆਤ ਕੀਤੀ ਜਿਸ 'ਚ ਮਰਹੂਮ ਅਦਾਕਾਰ ਰਿਸ਼ੀ ਕਪੂਰ ਤੇ ਦਿਵਿਆ ਭਾਰਤੀ ਵੀ ਮੌਜੂਦ ਸੀ। ਉਨ੍ਹਾਂ ਦੀ ਕੁਝ ਸਫਲ ਫਿਲਮਾਂ 'ਚ ਡਰ, ਬਾਜ਼ੀਗਰ, ਦਿਲ ਵਾਲੇ ਦੁਲਹਨੀਆ ਲੇ ਜਾਏਂਗੇ, ਦਿਲ ਤੋਂ ਪਾਗਲ ਹੈ, ਕੁਛ ਕੁਛ ਹੋਤਾ ਹੈ, ਸਵਦੇਸ, ਚੱਕ ਦੇ ਇੰਡੀਆ ਆਦਿ ਫਿਲਮਾਂ ਹਨ।
ਇਹ ਵੀ ਪੜ੍ਹੋ:ਸ਼ਮਾ ਸਿਕੰਦਰ ਨੇ ਕਾਸਮੈਟਿਕ ਸਰਜਰੀ ਦੀਆਂ ਅਫਵਾਹਾਂ 'ਤੇ ਤੋੜੀ ਚੁੱਪੀ
