ਬੀਜਿੰਗ: ਇਕ ਅਧਿਐਨ ਵਿਚ ਕਿਹਾ ਗਿਆ ਹੈ ਕਿ ਬਲੈਕ ਕਾਰਬਨ ਤਿੱਬਤੀ ਪਠਾਰ ਦੇ ਗਲੇਸ਼ੀਅਰਾਂ ਵਿਚ ਵਿਘਨ ਪਾ ਰਿਹਾ ਹੈ। ਇਹ ਪਹਿਲਾਂ ਹੀ ਸਾਹਮਣੇ ਆ ਚੁੱਕਾ ਹੈ ਕਿ ਦੱਖਣ ਏਸ਼ੀਆ ਤੋਂ ਆਉਣ ਵਾਲੇ ਇਹ ਕਣ ਹਿਮਾਲਿਆ ਤੋਂ ਲੰਘਦੇ ਹਨ ਅਤੇ ਤਿੱਬਤੀ ਪਠਾਰ ਤੱਕ ਪਹੁੰਚਦੇ ਹਨ। ਇਹ ਬਰਫ਼ ਉੱਤੇ ਜਮ੍ਹਾਂ ਹੋ ਰਹੇ ਹਨ।
ਨਤੀਜੇ ਵਜੋਂ ਬਰਫ਼ ਦੀਆਂ ਚਾਦਰਾਂ 'ਤੇ ਡਿੱਗਣ ਵਾਲੀ ਬਹੁਤ ਘੱਟ ਸੂਰਜ ਦੀ ਰੌਸ਼ਨੀ ਅਸਮਾਨ ਵਿੱਚ ਪ੍ਰਤੀਬਿੰਬਤ ਹੁੰਦੀ ਹੈ। ਇਸ ਕਾਰਨ ਗਲੇਸ਼ੀਅਰ ਅਤੇ ਬਰਫ਼ ਬਹੁਤ ਤੇਜ਼ੀ ਨਾਲ ਪਿਘਲ ਜਾਂਦੇ ਹਨ।
ਇਸ ਤੋਂ ਇਲਾਵਾ ਚਾਈਨੀਜ਼ ਅਕੈਡਮੀ ਆਫ ਸਾਇੰਸਿਜ਼ ਦੇ ਵਿਗਿਆਨੀਆਂ ਦੀ ਤਾਜ਼ਾ ਖੋਜ 'ਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਦੱਖਣੀ ਏਸ਼ੀਆ ਦੇ ਬਰੀਕ ਕਣ ਅਸਿੱਧੇ ਤੌਰ 'ਤੇ ਤਿੱਬਤੀ ਪਠਾਰ ਦੇ ਗਲੇਸ਼ੀਅਰਾਂ ਤੱਕ ਨਵੀਂ ਬਰਫ ਨੂੰ ਪਹੁੰਚਣ ਤੋਂ ਰੋਕ ਰਹੇ ਹਨ।
ਵਿਗਿਆਨੀਆਂ ਨੇ ਕਿਹਾ ਕਿ ਇਹ ਬਰੀਕ ਕਣ ਮੱਧ ਅਤੇ ਉਪਰਲੇ ਵਾਯੂਮੰਡਲ ਨੂੰ ਗਰਮ ਕਰਨਗੇ, ਜਿਸ ਨਾਲ ਉੱਤਰ-ਦੱਖਣ ਦਿਸ਼ਾ ਵਿੱਚ ਤਾਪਮਾਨ ਦੇ ਅੰਤਰ ਦੀ ਤੀਬਰਤਾ ਵਧ ਜਾਵੇਗੀ।
ਇਹ ਵੀ ਪੜ੍ਹੋ:ਐਂਡਰਾਇਡ ਐਪ ਲੋਕਾਂ ਨੂੰ ਦਿਨ ਵਿੱਚ 5 ਵਾਰ ਸਹੀ ਮਾਤਰਾ 'ਚ ਫਲ ਅਤੇ ਸਬਜ਼ੀਆਂ ਖਾਣ ਲਈ ਕਰੇਗਾ ਮਦਦ
