ਅਫ਼ਗਾਨਿਸਤਾਨ: ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਅਫਗਾਨਿਸਤਾਨ ਦੀ ਹਾਲਤ ਬਦ ਤੋਂ ਬਦਤਰ ਹੋ ਗਈ ਹੈ। ਖਾਣਾ ਵੀ ਪਿਆ ਹੈ। ਵਧਦੀ ਗਰੀਬੀ ਤੋਂ ਪ੍ਰੇਸ਼ਾਨ ਲੋਕ ਪਰਿਵਾਰ ਚਲਾਉਣ ਲਈ ਆਪਣੇ ਗੁਰਦੇ ਵੇਚਣ ਲਈ ਮਜਬੂਰ ਹੋ ਗਏ ਹਨ। ਕਈ ਲੋਕ ਕਹਿੰਦੇ ਹਨ ਕਿ ਉਨ੍ਹਾਂ ਨੂੰ ਆਪਣੇ ਬੱਚਿਆਂ ਦਾ ਪੇਟ ਭਰਨ ਲਈ ਅਜਿਹਾ ਕਰਨਾ ਪੈਂਦਾ ਹੈ।
ਬੇਰੁਜ਼ਗਾਰ, ਕਰਜ਼ੇ ਵਿੱਚ ਡੁੱਬੇ ਅਤੇ ਆਪਣੇ ਬੱਚਿਆਂ ਦਾ ਪੇਟ ਭਰਨ ਲਈ ਸੰਘਰਸ਼ ਕਰ ਰਹੇ ਨੂਰੂਦੀਨ ਨੇ ਕਿਹਾ ਕਿ ਉਸ ਕੋਲ ਆਪਣਾ ਗੁਰਦਾ ਵੇਚਣ ਤੋਂ ਇਲਾਵਾ ਕੋਈ ਚਾਰਾ ਨਹੀਂ ਸੀ। ਉਨ੍ਹਾਂ ਕਿਹਾ ਕਿ ਇੱਥੋਂ ਦੇ ਲੋਕ ਆਪਣੇ ਪਰਿਵਾਰ ਨੂੰ ਬਚਾਉਣ ਲਈ ਇੱਕ ਅੰਗ ਵੀ ਕੁਰਬਾਨ ਕਰਨ ਲਈ ਤਿਆਰ ਹਨ।
ਇਕ ਨਿੱਜੀ ਏਜੰਸੀ ਨੂੰ ਸਥਾਨਕ ਵਾਸੀ ਨੂਰੁਦੀਨ ਨੇ ਦੱਸਿਆ ਕਿ 'ਮੈਨੂੰ ਆਪਣੇ ਬੱਚਿਆਂ ਦੀ ਖ਼ਾਤਰ ਇਹ ਕਰਨਾ ਪਿਆ। ਮੇਰੇ ਕੋਲ ਹੋਰ ਕੋਈ ਵਿਕਲਪ ਨਹੀਂ ਸੀ।"
ਦੱਸ ਦਈਏ ਕਿ ਇਹ ਕਹਾਣੀ ਸਿਰਫ ਨੂਰੂਦੀਨ ਦੀ ਹੀ ਨਹੀਂ ਹੈ, ਬਲਕਿ ਨੂਰਦੀਨ ਵਰਗੇ ਕਈ ਲੋਕ ਆਪਣੀ ਕਿਡਨੀ ਵੇਚਣ ਲਈ ਮਜ਼ਬੂਰ ਹੋਏ ਹਨ।
1500 ਡਾਲਰ ਵਿੱਚ ਵੇਚੀ ਆਪਣੀ ਕਿਡਨੀ
ਨੂਰੂਦੀਨ ਨੇ ਅੱਗੇ ਦੱਸਿਆ ਕਿ ਇਸ ਸੰਕਟ ਤੋਂ ਨਿਰਾਸ਼ ਹੋ ਕੇ ਉਸਨੇ ਥੋੜ੍ਹੇ ਸਮੇਂ ਲਈ ਇੱਕ ਕਿਡਨੀ ਵੇਚ ਦਿੱਤੀ। ਉਸ ਨੇ ਕਿਹਾ, 'ਮੈਨੂੰ ਹੁਣ ਇਸ ਦਾ ਪਛਤਾਵਾ ਹੈ। ਮੈਂ ਹੁਣ ਕੰਮ ਨਹੀਂ ਕਰ ਸਕਦਾ। ਮੈਂ ਦਰਦ ਵਿੱਚ ਹਾਂ ਅਤੇ ਕੋਈ ਵੀ ਭਾਰੀ ਚੀਜ਼ ਨਹੀਂ ਚੁੱਕ ਸਕਦਾ।
ਦੱਸ ਦਈਏ ਕਿ ਦਹਾਕਿਆਂ ਦੀ ਲੜਾਈ ਤੋਂ ਬਾਅਦ ਅਫਗਾਨਿਸਤਾਨ ਵਿੱਚ ਮਨੁੱਖਤਾਵਾਦੀ ਸਥਿਤੀ ਪਹਿਲਾਂ ਹੀ ਵਿਗੜ ਗਈ ਸੀ ਅਤੇ ਛੇ ਮਹੀਨੇ ਪਹਿਲਾਂ ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਹੋਰ ਵਿੱਤੀ ਸੰਕਟ ਵਿੱਚ ਡੁੱਬ ਗਈ ਹੈ। ਭਾਰਤ ਸਮੇਤ ਕਈ ਹੋਰ ਦੇਸ਼ ਅਫਗਾਨਿਸਤਾਨ ਦੀ ਮਦਦ ਲਈ ਅੱਗੇ ਆਏ ਹਨ ਪਰ ਇਹ ਕਾਫੀ ਨਹੀਂ ਹੈ।
ਇਹ ਵੀ ਪੜ੍ਹੋ: ਰੂਸ ਨੇ ਯੂਕਰੇਨ ਦੇ ਪਰਮਾਣੂ ਪਲਾਂਟ 'ਤੇ ਕੀਤਾ ਹਮਲਾ, "ਪੁਤਿਨ ਜੰਗ ਜਾਰੀ ਰੱਖਣਗੇ"
