ਬ੍ਰਾਜ਼ੀਲ: ਤੁਰਕੀ ਅਤੇ ਸੀਰੀਆ ਤੋਂ ਬਾਅਦ ਹੁਣ ਬ੍ਰਾਜ਼ੀਲ ਨੂੰ ਕੁਦਰਤੀ ਆਫ਼ਤ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦਰਅਸਲ ਦੱਖਣੀ- ਪੂਰਬੀ ਬ੍ਰਾਜ਼ੀਲ ਦੇ ਤੱਟੀ ਇਲਾਕਿਆਂ' ਚ ਭਾਰੀ ਮੀਂਹ ਕਾਰਨ ਹੜ੍ਹ ਅਤੇ ਜ਼ਮੀਨ ਖਿਸਕਣ ਦੀ ਖਬਰ ਸਾਹਮਣੇ ਆਈ ਹੈ। ਜਿਸ ਕਾਰਨ ਬ੍ਰਾਜ਼ੀਲ ਦੇ ਲੋਕਾਂ ਦਾ ਜਨਜੀਵਨ ਅਸਤ- ਵਿਅਸਤ ਹੋ ਗਿਆ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਘੱਟੋ- ਘੱਟ 30 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਹੈ। ਸੈਂਕੜੇ ਲੋਕ ਘਰੋਂ ਬੇਘਰ ਹੋ ਗਏ ਹਨ । ਉਥੇ ਹੀ ਹੁਣ ਸੁਰੱਖਿਆ ਬਲਾਂ ਵੱਲੋਂ ਰਾਹਤ ਅਤੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤੇ ਗਏ ਹਨ। ਬ੍ਰਾਜ਼ੀਲ ਦਾ ਸਾਓ ਪਾਓਲੋ ਰਾਜ' ਚ ਭਾਰੀ ਮੀਂਹ ਕਾਰਨ ਹੜ੍ਹਾਂ ਅਤੇ ਜ਼ਮੀਨ ਖਿਸਕਣ ਨਾਲ ਪ੍ਰਭਾਵਿਤ ਹੈ। ਬ੍ਰਾਜ਼ੀਲ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਗਿਣਤੀ ਹੋਰ ਵਧ ਸਕਦੀ ਹੈ ।
ਸਭ ਤੋਂ ਵੱਧ ਪ੍ਰਭਾਵਿਤ: ਬ੍ਰਾਜ਼ੀਲ ਦੇ ਇਹਨਾਂ ਹਲਾਤਾਂ ਵਿਚ ਉਬਾਟੂਬਾ ਦੇ ਮੇਅਰ ਨੇ ਸੱਤ ਸਾਲ ਦੀ ਬੱਚੀ ਦੀ ਮੌਤ ਦੀ ਜਾਣਕਾਰੀ ਦਿੱਤੀ ਹੈ ਕਿ ਸਾਓ ਸੇਬੇਸਟਿਓ ਦੇ ਨਾਲ ਨਾਲ ਉਬਾਟੂਬਾ, ਇਲਹਾਬੇਲਾ ਅਤੇ ਬਰਟਿਓਗਾ ਦੇ ਸ਼ਹਿਰ ਸਭ ਤੋਂ ਵੱਧ ਪ੍ਰਭਾਵਿਤ ਹੋਏ ਹਨ ਜਿੰਨਾ ਵਿਚ ਲੋਕਾਂ ਦਾ ਵਧੇਰੇ ਨੁਕਸਾਨ ਹੋਇਆ ਹੈ । ਇੱਥੇ ਤਬਾਹੀ ਦੀ ਸਥਿਤੀ ਬਣੀ ਹੋਈ ਹੈ, ਜਿਸ ਦੇ ਮੱਦੇਨਜ਼ਰ ਉਨ੍ਹਾਂ ਨੇ ਆਪਣਾ ਕਾਰਨੀਵਲ ਤਿਉਹਾਰ ਰੱਦ ਕਰ ਦਿੱਤਾ ਹੈ । ਇਸ ਦੇ ਨਾਲ ਹੀ ਬਚਾਅ ਟੀਮਾਂ ਲਾਪਤਾ, ਜ਼ਖਮੀਆਂ ਅਤੇ ਮਲਬੇ' ਚ ਦੱਬੇ ਲੋਕਾਂ ਦੀ ਭਾਲ ਕਰ ਰਹੀਆਂ ਹਨ । ਸਾਓ ਸੇਬਾਸਟਿਆਓ ਦੇ ਮੇਅਰ, ਫੇਲਿਪ ਔਗਸਟੋ ਨੇ ਕਿਹਾ ਕਿ" ਸਾਡੇ ਬਚਾਅ ਕਰਮਚਾਰੀ ਕਈ ਥਾਵਾਂ' ਤੇ ਪਹੁੰਚਣ ਵਿੱਚ ਅਸਮਰੱਥ ਹਨ ।
ਇਹ ਵੀ ਪੜ੍ਹੋ : KARACHI ATTACK : ਪਾਕਿਸਤਾਨੀ ਪੁਲਿਸ ਦੀ ਪੰਜ ਮੈਂਬਰੀ ਕਮੇਟੀ ਕਰੇਗੀ ਕਰਾਚੀ ਹਮਲੇ ਦੀ ਜਾਂਚ
687 ਮਿਲੀਮੀਟਰ ਮੀਂਹ ਪਿਆ: ਇਸ ਬਿਆਨ ਵਿਚ ਬ੍ਰਾਜ਼ੀਲ ਦੇ ਰਾਸ਼ਟਰਪਤੀ ਲੁਈਸ ਇਨਾਸੀਓ ਨੇ ਕਿਹਾ ਕਿ ਜਲਦ ਹੀ ਉਹ ਪ੍ਰਭਾਵਿਤਖੇਤਰਾਂ ਦਾ ਦੌਰਾ ਕਰਨਗੇ । ਇਥੇ ਇਹ ਵੀ ਦੱਸਣਯੋਗ ਹੈ ਕਿ ਸਾਓ ਪਾਓਲੋ ਸਰਕਾਰ ਬਿਆਨ ਜਾਰੀ ਕਰਦੇ ਹੋਏ ਕਿਹਾ ਕਿ ਇੱਕ ਦਿਨ ਵਿੱਚ 600 ਮੀਮੀ ਤੋਂ ਵੱਧ ਮੀਂਹ ਪਿਆ ਹੈ । ਜੋ ਕਿ ਬ੍ਰਾਜ਼ੀਲ ਵਿੱਚ ਇੰਨੇ ਘੱਟ ਸਮੇਂ ਵਿੱਚ ਸਭ ਤੋਂ ਵੱਧ ਮਾਪਿਆਂ ਗਿਆ ਹੈ । ਰਾਜ ਸਰਕਾਰ ਨੇ ਕਿਹਾ ਕਿ ਉਸ ਸਮੇਂ ਦੌਰਾਨ ਇਕੱਲੇ ਬਰਤੀਓਗਾ ਵਿੱਚ 687 ਮਿਲੀਮੀਟਰ ਮੀਂਹ ਪਿਆ । ਗਵਰਨਰ ਟਾਰਸੀਸੀਓ ਡੀ ਫਰੀਟਾਸ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਉਸਨੇ ਫੌਜ ਤੋਂ ਸਮਰਥਨ ਦੀ ਬੇਨਤੀ ਕੀਤੀ ਹੈ, ਜੋ ਖੇਤਰ ਵਿੱਚ ਦੋ ਹਵਾਈ ਜਹਾਜ਼ ਅਤੇ ਬਚਾਅ ਟੀਮਾਂ ਭੇਜੇਗਾ।
ਲੋਕਾਂ ਨੂੰ ਲਿਜਾਣ ਲਈ ਛੋਟੀਆਂ ਕਿਸ਼ਤੀਆਂ ਦੀ ਵਰਤੋਂ ਕਰ ਰਹੇ ਹਨ: ਉਸਨੇ ਉਬਾਟੂਬਾ, ਸਾਓ ਸੇਬੇਸਟਿਓ, ਇਲਹਾਬੇਲਾ, ਕਾਰਾਗੁਆਟੁਬਾ ਅਤੇ ਬਰਟੀਓਗਾ ਸ਼ਹਿਰਾਂ ਲਈ ਕੁਦਰਤੀ ਆਪਦਾ ਦੇ ਹੁਕਮ ਜਾਰੀ ਕੀਤੇ ਹਨ। ਲੋਕਲ ਮੀਡੀਆ ਰਿਪੋਰਟਾਂ ਦੀ ਗੱਲ ਕਰੀਏ ਤਾਂ ਟੀਵੀ ਫੁਟੇਜ ਵਿੱਚ ਦਿਖਾਇਆ ਗਿਆ ਹੈ ਕਿ ਘਰਾਂ ਵਿੱਚ ਪਾਣੀ ਭਰਿਆ ਹੋਇਆ ਹੈ ਅਤੇ ਸਿਰਫ਼ ਛੱਤ ਹੀ ਦਿਖਾਈ ਦੇ ਰਹੀ ਹੈ। ਵਸਨੀਕ ਚੀਜ਼ਾਂ ਅਤੇ ਲੋਕਾਂ ਨੂੰ ਲਿਜਾਣ ਲਈ ਛੋਟੀਆਂ ਕਿਸ਼ਤੀਆਂ ਦੀ ਵਰਤੋਂ ਕਰ ਰਹੇ ਹਨ । ਇੱਕ ਸੜਕ ਜੋ ਰੀਓ ਡੀ ਜਨੇਰੀਓ ਨੂੰ ਬੰਦਰਗਾਹ ਵਾਲੇ ਸ਼ਹਿਰ ਸੈਂਟੋਸ ਨਾਲ ਜੋੜਦੀ ਹੈ, ਢਿੱਗਾਂ ਡਿੱਗਣ ਅਤੇ ਹੜ੍ਹ ਦੇ ਪਾਣੀ ਦੁਆਰਾ ਰੋਕ ਦਿੱਤੀ ਗਈ ਸੀ। ਸਾਓ ਪੌਲੋ ਰਾਜ ਦਾ ਉੱਤਰੀ ਤੱਟ ਅਮੀਰ ਸੈਲਾਨੀਆਂ ਲਈ ਅਕਸਰ ਕਾਰਨੀਵਲ ਦਾ ਸਥਾਨ ਹੈ ਜੋ ਵੱਡੇ ਸ਼ਹਿਰਾਂ ਵਿੱਚ ਵੱਡੀਆਂ ਸਟ੍ਰੀਟ ਪਾਰਟੀਆਂ ਤੋਂ ਦੂਰ ਰਹਿਣਾ ਪਸੰਦ ਕਰਦੇ ਹਨ।
