ਨਵੀਂ ਦਿੱਲੀ : ਮੋਟੋਰੋਲਾ ਨੇ ਵਾਲਮਾਰਟ ਸਮਰਥਿਤ ਫ਼ਲਿਪਕਾਰਟ ਦੇ ਨਾਲ ਹੱਥ ਮਿਲਾਇਆ ਹੈ। ਇਸ ਹਿੱਸੇਦਾਰੀ ਦੇ ਨਾਲ ਮੋਟੋਰੋਲਾ ਭਾਰਤ ਦੇ ਸਮਾਰਟ ਟੀਵੀ ਬਾਜ਼ਾਰ ਵਿੱਚ ਆ ਗਈ ਹੈ। ਇਸ ਦੇ ਨਾਲ ਹੀ ਮੋਟੋਰੋਲਾ ਉਨ੍ਹਾਂ ਕੰਪਨੀਆਂ ਵਿੱਚ ਸ਼ਾਮਲ ਹੋ ਗਈ ਹੈ ਜੋ ਭਾਰਤ ਵਿੱਚ ਸਮਾਰਟਫ਼ੋਨਾਂ ਦੇ ਨਾਲ ਸਮਾਰਟ ਟੀਵੀ ਬਾਜ਼ਾਰ ਵਿੱਚ ਵੀ ਹੈ।
ਇੰਨ੍ਹਾਂ ਕੰਪਨੀਆਂ ਵਿੱਚ ਸੈਮਸੰਗ, ਸ਼ਾਓਮੀ, ਮਾਇਕਰੋਮੈਕਸ ਅਤੇ ਇੰਟੈਕਸ ਸ਼ਾਮਲ ਹਨ। ਇੱਕ ਹੋਰ ਮਹਿੰਗੇ ਸਮਾਰਟਫ਼ੋਨ ਬਣਾਉਣ ਵਾਲੀ ਕੰਪਨੀ ਵੰਨ-ਪਲੱਸ ਦੀ ਯੋਜਨਾ ਵੀ ਇਸੇ ਮਹੀਨੇ ਆਪਣਾ ਸਮਾਰਟ ਟੀਵੀ ਪੇਸ਼ ਕਰਨ ਦੀ ਹੈ। ਮੋਟੋਰੋਲਾ ਐਂਡਰਾਇਡ 9.0 ਸਮਾਰਟ ਟੀਵੀ ਹਾਈ ਡੈਫ਼ਿਨੇਸ਼ਨ (ਐੱਚੀਡੀ), ਫ਼ੁੱਲ ਐੱਚਡੀ ਅਤੇ ਅਲਟਰਾ ਐੱਚਡੀ (4ਕੇ) ਮਾਡਲਾਂ ਵਿੱਚ ਉਪਲੱਭਧ ਹੋਣਗੇ।
ਮੋਟੋਰੋਲਾ ਨੇ ਸਮਾਰਟ ਟੀਵੀ ਦਾ ਵਿਕਾਸ ਈ-ਵਪਾਰ ਖ਼ੇਤਰ ਦੀ ਮਸ਼ਹੂਰ ਫ਼ਲਿਪਕਾਰਟ ਦੇ ਨਾਲ ਕੀਤਾ ਹੈ। ਇਹ ਟੀਵੀ ਸੈੱਟ 32 ਇੰਚੀ ਤੋਂ 65 ਇੰਚੀ ਮਾਪ ਵਿੱਚ ਉਪਲੱਭਧ ਹੋਣਗੀਆਂ। ਇੰਨ੍ਹਾਂ ਦੀ ਕੀਮਤ 13,999 ਰੁਪਏ ਤੋਂ ਸ਼ੁਰੂ ਹੋਵੇਗੀ। ਭਾਰਤੀ ਬਾਜ਼ਾਰ ਵਿੱਚ ਮੋਟੋਰੋਲਾ ਦੇ ਟੀਵੀ 29 ਸੰਤਬਰ ਤੋਂ ਆ ਜਾਣਗੇ।
ਮੋਟੋਰੋਲਾ ਮੋਬਿਲਿਟੀ ਦੇ ਭਾਰਤ ਵਿੱਚ ਖੇਤਰੀ ਪ੍ਰਮੁੱਖ ਅਤੇ ਪ੍ਰਬੰਧ ਨਿਰਦੇਸ਼ਕ ਪ੍ਰਸ਼ਾਂਤ ਮਣੀ ਨੇ ਕਿਹਾ ਕਿ ਸਮਾਰਟਫ਼ੋਨਾਂ ਲਈ ਸਾਡੀ ਫ਼ਲਿਪਕਾਰਟ ਦੇ ਨਾਲ ਹਿੱਸੇਦਾਰੀ ਹੈ। ਹੁਣ ਅਸੀਂ ਨਵੇਂ ਪੱਧਰ ਉੱਤੇ ਲੈ ਗਏ ਹਨ। ਸਾਡੇ ਸਮਾਰਟਫ਼ੋਨਾਂ ਦੀ ਤਰ੍ਹਾਂ ਐਂਡਰਾਇਡ ਟੀਵੀ ਅੱਜ ਦੇ ਗਾਹਕਾਂ ਦੀ ਜ਼ਰੂਰਤ ਨੂੰ ਧਿਆਨ ਵਿੱਚ ਰੱਖ ਕੇ ਬਣਾਏ ਗਏ ਹਨ।
ਖ਼ਾਸ ਗੱਲ ਇਹ ਹੈ ਕਿ ਫ਼ਲਿਪਕਾਰਟ ਆਪਣੇ ਪ੍ਰਾਇਵੇਟ ਲੇਬਲ 'ਮਾਰਕਿਓ ਬਾਏ ਫ਼ਲਿਪਕਾਰਟ' ਦੇ ਅਧੀਨ ਸਮਾਰਟ ਟੀਵੀ ਵੇਚਦੀ ਹੈ। 24 ਤੋਂ 65 ਇੰਚ ਦੇ ਯੂਐੱਚਡੀ ਟੀਵੀ ਦੀ ਕੀਮਤ 6,999 ਤੋਂ 64,999 ਰੁਪਏ ਹੈ।
ਇਹ ਵੀ ਪੜ੍ਹੋ : ਵਿਦੇਸ਼ੀ ਫ਼ੰਡ ਲੈਣ ਵਾਲੀਆਂ NGO ਉੱਤੇ ਭਾਰਤ ਸਰਕਾਰ ਹੋਈ ਸਖ਼ਤ
