ਨਵੀਂ ਦਿੱਲੀ: ਦੇਸ਼ ਵਿੱਚ 5ਜੀ ਦੇ ਵੱਧਦੇ ਕਵਰੇਜ ਦੇ ਵਿਚਕਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 6ਜੀ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਉਨ੍ਹਾਂ ਨੇ ਵਿਸ਼ਵ ਪੱਧਰੀ ਨੈੱਟਵਰਕਿੰਗ ਕੰਪਨੀ Cisco ਨੂੰ ਅਗਲੀ ਪੀੜ੍ਹੀ ਦੀ ਦੂਰਸੰਚਾਰ ਤਕਨਾਲੋਜੀ 'ਤੇ ਖੋਜ ਅਤੇ ਵਿਕਾਸ (R&D) ਸ਼ੁਰੂ ਕਰਨ ਲਈ ਕਿਹਾ ਹੈ ਤਾਂ ਜੋ ਲੱਖਾਂ ਲੋਕਾਂ ਨੂੰ ਹੋਰ ਅਧਿਕਾਰਤ ਬਣਾਇਆ ਜਾ ਸਕੇ। ਕੰਪਨੀ ਦੀ ਮੁੱਖ ਸੰਚਾਲਨ ਅਧਿਕਾਰੀ ਮਾਰੀਆ ਮਾਰਟੀਨੇਜ਼ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਆਈਏਐਨਐਸ ਨਾਲ ਗੱਲਬਾਤ ਕਰਦਿਆ ਮਾਰਟੀਨੇਜ਼ ਨੇ ਉਭਰਦੀਆਂ ਤਕਨਾਲੋਜੀਆਂ ਬਾਰੇ ਪਿਛਲੇ ਹਫ਼ਤੇ ਪ੍ਰਧਾਨ ਮੰਤਰੀ ਮੋਦੀ ਨਾਲ ਉਨ੍ਹਾਂ ਦੀ ਅਤੇ ਕੰਪਨੀ ਦੇ ਹੋਰ ਉੱਚ ਅਧਿਕਾਰੀਆਂ ਨਾਲ ਹੋਈ ਗੱਲਬਾਤ ਦਾ ਖੁਲਾਸਾ ਕੀਤਾ। ਉਨ੍ਹਾਂ ਨੇ ਦੱਸਿਆ ਕਿ ਕਿਵੇਂ ਇਹ ਤਕਨੀਕਾਂ ਦੇਸ਼ ਨੂੰ ਨਵੀਨਤਾ ਅਤੇ ਨਿਰਮਾਣ ਵਿੱਚ ਮਦਦ ਕਰ ਸਕਦੀਆਂ ਹਨ।
ਪੀਐਮ ਮੋਦੀ ਨੇ Cisco ਕੰਪਨੀ ਨੂੰ 6ਜੀ 'ਤੇ ਕੰਮ ਕਰਨ ਲਈ ਕਿਹਾ: ਮਾਰਟੀਨੇਜ਼ ਨੇ ਕਿਹਾ ਕਿ ਵੱਖ-ਵੱਖ ਤਕਨਾਲੋਜੀਆਂ ਲਈ ਭਾਰਤ ਨੂੰ ਵਿਸ਼ਵ ਨਿਰਮਾਣ ਅਤੇ ਨਿਰਯਾਤ ਕੇਂਦਰ ਬਣਾਉਣ ਦੀ ਉਨ੍ਹਾਂ ਦੀ ਮਹਾਨ ਵਚਨਬੱਧਤਾ ਨੂੰ ਦੇਖਣ ਲਈ ਪ੍ਰਧਾਨ ਮੰਤਰੀ ਅਤੇ ਹੋਰ ਚੋਟੀ ਦੇ ਨੇਤਾਵਾਂ ਨੂੰ ਮਿਲਣਾ ਬਹੁਤ ਰੋਮਾਂਚਕ ਸੀ। 5G ਸਾਡੇ ਲਈ ਹੋਰ ਜ਼ਿਆਦਾ ਕਰਨ ਦਾ ਇੱਕ ਬਹੁਤ ਵੱਡਾ ਮੌਕਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਪੀਐਮ ਮੋਦੀ ਨੇ ਉਨ੍ਹਾਂ ਨੂੰ 6ਜੀ 'ਤੇ ਕੰਮ ਕਰਨ ਲਈ ਕਿਹਾ ਹੈ ਕਿਉਂਕਿ 5ਜੀ ਤੋਂ ਬਾਅਦ ਪ੍ਰਧਾਨ ਮੰਤਰੀ ਪਹਿਲਾਂ ਹੀ ਇਸ ਦੀ ਰੂਪਰੇਖਾ ਤਿਆਰ ਕਰ ਰਹੇ ਹਨ।
6ਜੀ ਤਕਨਾਲੋਜੀ ਇਨ੍ਹਾਂ ਲਈ ਪੈਂਦਾ ਕਰੇਗੀ ਨਵੇਂ ਮੌਕੇਂ: ਮਾਰਟੀਨੇਜ਼ ਨੇ ਆਈਏਐਨਐਸ ਨੂੰ ਦੱਸਿਆ, ਅਸੀਂ 6ਜੀ 'ਤੇ ਸਾਂਝੇ ਖੋਜ ਅਤੇ ਵਿਕਾਸ ਬਾਰੇ ਵੀ ਗੱਲ ਕੀਤੀ। ਅਸੀਂ ਭਾਰਤ ਸਮੇਤ ਵਿਸ਼ਵ ਪੱਧਰ 'ਤੇ 5G ਰੋਲ-ਆਊਟ ਦੇਖਣ ਲਈ ਬਹੁਤ ਉਤਸ਼ਾਹਿਤ ਹਾਂ। ਅਸੀਂ 6G ਨੂੰ ਲੈ ਕੇ ਵੀ ਬਹੁਤ ਉਤਸ਼ਾਹਿਤ ਹਾਂ। ਪੀਐਮ ਮੋਦੀ ਪਹਿਲਾਂ ਹੀ ਇਸ ਗੱਲ 'ਤੇ ਜ਼ੋਰ ਦੇ ਚੁੱਕੇ ਹਨ ਕਿ 6ਜੀ ਪਹਿਲਕਦਮੀ ਇਨੋਵੇਟਰਾਂ, ਉਦਯੋਗਾਂ ਅਤੇ ਸਟਾਰਟਅੱਪਸ ਲਈ ਨਵੇਂ ਮੌਕੇ ਪੈਦਾ ਕਰੇਗੀ। ਮਾਰਚ ਵਿੱਚ ਉਨ੍ਹਾਂ ਨੇ ਇੱਕ ਵਿਜ਼ਨ ਦਸਤਾਵੇਜ਼ ਜਾਰੀ ਕੀਤਾ ਸੀ ਜਿਸ ਵਿੱਚ ਕੁਝ ਸਾਲਾਂ ਵਿੱਚ 6G ਦੂਰਸੰਚਾਰ ਸੇਵਾਵਾਂ ਨੂੰ ਵਿਕਸਤ ਕਰਨ ਅਤੇ ਲਾਂਚ ਕਰਨ ਦੀਆਂ ਭਾਰਤ ਦੀਆਂ ਯੋਜਨਾਵਾਂ ਦਾ ਵੇਰਵਾ ਦਿੱਤਾ ਗਿਆ ਸੀ।
ਦੇਸ਼ ਦਾ ਟੀਚਾ: Cisco ਇੱਕ ਸੇਵਾ ਮਾਡਲ ਵਜੋਂ 5G ਵਰਤੋਂ ਦੇ ਮਾਮਲਿਆਂ ਦਾ ਮੁਦਰੀਕਰਨ ਕਰਨ ਲਈ ਭਾਰਤ ਵਿੱਚ ਦੂਰਸੰਚਾਰ ਆਪਰੇਟਰਾਂ ਨਾਲ ਵੀ ਕੰਮ ਕਰ ਰਿਹਾ ਹੈ। ਕੰਪਨੀ 5ਜੀ ਦੇ ਤੇਜ਼ ਵਿਸਥਾਰ ਨੂੰ ਦੇਖ ਰਹੀ ਹੈ। ਦੂਰਸੰਚਾਰ ਸੇਵਾ ਪ੍ਰਦਾਤਾ ਰਿਲਾਇੰਸ ਜੀਓ ਇਨਫੋਕਾਮ ਅਤੇ ਭਾਰਤੀ ਏਅਰਟੈੱਲ ਤੇਜ਼ੀ ਨਾਲ ਸ਼ਹਿਰਾਂ ਅਤੇ ਕਸਬਿਆਂ ਵਿੱਚ 5ਜੀ ਨੂੰ ਰੋਲ ਆਊਟ ਕਰ ਰਹੇ ਹਨ। ਦੇਸ਼ ਦਾ ਟੀਚਾ ਇਸ ਸਾਲ ਦੇ ਅੰਤ ਤੱਕ ਦੇਸ਼ ਦੇ ਹਰ ਕੋਨੇ ਤੱਕ 5ਜੀ ਕਨੈਕਟੀਵਿਟੀ ਪ੍ਰਦਾਨ ਕਰਨਾ ਹੈ।
ਵਿਸ਼ਵ ਨੈੱਟਵਰਕਿੰਗ ਕੰਪਨੀ ਨੇ ਕੀਤਾ ਐਲਾਨ: ਸਿਸਕੋ ਦੇ ਪ੍ਰਧਾਨ ਅਤੇ ਸੀਈਓ ਚੱਕ ਰੌਬਿਨਸ ਨੇ ਵੀ ਪ੍ਰਧਾਨ ਮੰਤਰੀ ਮੋਦੀ ਨਾਲ ਚਰਚਾ ਕੀਤੀ ਕਿ ਕਿਸ ਤਰ੍ਹਾਂ ਕੰਪਨੀ ਨੇ ਦੇਸ਼ ਤੋਂ ਨਿਰਯਾਤ ਨੂੰ ਵਧਾਉਣ ਲਈ ਨਿਰਮਾਣ ਦੁੱਗਣਾ ਕਰ ਦਿੱਤਾ ਹੈ। ਵਿਸ਼ਵ ਨੈੱਟਵਰਕਿੰਗ ਕੰਪਨੀ ਨੇ ਐਲਾਨ ਕੀਤਾ ਹੈ ਕਿ ਇਸਦਾ ਉਦੇਸ਼ ਇੱਕ ਮਜ਼ਬੂਤ ਅਤੇ ਸੁਰੱਖਿਅਤ ਡਿਵਾਈਸ ਈਕੋਸਿਸਟਮ ਦੀ ਪੇਸ਼ਕਸ਼ ਕਰਕੇ ਆਉਣ ਵਾਲੇ ਸਾਲਾਂ ਵਿੱਚ ਘਰੇਲੂ ਉਤਪਾਦਨ ਅਤੇ ਨਿਰਯਾਤ ਵਿੱਚ 1 ਅਰਬ ਡਾਲਰ ਤੋਂ ਵੱਧ ਦਾ ਟੀਚਾ ਰੱਖਿਆ ਹੈ।
- iPhone 14 'ਤੇ ਮਿਲ ਰਿਹਾ ਡਿਸਕਾਊਟ, ਇਨ੍ਹਾਂ ਸ਼ਾਨਦਾਰ ਆਫ਼ਰਸ 'ਤੇ ਘੱਟ ਕੀਮਤ 'ਚ ਖਰੀਦ ਸਕਦੇ ਹੋ ਸਮਾਰਟਫ਼ੋਨ
- sanchar saathi Portal: ਗੁੰਮ ਹੋਏ ਫ਼ੋਨ ਨੂੰ ਲੱਭਣ 'ਚ ਹੁਣ ਇਹ ਵੈਬਸਾਈਟ ਕਰੇਗੀ ਤੁਹਾਡੀ ਮਦਦ, ਜਾਣੋ ਕਿਸ ਦਿਨ ਲਾਂਚ ਹੋਵੇਗਾ ਇਹ ਪੋਰਟਲ
- Oppo A78 5G 'ਤੇ ਮਿਲ ਰਿਹਾ ਡਿਸਕਾਊਟ, ਹੁਣ ਇੰਨੀ ਘੱਟ ਕੀਮਤ 'ਚ ਖਰੀਦ ਸਕਦੇ ਹੋ ਤੁਸੀਂ ਇਹ ਸਮਾਰਟਫ਼ੋਨ
ਭਾਰਤ 5ਜੀ ਰੋਲਆਊਟ 'ਤੇ ਤੇਜ਼ੀ ਨਾਲ ਤਰੱਕੀ ਕਰ ਰਿਹਾ: ਸਿਸਕੋ ਏਸ਼ੀਆ ਪੈਸੀਫਿਕ, ਜਾਪਾਨ ਅਤੇ ਗ੍ਰੇਟਰ ਚਾਈਨਾ (ਏਪੀਜੇਸੀ) ਦੇ ਪ੍ਰਧਾਨ ਡੇਵ ਵੈਸਟ ਨੇ ਆਈਏਐਨਐਸ ਨੂੰ ਦੱਸਿਆ ਕਿ ਭਾਰਤ 5ਜੀ ਰੋਲਆਊਟ 'ਤੇ ਤੇਜ਼ੀ ਨਾਲ ਤਰੱਕੀ ਕਰ ਰਿਹਾ ਹੈ ਅਤੇ ਦੇਸ਼ ਵਿੱਚ ਡਿਜੀਟਾਈਜ਼ੇਸ਼ਨ ਲਈ ਊਰਜਾ ਦਾ ਪੱਧਰ ਪ੍ਰਭਾਵਸ਼ਾਲੀ ਹੈ। ਵੈਸਟ ਨੇ ਕਿਹਾ, ਅਸੀਂ ਭਾਰਤੀ ਬਾਜ਼ਾਰ ਨੂੰ ਲੈ ਕੇ ਬੇਹੱਦ ਉਤਸ਼ਾਹਿਤ ਹਾਂ ਅਤੇ ਜਲਦ ਹੀ ਦੇਸ਼ ਨੂੰ ਡਿਜੀਟਾਈਜ਼ੇਸ਼ਨ ਅਤੇ ਵਿਕਾਸ ਦੇ ਰਾਹ 'ਤੇ ਦੇਖਾਂਗੇ। ਨਿਰਮਾਣ ਸੰਬੰਧੀ ਐਲਾਨ ਇਸ ਵਿਕਾਸ ਬਾਜ਼ਾਰ ਵਿੱਚ ਸਾਡੇ ਭਰੋਸੇ ਦਾ ਪ੍ਰਮਾਣ ਹੈ। ਅਸੀਂ ਸ਼ੁਰੂ ਵਿੱਚ ਰਾਊਟਰ ਅਤੇ ਸਵਿੱਚ ਬਣਾਉਣ ਜਾ ਰਹੇ ਹਾਂ।
ਦੇਸ਼ ਦੇ ਸਾਰੇ ਆਕਾਰ ਦੇ ਉੱਦਮਾਂ ਦਾ ਬਹੁਤ ਤੇਜ਼ੀ ਨਾਲ ਡਿਜੀਟਾਈਜ਼ ਹੋ ਰਿਹਾ ਹੈ ਅਤੇ ਜਿਵੇਂ-ਜਿਵੇਂ ਉਹ ਡਿਜੀਟਲ ਹੋ ਰਹੇ ਹਨ, ਤਕਨਾਲੋਜੀ ਉਨ੍ਹਾਂ ਦੀ ਰਣਨੀਤੀ ਵਿੱਚ ਪਹਿਲਾਂ ਆਉਣ ਲੱਗੀ ਹੈ। ਇਸਦੇ ਨਾਲ ਹੀ ਸਾਈਬਰ ਸੁਰੱਖਿਆ ਅਤੇ ਸਥਿਰਤਾ ਚਰਚਾ ਦੇ ਦੋ ਪ੍ਰਮੁੱਖ ਵਿਸ਼ੇ ਹਨ ਕਿਉਂਕਿ ਉੱਦਮ ਸਾਨੂੰ ਮਜ਼ਬੂਤ, ਉੱਚ-ਗੁਣਵੱਤਾ ਅਤੇ ਲੰਬੇ ਸਮੇਂ ਤੱਕ ਚੱਲਣ ਵਾਲੇ ਬੁਨਿਆਦੀ ਢਾਂਚੇ ਦੀ ਉਮੀਦ ਕਰਦੇ ਹਨ। ਭਾਰਤ ਸਿਸਕੋ ਲਈ ਇੱਕ ਪ੍ਰਮੁੱਖ ਬਾਜ਼ਾਰ ਹੈ ਅਤੇ ਇਸਦਾ ਅਮਰੀਕਾ ਤੋਂ ਬਾਹਰ ਦੂਜਾ ਸਭ ਤੋਂ ਵੱਡਾ ਖੋਜ ਅਤੇ ਵਿਕਾਸ ਕੇਂਦਰ ਹੈ।
