ਹੈਦਰਾਬਾਦ: WhatsApp ਇੱਕ ਨਵੀਂ ਸਹੂਲਤ 'ਤੇ ਕੰਮ ਕਰ ਰਿਹਾ ਹੈ। ਲੋਕ ਇਸ ਫੀਚਰ ਦਾ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਸਨ। WhatsApp ਦੇ ਇਸ ਫੀਚਰ ਦਾ ਨਾਂ ਮਲਟੀ ਡਿਵਾਈਸ ਸਪੋਰਟ ਹੈ। ਇਸ ਨੂੰ ਚੁਣੇ ਗਏ ਬੀਟਾ ਟੈਸਟਰਾਂ ਲਈ ਜਾਰੀ ਕੀਤਾ ਗਿਆ ਹੈ। ਇਸ ਨਾਲ ਯੂਜ਼ਰਸ ਆਪਣੇ ਅਕਾਊਂਟ ਨੂੰ ਦੂਜੇ ਫੋਨਾਂ 'ਚ ਵੀ ਐਕਸੈਸ ਕਰ ਸਕਣਗੇ।
ਯੂਜ਼ਰਸ ਇਸ ਫੀਚਰ ਨੂੰ ਲੈ ਕੇ ਲੰਬੇ ਸਮੇਂ ਤੋਂ ਮੰਗ ਕਰ ਰਹੇ ਸਨ। ਇਸ ਨਾਲ ਯੂਜ਼ਰਸ ਬਿਨਾਂ ਸਿਮ ਦੇ ਵੀ ਵਟਸਐਪ ਦੀ ਵਰਤੋਂ ਸੈਕੰਡਰੀ ਫੋਨ 'ਚ ਕਰ ਸਕਦੇ ਹਨ। ਟੈਲੀਗ੍ਰਾਮ ਆਪਣੇ ਯੂਜ਼ਰਸ ਨੂੰ ਪਹਿਲਾਂ ਹੀ ਅਜਿਹਾ ਫੀਚਰ ਦੇ ਰਿਹਾ ਹੈ। ਅਜਿਹੇ 'ਚ ਹੁਣ ਇਹ ਫੀਚਰ ਜਲਦ ਹੀ WhatsApp 'ਤੇ ਵੀ ਉਪਲੱਬਧ ਹੋ ਸਕਦਾ ਹੈ।
ਇਹ ਫੀਚਰ ਫਿਲਹਾਲ ਬੀਟਾ ਵਰਜ਼ਨ ਲਈ ਜਾਰੀ ਕੀਤਾ ਗਿਆ ਹੈ। ਕੰਪੈਨੀਅਨ ਮੋਡ ਫੀਚਰ ਕੁਝ ਲੱਕੀ ਯੂਜ਼ਰਸ ਨੂੰ ਦਿੱਤਾ ਜਾ ਰਿਹਾ ਹੈ। ਇਸ ਨਾਲ ਉਹ ਨਵੇਂ ਫੋਨ ਨੂੰ ਸੈਕੰਡਰੀ ਡਿਵਾਈਸ ਦੇ ਤੌਰ 'ਤੇ ਜੋੜ ਸਕਦੇ ਹਨ। ਇਸ ਫੀਚਰ ਨੂੰ ਸਭ ਤੋਂ ਪਹਿਲਾਂ WABetainfo ਦੁਆਰਾ ਦੇਖਿਆ ਗਿਆ ਸੀ।
WABetainfo ਨੇ ਇਸ ਸਬੰਧੀ ਇੱਕ ਸਕ੍ਰੀਨਸ਼ੌਟ ਵੀ ਸਾਂਝਾ ਕੀਤਾ ਹੈ। ਦੇਖਿਆ ਜਾ ਸਕਦਾ ਹੈ ਕਿ ਇਸ ਦੇ ਲਈ ਨਵਾਂ ਆਪਸ਼ਨ ਦਿੱਤਾ ਗਿਆ ਹੈ। ਟੈਬਲੇਟ ਸਪੋਰਟ ਦੇ ਲਿੰਕ ਦੇ ਨਾਲ ਬੀਟਾ ਯੂਜ਼ਰਸ ਨੂੰ ਵੀ ਫੋਨ ਲਈ ਸਪੋਰਟ ਮਿਲ ਰਿਹਾ ਹੈ। ਇਸ ਦੇ ਲਈ ਲਿੰਕਡ ਡਿਵਾਈਸ ਦੇ ਆਪਸ਼ਨ 'ਚ Link with your phone ਦਾ ਵਿਕਲਪ ਮਿਲੇਗਾ।
ਇਸ ਤੋਂ ਬਾਅਦ ਐਪ ਤੁਹਾਨੂੰ QR ਕੋਡ ਨੂੰ ਸਕੈਨ ਕਰਨ ਲਈ ਕਹੇਗਾ। ਇਹ ਉਹੀ ਹੈ ਜਿਵੇਂ ਤੁਸੀਂ ਡੈਸਕਟਾਪ ਜਾਂ WhatsApp ਵੈੱਬ 'ਤੇ ਚਲਾਉਣ ਲਈ WhatsApp ਦੀ ਵਰਤੋਂ ਕਰਦੇ ਹੋ। ਜਿਵੇਂ ਹੀ ਤੁਸੀਂ ਫੋਨ ਨੂੰ ਵਟਸਐਪ ਅਕਾਊਂਟ ਨਾਲ ਲਿੰਕ ਕਰੋਗੇ, ਤੁਹਾਡੀਆਂ ਚੈਟਾਂ ਦੋਵਾਂ ਫ਼ੋਨਾਂ 'ਤੇ ਸਿੰਕ ਹੋ ਜਾਣਗੀਆਂ।
ਇਹ ਵੀ ਪੜ੍ਹੋ:ਇਸ ਸ਼੍ਰੇਣੀ ਦੇ ਅਕਾਊਂਟ ਨੂੰ ਹਟਾਏਗਾ ਟਵਿੱਟਰ, ਨੀਲੇ ਬੈਜ ਦੀ ਪੁਸ਼ਟੀ ਲਈ ਵੀ ਨਵੇਂ ਨਿਯਮ
