WWDC 2023: ਐਪਲ ਨੇ ਈਂਵੈਟ 'ਚ ਕੀਤਾ iOS 17 ਅਤੇ ਮੈਕਬੁੱਕ ਏਅਰ ਦੇ ਫੀਚਰਸ ਦਾ ਖੁਲਾਸਾ, ਜਾਣੋ ਇਸਦੀ ਕੀਮਤ

ਐਪਲ ਨੇ iOS 17 ਨੂੰ ਕਈ ਸ਼ਾਨਦਾਰ ਫੀਚਰਸ ਦੇ ਨਾਲ ਪੇਸ਼ ਕੀਤਾ ਹੈ। ਹੁਣ ਇਸ ਦੀ ਟਾਈਪਿੰਗ ਨੂੰ ਵੀ ਬਿਹਤਰ ਕੀਤਾ ਗਿਆ ਹੈ। ਇਸਦੇ ਨਾਲ ਹੀ ਨਵੀਂ ਮੈਕਬੁੱਕ ਦੇ ਫੀਚਰਸ ਦਾ ਵੀ ਖੁਲਾਸਾ ਕੀਤਾ ਗਿਆ ਹੈ। ਜੇਕਰ ਨਵੀਂ ਮੈਕਬੁੱਕ ਦੀ ਕੀਮਤ ਦੀ ਗੱਲ ਕਰੀਏ ਤਾਂ ਇਸ ਦੀ ਕੀਮਤ 1,299 ਡਾਲਰ ਤੋਂ ਸ਼ੁਰੂ ਹੋਵੇਗੀ। ਨਵਾਂ ਮੈਕਬੁੱਕ 3 ਵੇਰੀਐਂਟ 'ਚ ਆਉਣ ਵਾਲਾ ਹੈ।

ਹੈਦਰਾਬਾਦ: ਐਪਲ ਨੇ ਆਪਣੇ ਸਾਲਾਨਾ ਸਮਾਗਮ ਦੇ ਐਡੀਸ਼ਨ ਵਿੱਚ ਕਈ ਧਮਾਕੇ ਕੀਤੇ ਹਨ। ਇਕ ਪਾਸੇ ਜਿੱਥੇ ਕੰਪਨੀ ਨੇ ਨਵੇਂ ਡਿਵਾਈਸਾਂ ਨਾਲ ਯੂਜ਼ਰਸ ਨੂੰ ਖੁਸ਼ ਕੀਤਾ, ਉਥੇ ਹੀ ਕੰਪਨੀ ਦੇ ਪੁਰਾਣੇ ਯੂਜ਼ਰਸ ਲਈ ਓਪਰੇਟਿੰਗ ਸਿਸਟਮ ਦੇ ਅਪਡੇਟਸ ਜਾਰੀ ਕੀਤੇ ਗਏ ਹਨ। ਜ਼ਿਆਦਾਤਰ ਲੋਕਾਂ ਦਾ ਧਿਆਨ ਆਪਰੇਟਿੰਗ ਸਿਸਟਮ iOS 17 'ਤੇ ਕੇਂਦਰਿਤ ਸੀ। ਇਸ ਦੇ ਨਾਲ ਹੀ ਕੰਪਨੀ ਨੇ iPadOS 17 ਅਤੇ watchOS 10 ਦਾ ਵੀ ਐਲਾਨ ਕੀਤਾ ਹੈ। ਦਿੱਗਜ ਟੈਕ ਕੰਪਨੀ ਐਪਲ ਦੀ 2023 ਵਰਲਡਵਾਈਡ ਡਿਵੈਲਪਰ ਕਾਨਫਰੰਸ (WWDC) ਅਮਰੀਕਾ ਦੇ ਕੈਲੀਫੋਰਨੀਆ ਦੇ ਐਪਲ ਪਾਰਕ ਤੋਂ ਸ਼ੁਰੂ ਹੋ ਗਈ ਹੈ। ਭਾਰਤੀ ਸਮੇਂ ਮੁਤਾਬਕ ਇਹ ਸੋਮਵਾਰ ਰਾਤ 10.30 ਵਜੇ ਸ਼ੁਰੂ ਹੋਈ ਸੀ। ਇਸ ਦੌਰਾਨ, ਕੰਪਨੀ ਨੇ ਨਵੀਂ 15-ਇੰਚ ਮੈਕਬੁੱਕ ਏਅਰ ਵੀ ਲਾਂਚ ਕੀਤੀ ਹੈ। ਇਸ ਦੇ ਨਾਲ ਹੀ ਐਪਲ ਦਾ ਦਾਅਵਾ ਹੈ ਕਿ ਇਹ ਲੈਪਟਾਪ ਦੁਨੀਆ ਦਾ ਸਭ ਤੋਂ ਪਤਲਾ 15 ਇੰਚ ਦਾ ਲੈਪਟਾਪ ਹੈ। ਇਸ ਦੇ ਭਾਰ ਦੀ ਗੱਲ ਕਰੀਏ ਤਾਂ ਇਹ ਸਿਰਫ 3.3 ਪੌਂਡ ਹੈ।

• This is crazy! #WWDC23 pic.twitter.com/3DUV3JD7O1

  — Apple Hub (@theapplehub) June 5, 2023 " class="align-text-top noRightClick twitterSection" data="

  This is crazy! #WWDC23 pic.twitter.com/3DUV3JD7O1

  — Apple Hub (@theapplehub) June 5, 2023

  ">

  This is crazy! #WWDC23 pic.twitter.com/3DUV3JD7O1

  — Apple Hub (@theapplehub) June 5, 2023

ਆਪਰੇਟਿੰਗ ਸਿਸਟਮ iOS 17: ਆਪਰੇਟਿੰਗ ਸਿਸਟਮ iOS 17 ਦੀ ਗੱਲ ਕਰੀਏ ਤਾਂ ਇਸ 'ਚ ਕਈ ਸ਼ਾਨਦਾਰ ਫੀਚਰਸ ਜੋੜੇ ਗਏ ਹਨ। ਨਵੇਂ ਆਪਰੇਟਿੰਗ ਸਿਸਟਮ ਨਾਲ ਯੂਜ਼ਰਸ ਆਪਣੀਆਂ ਫੋਟੋਆਂ ਦੇ ਕਸਟਮ ਸਟਿੱਕਰ ਬਣਾ ਸਕਣਗੇ। ਇਸ ਤੋਂ ਇਲਾਵਾ ਇਸ ਦੇ ਕੀਵਰਡਸ 'ਤੇ ਵੀ ਕੰਮ ਕੀਤਾ ਗਿਆ ਹੈ, ਜਿਸ ਕਾਰਨ ਇਸ ਡਿਵਾਈਸ 'ਤੇ ਟਾਈਪ ਕਰਨਾ ਹੋਰ ਵੀ ਆਸਾਨ ਹੋ ਜਾਵੇਗਾ।

iOS 17 ਦੇ ਫੀਚਰਸ:

• ਨਵੇਂ ਅਪਡੇਟ ਦੇ ਨਾਲ ਨੇਮ ਡ੍ਰੌਪ ਫੀਚਰ
• ਫੇਸਟਾਈਮ ਵੀਡੀਓ ਮੈਸੇਜਿੰਗ ਫੀਚਰ
• ਲਾਈਵ ਸਟਿੱਕਰ ਫੀਚਰ
• ਲਾਈਵ ਵੌਇਸਮੇਲ ਭੇਜ ਸਕਣਗੇ
• ਹੇ ਸਿਰੀ ਦੀ ਬਜਾਏ ਸਿਰੀ ਕਹਿਣ ਨਾਲ ਕੰਮ ਹੋਵੇਗਾ
• ਫੇਸਟਾਈਮ ਵੀਡੀਓ ਮੈਸੇਜਿੰਗ
• ਔਫਲਾਈਨ ਮੈਪ
• ਕੰਨੈਕਟ ਪੋਸਟਰ
• ਸਵਾਈਪ ਰਾਹੀਂ ਜਵਾਬ
• ਆਟੋ ਕਰੈਕਟ ਵਿੱਚ ਮਸ਼ੀਨ ਲਰਨਿੰਗ ਨਾਲ ਸੁਧਾਰ

• This is the new 15" MacBook Air starting at $1,299 #WWDC23 pic.twitter.com/zfW3DueJos

  — Apple Hub (@theapplehub) June 5, 2023 " class="align-text-top noRightClick twitterSection" data="

  This is the new 15" MacBook Air starting at $1,299 #WWDC23 pic.twitter.com/zfW3DueJos

  — Apple Hub (@theapplehub) June 5, 2023

  ">

  This is the new 15" MacBook Air starting at $1,299 #WWDC23 pic.twitter.com/zfW3DueJos

  — Apple Hub (@theapplehub) June 5, 2023

ਮੈਕਬੁੱਕ ਏਅਰ 15 ਇੰਚ ਦੇ ਫੀਚਰਸ: ਇਸ ਲੈਪਟਾਪ ਦੇ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ 'ਚ 15.3 ਇੰਚ ਦੀ ਲਿਕਵਿਡ ਰੈਟੀਨਾ ਡਿਸਪਲੇ ਹੈ। ਇਸ ਦੇ ਨਾਲ ਹੀ ਇਸ 'ਚ ਤੁਹਾਨੂੰ 500 ਨਾਈਟ ਬ੍ਰਾਈਟਨੈੱਸ ਮਿਲਦੀ ਹੈ। ਐਪਲ ਦਾ ਕਹਿਣਾ ਹੈ ਕਿ ਇਸ ਰੇਂਜ 'ਚ ਮੈਕਬੁੱਕ ਏਅਰ 'ਚ ਪੀਸੀ ਲੈਪਟਾਪ ਦੇ ਮੁਕਾਬਲੇ ਦੁੱਗਣਾ ਰੈਜ਼ੋਲਿਊਸ਼ਨ ਅਤੇ 25 ਫੀਸਦੀ ਜ਼ਿਆਦਾ ਚਮਕ ਹੈ। ਇਸ ਦੇ ਨਾਲ ਹੀ ਵੀਡੀਓ ਕਾਲਿੰਗ ਲਈ ਇਸ 'ਚ 1080 ਪੀ ਕੈਮਰਾ ਦਿੱਤਾ ਗਿਆ ਹੈ। ਜਿਸ ਕਾਰਨ ਯੂਜ਼ਰਸ ਨੂੰ ਇਸ ਦਾ ਬਿਹਤਰ ਅਨੁਭਵ ਮਿਲੇਗਾ। ਇਸ ਤੋਂ ਇਲਾਵਾ, ਇਸ ਵਿਚ ਮੈਗਸੇਫ ਚਾਰਜਿੰਗ, ਐਕਸੈਸਰੀਜ਼ ਨੂੰ ਜੋੜਨ ਲਈ ਦੋ ਥੰਡਰਬੋਲਟ ਪੋਰਟ, 3.5mm ਹੈੱਡਫੋਨ ਜੈਕ ਅਤੇ 6K ਬਾਹਰੀ ਡਿਸਪਲੇਅ ਹੈ।

15-ਇੰਚ ਮੈਕਬੁੱਕ ਏਅਰ ਦੀ ਕੀਮਤ: ਮੈਕਬੁੱਕ ਏਅਰ 15-ਇੰਚ ਦੀ ਅਮਰੀਕਾ ਵਿੱਚ ਕੀਮਤ 1299 ਡਾਲਰ ਤੋਂ ਸ਼ੁਰੂ ਹੋਵੇਗੀ ਅਤੇ ਮਿਡਨਾਈਟ, ਸਟਾਰਲਾਈਟ, ਸਪੇਸ ਗ੍ਰੇ ਅਤੇ ਸਿਲਵਰ ਫਿਨਿਸ਼ ਵਿੱਚ ਉਪਲਬਧ ਹੋਵੇਗੀ। ਭਾਰਤ 'ਚ ਇਸ ਦੀ ਕੀਮਤ 1,34,900 ਰੁਪਏ ਹੋਵੇਗੀ। ਕੰਪਨੀ ਨੇ ਹੁਣ ਆਪਣੇ ਪਹਿਲਾਂ ਤੋਂ ਮੌਜੂਦ 13-ਇੰਚ ਮੈਕਬੁੱਕ ਏਅਰ ਦੀ ਕੀਮਤ 1099 ਡਾਲਰ ਤੱਕ ਘਟਾ ਦਿੱਤੀ ਹੈ। ਇਸ ਦੇ ਨਾਲ ਹੀ M1 Air ਦੀ ਕੀਮਤ ਹੁਣ 999 ਡਾਲਰ ਹੋ ਗਈ ਹੈ। MacBook Air 15 ਇੰਚ apple.com/in/store ਵੈੱਬਸਾਈਟ ਰਾਹੀਂ ਆਰਡਰ ਕੀਤਾ ਜਾ ਸਕਦਾ ਹੈ। ਗਾਹਕਾਂ ਨੂੰ 13 ਜੂਨ ਤੋਂ ਇਸਦੀ ਡਿਲੀਵਰੀ ਮਿਲਣੀ ਸ਼ੁਰੂ ਹੋ ਜਾਵੇਗੀ।