ਹੈਦਰਾਬਾਦ: ਦੁਨੀਆਂ ਦੇ ਸਭ ਤੋਂ ਮਸ਼ਹੂਰ ਪਲੇਟਫਾਰਮ Netflix ਵੱਲੋਂ ਵੱਡਾ ਬਦਲਾਅ ਕੀਤਾ ਗਿਆ ਹੈ ਅਤੇ ਹੁਣ ਭਾਰਤੀ ਯੂਜ਼ਰਸ ਇਸਦਾ ਪਾਸਵਰਡ ਦੂਜਿਆਂ ਨਾਲ ਸ਼ੇਅਰ ਨਹੀਂ ਕਰ ਸਕਣਗੇ। ਪਲੇਟਫਾਰਮ ਪਾਸਵਰਡ ਸ਼ੇਅਰਿੰਗ 'ਤੇ ਰੋਕ ਲਗਾ ਰਿਹਾ ਹੈ। ਕੰਪਨੀ ਵੱਲੋਂ ਅਜਿਹਾ ਇਸ ਲਈ ਕੀਤਾ ਜਾ ਰਿਹਾ ਹੈ ਤਾਂਕਿ ਨਵੇਂ ਯੂਜ਼ਰਸ ਇਸਦਾ ਸਬਸਕ੍ਰਿਪਸ਼ਨ ਲੈਣ ਅਤੇ ਯੂਜ਼ਰਬੇਸ ਵਧਾਇਆ ਜਾ ਸਕੇ। Netflix ਇਸਦੇ ਲਈ ਆਪਣੇ ਮੌਜ਼ੂਦਾ ਸਬਸਕ੍ਰਾਇਬਰਸ ਨੂੰ ਇਮੇਲ ਭੇਜ ਰਿਹਾ ਹੈ ਅਤੇ ਇਸ ਗੱਲ 'ਤੇ ਜੋਰ ਦੇ ਰਿਹਾ ਹੈ ਕਿ ਉਹ ਬਾਹਰੀ ਲੋਕਾਂ ਨਾਲ ਅਕਾਊਟ ਸ਼ੇਅਰ ਨਾ ਕਰਨ।
Netflix ਨੇ ਬਿਆਨ 'ਚ ਕਹੀ ਇਹ ਗੱਲ: Netflix ਨੇ ਇੱਕ ਬਿਆਨ 'ਚ ਕਿਹਾ," ਅੱਜ ਤੋਂ ਸ਼ੁਰੂ ਕਰਦੇ ਹੋਏ ਅਸੀਂ ਇਹ ਇਮੇਲ ਉਨ੍ਹਾਂ ਮੈਂਬਰਸ ਨੂੰ ਭੇਜਣ ਵਾਲੇ ਹਾਂ, ਜੋ ਆਪਣਾ ਪਾਸਵਰਡ ਆਪਣੇ ਘਰ ਦੇ ਬਾਹਰ ਰਹਿਣ ਵਾਲੇ ਲੋਕਾਂ ਨੂੰ ਸ਼ੇਅਰ ਕਰ ਰਹੇ ਹਨ।" ਇਮੇਲ ਵਿੱਚ ਕਿਹਾ ਗਿਆ ਹੈ ਕਿ Netflix ਅਕਾਊਟ ਸਿਰਫ ਇੱਕ ਹੀ ਘਰ 'ਚ ਰਹਿਣ ਵਾਲੇ ਲੋਕ ਆਪਣੀ ਸੁਵਿਧਾ ਦੇ ਹਿਸਾਬ ਨਾਲ ਘਰ 'ਚ, ਕਿਤੇ ਛੁੱਟੀ ਜਾਣ ਕਰਕੇ ਹੋਟਲ 'ਚ ਅਤੇ ਮੋਬਾਇਲ ਡਿਵਾਇਸ ਵਿੱਚ ਇਸਤੇਮਾਲ ਕਰ ਸਕਦੇ ਹਨ। ਬਾਹਰੀ ਲੋਕ ਜਾਂ ਦੋਸਤਾਂ ਨਾਲ ਅਕਾਊਟ ਸ਼ੇਅਰ ਕਰਨਾ Netflix ਪਾਲਿਸੀ ਦਾ ਹਿੱਸਾ ਨਹੀਂ ਹੈ।
ਇਨ੍ਹਾਂ ਫੀਚਰਸ ਦੀ ਮਦਦ ਨਾਲ ਦੇਖ ਸਕੋਗੇ ਕਿ ਕੋਣ ਤੁਹਾਡੇ ਪਾਸਵਰਡ ਦੀ ਵਰਤੋ ਕਰ ਰਿਹਾ: Netflix ਨੇ ਯੂਜ਼ਰਸ ਨੂੰ ਕਿਸੇ ਹੋਰ ਨਾਲ ਅਕਾਊਟ ਸ਼ੇਅਰ ਨਾ ਕਰਨ ਦੀ ਸਲਾਹ ਦਿੱਤੀ ਹੈ। ਇਸਦੇ ਨਾਲ ਹੀ ਦੱਸਿਆ ਹੈ ਕਿ ਨਵੇਂ ਫੀਚਰਸ ਨਾਲ ਅਕਾਊਟ ਸ਼ੇਅਰਿੰਗ ਕਰਨਾ ਆਸਾਨ ਹੈ। ਯੂਜ਼ਰਸ ਟ੍ਰਾਂਸਫਰ ਪ੍ਰੋਫਾਇਲ ਅਤੇ ਮੈਨੇਜ ਅਕਸੈਸ ਅਤੇ ਡਿਵਾਈਸ ਵਰਗੇ ਫੀਚਰਸ ਇਸਤੇਮਾਲ ਕਰਦੇ ਹੋਏ ਦੇਖ ਸਕਦੇ ਹਨ ਕਿ ਕੋਣ ਉਨ੍ਹਾਂ ਦੇ ਅਕਾਊਟ ਤੋਂ ਕੰਟੇਟ ਸਟ੍ਰੀਮ ਕਰ ਰਿਹਾ ਹੈ ਜਾਂ ਫਿਰ ਉਨ੍ਹਾ ਦਾ ਪਾਸਵਰਡ ਇਸਤੇਮਾਲ ਕਰ ਰਿਹਾ ਹੈ।
ਇਨ੍ਹਾਂ ਦੇਸ਼ਾਂ 'ਚ ਲਗਾਈ ਗਈ Netflix ਦੇ ਪਾਸਵਰਡ ਸ਼ੇਅਰਿੰਗ 'ਤੇ ਰੋਕ: ਸਾਲ ਦੀ ਸ਼ੁਰੂਆਤ 'ਚ ਮਈ ਮਹੀਨੇ ਵਿੱਚ ਹੀ Netflix ਨੇ ਪਾਸਵਰਡ ਸ਼ੇਅਰਿੰਗ ਰੋਕਣ ਨਾਲ ਜੁੜੀਆਂ ਪਾਬੰਧੀਆਂ ਲਗਾਉਣ ਦੀ ਸ਼ੁਰੂਆਤ ਕੀਤੀ ਸੀ ਅਤੇ ਕਈ ਦੇਸ਼ਾਂ ਵਿੱਚ ਇਸਦੇ ਸਬਸਕ੍ਰਾਇਬਰਸ ਆਪਣੇ ਦੋਸਤਾਂ ਜਾਂ ਬਾਹਰੀ ਲੋਕਾਂ ਨਾਲ ਪਾਸਵਰਡ ਸ਼ੇਅਰ ਨਹੀਂ ਕਰ ਸਕਦੇ ਸੀ। ਇਨ੍ਹਾਂ ਦੇਸ਼ਾਂ ਦੀ ਲਿਸਟ 'ਚ ਅਮਰੀਕਾ, ਬ੍ਰਿਟੇਨ, ਫਰਾਂਸ, ਜਰਮਨੀ, ਅਸਟ੍ਰੇਲੀਆਂ, ਸਿੰਗਾਪੁਰ, ਮੈਕਸੀਕੋ ਅਤੇ ਬ੍ਰਾਜ਼ੀਲ ਵਰਗੇ ਨਾਮ ਸ਼ਾਮਲ ਹਨ।
