ਚੰਡੀਗੜ੍ਹ:ਪੰਜਾਬੀ ਫ਼ਿਲਮ ਇੰਡਸਟਰੀ ਦੇ ਕਈ ਕਲਾਕਾਰ ਇਸ ਵੇਲੇ ਬਾਲੀਵੁੱਡ 'ਚ ਚੰਗਾ ਨਾਂਅ ਕਮਾ ਰਹੇ ਹਨ। ਇਸ ਸੂਚੀ ਵਿੱਚ ਦਿਲਜੀਤ ਦੋਸਾਂਝ, ਗੁਰੂ ਰੰਧਾਵਾ, ਬਾਦਸ਼ਾਹ ਦਾ ਨਾਂਅ ਆਉਂਦਾ ਹੈ। ਹਾਲ ਹੀ ਵਿੱਚ ਫੋਰਬਜ਼ ਮੈਗਜ਼ੀਨ ਨੇ ਸਾਲਾਨਾ 100 ਮਸ਼ਹੂਰ ਅਤੇ ਅਮੀਰ ਕਲਾਕਾਰਾਂ ਦੀ ਸੂਚੀ ਜਾਰੀ ਕੀਤੀ ਜਿਸ ਵਿੱਚ ਦਿਲਜੀਤ 39 ਵੇਂ ਨਬੰਰ ਉੱਤੇ ਹਨ। ਪੂਰੇ ਸਾਲ 'ਚ ਦਿਲਜੀਤ ਨੇ 36.91 ਕਰੋੜ ਰੁਪਏ ਕਮਾਏ। ਫੋਰਬਸ ਮੁਤਾਬਿਕ ਇਸ ਸਾਲ ਦਿਲਜੀਤ ਨੇ ਆਪਣੇ ਕਮਾਈ 'ਚ ਵਾਧਾ ਕੀਤਾ ਹੈ। ਪਿੱਛਲੇ ਸਾਲ ਉਹ 45 ਵੇਂ ਰੈਂਕ ਉੱਤੇ ਸਨ।
ਇਸ ਸੂਚੀ ਵਿੱਚ ਗੁਰੂ ਰੰਧਾਵਾ 49 ਵੇਂ ਨਬੰਰ ਉੱਤੇ ਹਨ। ਦੱਸਦਈਏ ਕਿ ਇਹ ਪਹਿਲੀ ਵਾਰੀ ਹੈ ਕਿ ਗੁਰੂ ਰੰਧਾਵਾ ਦਾ ਨਾਂਅ ਫੋਰਬਸ ਸੂਚੀ ਵਿੱਚ ਆਇਆ ਹੈ। ਗੁਰੂ ਰੰਧਾਵਾ ਨੇ ਟੋਟਲ ਕਮਾਈ ਇਸ ਸਾਲ 26.4 ਕਰੋੜ ਕੀਤੀ ਹੈ।
ਰੈਪਰ ਬਾਦਸ਼ਾਹ ਲਈ ਸਾਲ 2019 ਬਹੁਤ ਖ਼ਾਸ ਰਿਹਾ ਕਿਉਂਕਿ ਇਸ ਸਾਲ ਉਹ ਰੈਪਰ,ਗਾਇਕ, ਗੀਤ ਲਿਖਾਈ ਤੋਂ ਇਲਾਵਾ ਅਦਾਕਾਰ ਵੀ ਬਣੇ ਉਨ੍ਹਾਂ ਨੇ ਫ਼ਿਲਮ ਖ਼ਾਨਦਾਨੀ ਸ਼ਫਾਖ਼ਾਨਾ ਰਾਹੀਂ ਬਾਲੀਵੁੱਡ ਵਿੱਚ ਐਂਟਰੀ ਕੀਤੀ। ਫੋਰਬਸ ਸੂਚੀ ਵਿੱਚ ਬਾਦਸ਼ਾਹ 58 ਵੇਂ ਰੈਂਕ ਉੱਤੇ ਹਨ। ਬਾਦਸ਼ਾਹ ਦੀ ਇਸ ਸਾਲ ਕੁਲ੍ਹ ਕਮਾਈ 29.17 ਕਰੋੜ ਰਹੀ ਹੈ। ਪਿੱਛਲੇ ਸਾਲ ਬਾਦਸ਼ਾਹ 63 ਵੇਂ ਨਬੰਰ ਉੱਤੇ ਰਹੇ ਹਨ।
ਜ਼ਿਕਰਯੋਗ ਹੈ ਤਿੰਨੋ ਕਲਾਕਾਰਾਂ ਨੇ ਬਾਲੀਵੁੱਡ ਦੀਆਂ ਕਈ ਹਸਤੀਆਂ ਨੂੰ ਫੋਰਬਸ ਸੂਚੀ 'ਚ ਪਿੱਛੇ ਛੱਡਿਆ ਹੈ। ਦਿਲਜੀਤ ਦੋਸਾਂਝ ਨੇ ਰਣਬੀਰ ਕਪੂਰ ਨੂੰ ਪਿੱਛੇ ਛੱਡਿਆ ਹੈ। ਗੁਰੂ ਰੰਧਾਵਾ ਨੇ ਕਰਨ ਜੌਹਰ, ਮਾਧੂਰੀ ਦਿਕਸ਼ਤ, ਵਿੱਕੀ ਕੌਸ਼ਲ ਵਰਗੇ ਕਲਾਕਾਰਾਂ ਨਾਲੋਂ ਵੀ ਵੱਧ ਕਮਾਈ ਕੀਤੀ ਹੈ।
