ਕਰਾਚੀ: ਪਾਕਿਸਤਾਨੀ ਜਹਾਜ਼ ਹਾਦਸੇ ਵਿੱਚ 97 ਲੋਕ ਮਾਰੇ ਗਏ ਹਨ ਅਤੇ 2 ਲੋਕ ਬਚ ਗਏ ਹਨ ਹਨ। ਉਨ੍ਹਾਂ ਦੋਵਾਂ ਨੇ ਦੱਸਿਆ ਜਹਾਜ਼ ਗੜਬੜਾਇਆ ਅਤੇ ਫਿਰ ਪਾਇਲਟ ਇੰਟਰਕੌਮ 'ਤੇ ਚੇਤਾਵਨੀ ਆਈ ਕਿ ਕਿ ਲੈਂਡਿੰਗ ਮੁਸ਼ਕਲ ਹੋ ਸਕਦੀ ਹੈ।
ਕੁਝ ਹੀ ਸਮੇਂ ਬਾਅਦ, ਪਾਕਿਸਤਾਨ ਅੰਤਰਰਾਸ਼ਟਰੀ ਏਅਰਲਾਇੰਸ ਦੀ ਉਡਾਣ ਕਰਾਚੀ ਦੇ ਅੰਤਰਰਾਸ਼ਟਰੀ ਹਵਾਈ ਅੱਡੇ ਨੇੜੇ ਭੀੜ ਵਾਲੇ ਇਲਾਕੇ ਵਿੱਚ ਹਾਦਸਾਗ੍ਰਸਤ ਹੋ ਗਈ, ਜਿਸ ਵਿੱਚ ਘੱਟੋ ਘੱਟ 97 ਵਿਅਕਤੀਆਂ ਦੀ ਮੌਤ ਹੋ ਗਈ, ਜਿਨ੍ਹਾਂ ਵਿੱਚ ਚਾਲਕ ਦਲ ਦੇ ਮੈਂਬਰ ਅਤੇ ਯਾਤਰੀ ਸਵਾਰ ਸਨ। ਜ਼ੁਬੈਰ ਬਚੇ ਹੋਏ ਦੋ ਯਾਤਰੀਆਂ ਵਿਚੋਂ ਇਕ ਹੈ।
ਸੂਬਾਈ ਸਿਹਤ ਵਿਭਾਗ ਦੇ ਬੁਲਾਰੇ ਮੀਰਨ ਯੂਸਫ਼ ਨੇ ਕਿਹਾ ਕਿ ਸ਼ੁੱਕਰਵਾਰ ਨੂੰ ਹੋਏ ਹਾਦਸੇ ਤੋਂ ਸਿਰਫ 19 ਲਾਸ਼ਾਂ ਦੀ ਪਛਾਣ ਕੀਤੀ ਗਈ ਹੈ ਅਤੇ ਜ਼ਿਆਦਾਤਰ ਲਾਸ਼ਾਂ ਬੁਰੀ ਤਰ੍ਹਾਂ ਸੜ ਗਈਆਂ ਸਨ।
ਇਹ ਜਹਾਜ਼ ਜਿਨਾਹ ਅੰਤਰਰਾਸ਼ਟਰੀ ਹਵਾਈ ਅੱਡੇ ਨੇੜੇ ਭੀੜ ਵਾਲੇ ਰਿਹਾਇਸ਼ੀ ਖੇਤਰ ਵਿੱਚ ਮਾਡਲ ਕਲੋਨੀ ਵਿੱਚ ਹਾਦਸਾ ਗ੍ਰਸਤ ਹੋਇਆ। ਇਸ ਵਿੱਚ ਘੱਟੋ ਘੱਟ ਪੰਜ ਘਰ ਤਬਾਹ ਹੋ ਗਏ।
