ਮੁੰਬਈ: ਅਜੇ ਦੇਵਗਨ, ਤੱਬੂ ਅਤੇ ਰਕੁਲਪ੍ਰੀਤ ਦੀ ਫ਼ਿਲਮ 'ਦੇ ਦੇ ਪਿਆਰ ਦੇ' ਰਿਲੀਜ਼ ਦੇ 10 ਵੇਂ ਦਿਨ ਵੀ ਬਾਕਸ ਆਫ਼ਿਸ 'ਤੇ ਛਾਈ ਹੋਈ ਹੈ। ਦੱਸ ਦਈਏ ਕਿ ਅਜੇ ਦੇਵਗਨ ਦੀ ਇਸ ਫ਼ਿਲਮ ਨੇ ਪਹਿਲੇ ਦਿਨ 10.41 ਰੁਪਏ ਕਰੋੜ ਦੀ ਜ਼ਬਰਦਸਤ ਓਪਨਿੰਗ ਕੀਤੀ ਸੀ। 10 ਦਿਨਾਂ ਦੇ ਬਾਅਦ ਇਸ ਫ਼ਿਲਮ ਦਾ ਕਲੈਕਸ਼ਨ 64 ਕਰੋੜ ਦੇ ਕਰੀਬ ਪੁੱਜ ਚੁੱਕਾ ਹੈ। ਉਮੀਦ ਜਤਾਈ ਜਾ ਰਹੀ ਹੈ ਕਿ ਇਸ ਵੀਕੈਂਡ 'ਚ ਫ਼ਿਲਮ ਇੱਕ ਵਾਰ ਫ਼ਿਲਮ ਰਫ਼ਤਾਰ ਫੜ ਸਕਦੀ ਹੈ।
ਦੱਸਣਯੋਗ ਹੈ ਕਿ 24 ਮਈ ਨੂੰ ਰਿਲੀਜ਼ ਹੋਈਆਂ ਦੋ ਫ਼ਿਲਮਾਂ ਪੀਐਮ ਨਰਿੰਦਰ ਮੋਦੀ ਅਤੇ ਇੰਡੀਆਜ਼ ਮੋਸਟ ਵਾਂਟੇਡ ਕਾਰਨ ਵੀ ਇਸ ਫ਼ਿਲਮ ਦੀ ਕਮਾਈ 'ਤੇ ਪ੍ਰਭਾਵ ਪਿਆ ਹੈ। ਕੁਝ ਮੀਡੀਆ ਰਿਪੋਰਟਾਂ ਮੁਤਾਬਿਕ ਫ਼ਿਲਮ ਤੀਜੇ ਹਫ਼ਤੇ ਸਿਨੇਮਾ ਘਰਾਂ ਤੋਂ ਉੱਤਰ ਜਾਵੇਗੀ। ਫ਼ਿਲਮ ਦਾ ਕੁੱਲ ਕਲੈਕਸ਼ਨ 75 ਤੋਂ 80 ਕਰੋੜ ਰੁਪਏ ਹੋਣ ਦੀ ਉਮੀਦ ਜਤਾਈ ਜਾ ਰਹੀ ਹੈ।
