ਮੁੰਬਈ: ਰਾਸ਼ਟਰੀ ਪੁਰਸਕਾਰ ਜੇਤੂ ਅਕਸ਼ੈ ਕੁਮਾਰ ਹਾਲ ਹੀ ਵਿੱਚ ਆਪਣੀ ਵਾਸ਼ਿੰਗ ਪਾਉਡਰ ਮਸ਼ਹੂਰੀ 'ਚ ਮਰਾਠਾ ਯੋਧਾ ਦਾ ਕਿਰਦਾਰ ਅਦਾ ਕਰ ਕੇ ਮੁਸੀਬਤ 'ਚ ਪੈ ਗਏ ਹਨ। 'ਪੈਡਮੇਨ' ਦੇ ਅਦਾਕਾਰ 'ਤੇ ਮਰਾਠਾ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦਾ ਦੋਸ਼ ਲੱਗਿਆ ਹੈ।
ਇਹ ਵੀ ਪੜ੍ਹੋ: ਸਚਿਨ ਪਾਇਲੇਟ ਨੇ ਕੀਤਾ ਦੀਪਿਕਾ ਦਾ ਸਮਰਥਨ
ਇਸ ਮਸ਼ਹੂਰੀ 'ਚ ਅਦਾਕਾਰ ਯੁੱਧ 'ਚ ਦੁਸ਼ਮਣਾਂ ਨੂੰ ਹਰਾਉਣ ਤੋਂ ਬਾਅਦ ਆਪਣੇ ਰਾਜ 'ਚ ਵਾਪਿਸ ਆਉਂਦੇ ਹਨ। ਉਸ ਵੇਲੇ ਹੀ ਉਨ੍ਹਾਂ ਦੀ ਪਤਨੀ ਸੈਨਾ ਦੇ ਜਵਾਨ ਨੂੰ ਗੰਦੇ ਕਪੱੜੇ ਕਾਰਨ ਤਾਨਾ ਮਾਰਦੀ ਹੈ। ਉਸ ਵੇਲੇ ਅਕਸ਼ੈ ਆਖਦੇ ਹਨ ਕਿ ਜੇਕਰ ਸੈਨਾ ਯੁੱਧ ਜਿੱਤ ਸਕਦੀ ਹੈ, ਤਾਂ ਕੱਪੜੇ ਵੀ ਧੋ ਸਕਦੀ ਹੈ। ਇਸ ਤੋਂ ਬਾਅਦ ਅਦਾਕਾਰ ਕੱਪੜੇ ਧੋਦੇਂ ਹੋਏ ਤੇ ਡਾਂਸ ਕਰਦੇ ਹੋਏ ਨਜ਼ਰ ਆਉਂਦੇ ਹਨ। ਇਹ ਮਸ਼ਹੂਰੀ ਕੁਝ ਲੋਕਾਂ ਨੂੰ ਪਸੰਦ ਨਹੀਂ ਆਈ ਹੈ।
ਰਿਪੋਰਟਾਂ ਮੁਤਾਬਿਕ ਵਰਲੀ ਪੁਲਿਸ ਥਾਣੇ 'ਚ ਅਦਾਕਾਰ ਦੇ ਵਿਰੁੱਧ ਮਰਾਠਾ ਸੰਸਕ੍ਰਿਤੀ ਦੀ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਲਈ ਸ਼ਿਕਾਇਤ ਦਰਜ ਹੋ ਚੁੱਕੀ ਹੈ। ਫ਼ਿਲਹਾਲ ਇਸ ਮੁੱਦੇ 'ਤੇ ਅਕਸ਼ੈ ਨੇ ਕੋਈ ਵੀ ਪ੍ਰਤੀਕਿਰੀਆ ਨਹੀਂ ਦਿੱਤੀ ਹੈ।
