ਹੈਦਰਾਬਾਦ: Oppo ਜਲਦ ਹੀ ਆਪਣੀ ਨਵੀਂ ਸੀਰੀਜ਼ X7 ਦੇ ਸਮਾਰਟਫੋਨ ਲਾਂਚ ਕਰੇਗੀ। ਇਸ ਸੀਰੀਜ਼ ਨੂੰ ਲੈ ਕੇ ਹੁਣ ਇੱਕ ਰਿਪੋਰਟ ਸਾਹਮਣੇ ਆਈ ਹੈ। ਇਸ ਰਿਪੋਰਟ 'ਚ X7 ਸੀਰੀਜ਼ ਦੀ ਲਾਂਚ ਡੇਟ ਦਾ ਖੁਲਾਸਾ ਕੀਤਾ ਗਿਆ ਹੈ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਚੀਨੀ ਸਮਾਰਟਫੋਨ ਕੰਪਨੀ ਨੇ ਹਾਲ ਹੀ ਵਿੱਚ ਪੁਸ਼ਟੀ ਕੀਤੀ ਸੀ ਕਿ ਉਨ੍ਹਾਂ ਨੇ 23 ਨਵੰਬਰ ਨੂੰ ਚੀਨ 'ਚ ਇੱਕ ਲਾਂਚ ਇਵੈਂਟ ਆਯੋਜਿਤ ਕੀਤਾ ਹੈ। ਕੰਪਨੀ ਇਸ ਇਵੈਂਟ 'ਚ Oppo 11 Reno ਸੀਰੀਜ਼, Oppo Pad Air 2 ਅਤੇ ਹੋਰ ਕਈ ਪ੍ਰੋਡਕਟਸ ਨੂੰ ਲਾਂਚ ਕਰੇਗੀ। ਜਦਕਿ Oppo Find X7 ਸੀਰੀਜ਼ ਚੀਨੀ ਸਪ੍ਰਿੰਟ ਫੈਸਟੀਵਲ 2024 ਤੋਂ ਪਹਿਲਾ 10 ਫਰਵਰੀ ਤੋਂ 17 ਫਰਵਰੀ ਦੇ ਵਿਚਕਾਰ ਲਾਂਚ ਹੋਵੇਗੀ।
Oppo Find X7 ਸੀਰੀਜ਼ ਦੇ ਫੀਚਰਸ: Oppo Find X7 ਸੀਰੀਜ਼ ਦੀ AnTuTu ਲਿਸਟਿੰਗ ਤੋਂ ਪਤਾ ਲੱਗਾ ਹੈ ਕਿ ਇਹ ਸੀਰੀਜ਼ ਮੀਡੀਆਟੇਕ Dimension 9300 ਚਿਪਸੈੱਟ ਨਾਲ ਲੈਂਸ ਹੋਵੇਗੀ। ਇਸ ਸੀਰੀਜ਼ ਨੂੰ 4nm ਪ੍ਰਕਿਰੀਆਂ 'ਤੇ ਬਣਾਇਆ ਗਿਆ ਹੈ ਅਤੇ ਇਸ 'ਚ 8-ਕੋਰ ਆਰਕੀਟੈਕਚਰ ਹਨ, ਜਿਸ 'ਚ 3.25GHz 'ਤੇ ਇੱਕ Cortex-X4 ਕੋਰ, 2.85GHz 'ਤੇ ਤਿੰਨ Cortex-X4 ਕੋਰ ਅਤੇ 2.0GHz 'ਤੇ ਚਾਰ Cortex-A720 ਕੋਰ ਸ਼ਾਮਲ ਹਨ। ਲਿਸਟਿੰਗ ਅਨੁਸਾਰ, ਇਸ ਚਿਪਸੈੱਟ ਨੂੰ 6GB ਤੱਕ LPDDR5T ਰੈਮ ਅਤੇ 1TB UFS 4.0 ਸਟੋਰੇਜ ਦੇ ਨਾਲ ਜੋੜਿਆ ਗਿਆ ਹੈ। ਕੈਮਰੇ ਦੀ ਗੱਲ ਕੀਤੀ ਜਾਵੇ, ਤਾਂ ਇਸ ਫੋਨ 'ਚ 32MP ਦਾ ਸੈਲਫ਼ੀ ਕੈਮਰਾ ਮਿਲੇਗਾ। ਕੈਮਰੇ ਨਾਲ ਜੁੜੇ ਅਜੇ ਕੁਝ ਫੀਚਰਸ ਬਾਰੇ ਜਾਣਕਾਰੀ ਸਾਹਮਣੇ ਨਹੀ ਆਈ ਹੈ।
Oppo Reno 11 ਸੀਰੀਜ਼ ਨੂੰ ਲੋਕਾਂ ਦੀ ਮਿਲ ਰਹੀ ਵਧੀਆਂ ਪ੍ਰਤੀਕਿਰੀਆਂ: ਇਸ ਤੋਂ ਇਲਾਵਾ, Oppo ਆਪਣੇ ਯੂਜ਼ਰਸ ਲਈ Oppo Reno 11 ਅਤੇ Oppo Reno 11 ਪ੍ਰੋ ਸਮਾਰਟਫੋਨ ਲਾਂਚ ਕਰਨ ਵਾਲਾ ਹੈ। ਇਨ੍ਹਾਂ ਦੋਨੋ ਸਮਾਰਟਫੋਨਾਂ ਨੂੰ ਬਾਜ਼ਾਰ 'ਚ ਇਸ ਮਹੀਨੇ ਲਾਂਚ ਕੀਤਾ ਜਾਵੇਗਾ। ਲਾਂਚਿੰਗ ਤੋਂ ਪਹਿਲਾ ਹੀ ਕੰਪਨੀ ਆਪਣੇ ਯੂਜ਼ਰਸ ਨੂੰ ਪ੍ਰੀ-ਰਿਜ਼ਰਵੇਸ਼ਨ ਦਾ ਮੌਕਾ ਦੇ ਰਹੀ ਹੈ। Oppo Reno 11 ਸੀਰੀਜ਼ ਦੇ ਦੋਨੋ ਫੋਨ 14 ਨਵੰਬਰ ਤੋਂ ਹੀ ਪ੍ਰੀ-ਰਿਜ਼ਰਵੇਸ਼ਨ ਲਈ ਪੇਸ਼ ਕਰ ਦਿੱਤੇ ਗਏ ਹਨ। ਇਸਦੇ ਨਾਲ ਹੀ ਫੋਨ ਦੇ ਪ੍ਰੀ-ਰਿਜ਼ਰਵੇਸ਼ਨ ਨੂੰ ਲੈ ਕੇ ਕਈ ਨਵੇਂ ਅੰਕੜੇ ਸਾਹਮਣੇ ਆਏ ਹਨ। Oppo Reno 11 ਸੀਰੀਜ਼ ਦੇ ਪ੍ਰੀ-ਰਿਜ਼ਰਵੇਸ਼ਨ ਦਾ ਅੰਕੜਾ 2,50,000 ਯੂਨਿਟ ਦੇ ਪਾਰ ਪਹੁੰਚ ਚੁੱਕਾ ਹੈ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਇਹ ਅੰਕੜਾ ਸਿਰਫ਼ ਇੱਕ ਹਫ਼ਤੇ ਦਾ ਹੈ। Oppo Reno 11 ਅਤੇ Oppo Reno 11 ਪ੍ਰੋ ਸਮਾਰਟਫੋਨ 23 ਨਵੰਬਰ ਨੂੰ ਲਾਂਚ ਕੀਤਾ ਜਾ ਰਿਹਾ ਹੈ।
