ਕਾਬੁਲ: ਤਾਲਿਬਾਨ ਦੇ ਕਾਬੁਲ 'ਤੇ ਕਬਜ਼ਾ ਕਰਨ ਅਤੇ ਰਾਸ਼ਟਰਪਤੀ ਅਸ਼ਰਫ ਗਨੀ ਦੇ ਦੇਸ਼ ਛੱਡ ਕੇ ਭੱਜਣ ਤੋਂ ਬਾਅਦ ਅਫਗਾਨਿਸਤਾਨ ਵਿੱਚ ਹਫੜਾ-ਦਫੜੀ ਦਾ ਮਾਹੌਲ ਹੈ। ਲੋਕ ਕਿਸੇ ਤਰ੍ਹਾਂ ਦੇਸ਼ ਛੱਡ ਕੇ ਭੱਜਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਇਹ ਹਫੜਾ-ਦਫੜੀ ਦੇ ਦ੍ਰਿਸ਼ ਕਾਬੁਲ ਹਵਾਈ ਅੱਡੇ ਅਤੇ ਹੋਰ ਥਾਵਾਂ ‘ਤੇ ਵੇਖੇ ਜਾ ਰਹੇ ਹਨ। ਜਦੋਂ ਕਿ ਤਾਲਿਬਾਨ ਲੜਾਕੂ ਪਾਰਕਾਂ ਅਤੇ ਜਿਮ ਵਿੱਚ ਕਸਰਤ ਦਾ ਅਨੰਦ ਲੈ ਰਹੇ ਹਨ।
ਜਿੱਤ ਤੋਂ ਬਾਅਦ ਤਾਲਿਬਾਨੀਆਂ ਦੇ ਮਸਤੀ ਕਰਨ ਦੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਹਨ। ਰਾਇਟਰਜ਼ ਦੇ ਸੀਨੀਅਰ ਰਿਪੋਰਟਰ ਹਾਮਿਦ ਸ਼ਾਲੀਜ਼ੀ ਦੁਆਰਾ ਪੋਸਟ ਕੀਤੇ ਗਏ ਇੱਕ ਵੀਡੀਓ ਵਿੱਚ ਤਾਲਿਬਾਨ ਲੜਾਕਿਆਂ ਨੂੰ ਬੰਪਰ ਕਾਰ ਚਲਾਉਂਦੇ ਦੇਖਿਆ ਜਾ ਸਕਦਾ ਹੈ।
ਟਵਿੱਟਰ 'ਤੇ ਵਿਆਪਕ ਤੌਰ 'ਤੇ ਸਾਂਝੇ ਕੀਤੇ ਗਏ, ਇੱਕ ਹੋਰ ਵੀਡੀਓ ਵਿੱਚ ਤਾਲਿਬਾਨੀਆਂ ਦੇ ਸਮੂਹ ਨੂੰ ਛੋਟੇ ਬੱਚਿਆਂ ਲਈ ਖੁਸ਼ੀ ਮਨਾਉਂਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਉਸੇ ਸਮੇਂ ਸੁਤੰਤਰ ਪੱਤਰਕਾਰ ਅਸਦ ਹੰਨਾ ਦੁਆਰਾ ਪੋਸਟ ਕੀਤੇ ਗਏ, ਇੱਕ ਹੋਰ ਵੀਡੀਓ ਵਿੱਚ ਤਾਲਿਬਾਨੀ ਖੁਸ਼ੀ ਦੇ ਨਾਲ ਟ੍ਰੈਂਪੋਲਿਨ ‘ਤੇ ਛਾਲ ਮਾਰਦੇ ਹੋਏ ਦਿਖਾਈ ਦੇ ਰਹੇ ਹਨ।
ਸੋਸ਼ਲ ਮੀਡੀਆ ਉਪਭੋਗਤਾਵਾਂ ਦੇ ਅਨੁਸਾਰ ਇਹ ਵੀਡੀਓ ਤਾਲਿਬਾਨ ਨੇ ਅਫਗਾਨਿਸਤਾਨ ਦੇ ਤੀਜੇ ਸਭ ਤੋਂ ਵੱਡੇ ਸ਼ਹਿਰ ਹੇਰਾਤ ਵਿੱਚ ਇੱਕ ਮਨੋਰੰਜਨ ਪਾਰਕ ਵਿੱਚ ਸ਼ੂਟ ਕੀਤਾ ਸੀ। ਇਸ ਤੋਂ ਇਲਾਵਾ ਇੱਕ ਵੀਡੀਓ ਵਿੱਚ ਤਾਲਿਬਾਨ ਲੜਾਕਿਆਂ ਨੂੰ ਰਾਸ਼ਟਰਪਤੀ ਭਵਨ ਦੇ ਜਿੰਮ ਵਿੱਚ ਕਸਰਤ ਕਰਦੇ ਹੋਏ ਵੇਖਿਆ ਗਿਆ।
ਅਕਸਰ ਸੋਸ਼ਲ ਮੀਡੀਆ 'ਤੇ ਅਸੀਂ ਔਰਤਾ ‘ਤੇ ਤਾਲਿਬਾਨ ਦੇ ਅੱਤਿਆਚਾਰਾਂ ਦੇ ਵੀਡੀਓ ਦੇਖਦੇ ਹਾਂ, ਪਰ ਇਹ ਵੀਡੀਓ ਤਾਲਿਬਾਨ ਦੀ ਬੇਰਹਿਮੀ ਅਤੇ ਅੱਤਿਆਚਾਰਾਂ ਦੇ ਬਹੁਤ ਸਾਰੇ ਵੀਡੀਓ ਦੇ ਬਿਲਕੁਲ ਉਲਟ ਹਨ।
ਇਹ ਵੀ ਪੜ੍ਹੋ:ਕਾਬੁਲ ਤੋਂ ਭਾਰਤੀ ਦੂਤਾਵਾਸ ਦੇ ਕਰਮਚਾਰੀਆਂ ਨੂੰ ਲੈ ਕੇ ਰਵਾਨਾ ਹੋਇਆ ਏਅਰਫੋਰਸ ਦਾ ਜਹਾਜ
