ਹੈਦਰਾਬਾਦ: ਮੇਟਾ ਦੇ ਥ੍ਰੈਡਸ ਐਪ ਨੂੰ ਹੁਣ ਤੁਸੀਂ ਵੈੱਬ 'ਚ ਵੀ ਅਕਸੈਸ ਕਰ ਸਕਦੇ ਹੋ। ਇਸ ਐਪ ਦਾ ਵੈੱਬ ਵਰਜ਼ਨ ਲਾਈਵ ਹੋ ਗਿਆ ਹੈ। ਥ੍ਰੈਡਸ ਐਪ ਦਾ ਵੈੱਬ ਵਰਜ਼ਨ ਚਲਾਉਣ ਲਈ ਤੁਹਾਨੂੰ ਗੂਗਲ 'ਤੇ www.threads.net ਲਿਖਣਾ ਹੋਵੇਗਾ। ਵਿੰਡੋ ਤੋਂ ਇਲਾਵਾ MacOS 'ਤੇ ਵੀ ਵੈੱਬਸਾਈਟ ਕੰਮ ਕਰ ਰਹੀ ਹੈ। ਪਿਛਲੇ ਹਫ਼ਤੇ ਇੰਸਟਾਗ੍ਰਾਮ ਦੇ ਹੈੱਡ Adam Mosseri ਨੇ ਇਹ ਕਿਹਾ ਸੀ ਕਿ ਕੰਪਨੀ ਵੈੱਬ ਐਪ 'ਤੇ ਕੰਮ ਕਰ ਰਹੀ ਹੈ ਅਤੇ ਇਹ ਜਲਦ ਲਾਈਵ ਹੋ ਸਕਦਾ ਹੈ। ਅੱਜ ਮੇਟਾ ਦਾ ਇਹ ਅਪਡੇਟ ਚੈੱਕ ਕੀਤਾ ਗਿਆ ਅਤੇ ਦੇਖਿਆ ਗਿਆ ਹੈ। ਫਿਲਹਾਲ ਕੰਪਨੀ ਨੇ ਇਸ ਅਪਡੇਟ ਦੀ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ।
ਥ੍ਰੈਡਸ ਦਾ ਯੂਜ਼ਰਬੇਸ: ਮੇਟਾ ਨੇ ਜੁਲਾਈ ਵਿੱਚ ਥ੍ਰੈਡਸ ਐਪ ਨੂੰ ਲਾਂਚ ਕੀਤਾ ਸੀ। ਲਾਂਚ ਹੋਣ ਦੇ 5 ਦਿਨਾਂ ਅੰਦਰ ਹੀ ਐਪ ਦਾ ਟ੍ਰੈਫਿਕ 100 ਮਿਲੀਅਨ ਨੂੰ ਪਾਰ ਕਰ ਗਿਆ ਸੀ। ਘਟ ਸਮੇਂ 'ਚ ਹੀ ਥ੍ਰੈਡ ਨੇ ਇੱਕ ਨਵਾਂ ਰਿਕਾਰਡ ਸਥਾਪਿਤ ਕੀਤਾ। ਹਾਲਾਂਕਿ ਇਸ ਤੋਂ ਬਾਅਦ ਐਪ ਦਾ ਯੂਜ਼ਰਬੇਸ ਘਟ ਹੋ ਗਿਆ ਅਤੇ ਯੂਜ਼ਰਸ ਇਸ ਪਲੇਟਫਾਰਮ ਨੂੰ ਛੱਡ ਕੇ ਚਲੇ ਗਏੋ।
ਯੂਜ਼ਰਸ ਦੀ ਗਿਣਤੀ ਵਧਾਉਣ ਲਈ ਕੰਪਨੀ ਕਰ ਰਹੀ ਥ੍ਰੈਡਸ ਨੂੰ ਅਪਡੇਟ: ਮੇਟਾ ਥ੍ਰੈਡਸ 'ਤੇ ਯੂਜ਼ਰਸ ਨੂੰ ਵਾਪਸ ਲਿਆਉਣ ਲਈ ਕਈ ਕੋਸ਼ਿਸ਼ਾਂ ਕਰ ਰਿਹਾ ਹੈ। ਕੁਝ ਸਮੇਂ ਪਹਿਲਾ ਕੰਪਨੀ ਨੇ ਇਸ ਵਿੱਚ ਕਈ ਫੀਚਰਸ ਐਡ ਕੀਤੇ ਸੀ। ਹੁਣ ਵੈੱਬ ਵਰਜ਼ਨ ਰਾਹੀ ਮੇਟਾ ਲੋਕਾਂ ਨੂੰ ਐਪ 'ਤੇ ਲਿਆਉਣਾ ਚਾਹੁੰਦੀ ਹੈ। ਹਾਂਲਾਕਿ ਅਜੇ ਤੱਕ ਮੇਟਾ ਦੇ ਵੈੱਬ ਵਰਜ਼ਨ ਵਿੱਚ ਬਹੁਤ ਕੁਝ ਆਉਣਾ ਬਾਕੀ ਹੈ। ਫਿਲਹਾਲ ਇਸ ਐਪ 'ਚ ਜ਼ਿਆਦਾ ਫੀਚਰਸ ਨਹੀਂ ਹੈ। ਤੁਸੀਂ ਇਸ ਐਪ ਨੂੰ ਲਾਈਟ ਅਤੇ ਡਾਰਕ ਮੋਡ ਦੇ ਵਿੱਚ ਸਵਿੱਚ ਕਰ ਸਕਦੇ ਹੋ। ਵੈੱਬ ਵਰਜ਼ਨ 'ਚ ਫੀਡ, ਸਰਚ, ਪੋਸਟ, ਲਾਈਕ ਅਤੇ ਪ੍ਰੋਫਾਈਲ ਦਾ ਆਪਸ਼ਨ ਦਿੱਤਾ ਗਿਆ ਹੈ।
ਵੈੱਬ 'ਤੇ ਥ੍ਰੈਡਸ ਐਪ ਇਸ ਤਰ੍ਹਾਂ ਕਰੋ ਲੌਗਿਨ: ਸਭ ਤੋਂ ਪਹਿਲਾ ਗੂਗਲ 'ਤੇ ਜਾਓ ਅਤੇ www.threads.net ਲਿੱਖੋ। ਇਸ ਤੋਂ ਬਾਅਦ ਥ੍ਰੈਡਸ ਲੌਗਿਨ ਲਈ ਇੰਸਟਾਗ੍ਰਾਮ ਯੂਜ਼ਰਨੇਮ ਅਤੇ ਪਾਸਵਰਡ ਭਰੋ। ਫਿਰ ਤੁਹਾਡੇ ਰਜਿਸਟਰਡ ਨੰਬਰ 'ਤੇ ਇੱਕ OTP ਆਵੇਗਾ। OTP ਨੂੰ ਭਰਦੇ ਹੀ ਤੁਹਾਡਾ ਥ੍ਰੈਡਸ ਅਕਾਊਟ ਓਪਨ ਹੋ ਜਾਵੇਗਾ।
