ਪਿਟਸਬ੍ਰਗ: ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਮੌਜੂਦਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਉੱਤੇ ਦੋਸ਼ ਲਾਇਆ ਕਿ ਟਰੰਪ ਦਾ ਧਿਆਨ ਆਪਣੀ ਮਹੱਤਤਾ ਉੱਤੇ ਕੇਂਦ੍ਰਿਤ ਹੈ ਅਤੇ ਉਨ੍ਹਾਂ ਨੇ ਕੋਰੋਨਾ ਵਾਇਰਸ ਮਹਾਂਮਾਰੀ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ।
ਡੈਮੋਕ੍ਰੇਟਿਕ ਪਾਰਟੀ ਤੋਂ ਰਾਸ਼ਟਰਪਤੀ ਦੇ ਉਮੀਦਵਾਰ ਜੋਅ ਬਾਇਡੇਨ ਦੇ ਹੱਕ ਵਿੱਚ ਸਨਿਚਰਵਾਰ ਨੂੰ ਮਿਸ਼ੀਗਨ ਵਿੱਚ ਚੋਣ ਪ੍ਰਚਾਰ ਦੌਰਾਨ ਓਬਾਮਾ ਨੇ ਕਿਹਾ ਕਿ ਪਿਛਲੇ ਚਾਰ ਸਾਲਾਂ ਵਿੱਚ ਟਰੰਪ ਨੇ ਆਪਣੇ ਤੋਂ ਇਲਾਵਾ ਕਿਸੇ ਦੀ ਮਦਦ ਕਰਨ ਵਿੱਚ ਕੋਈ ਦਿਲਚਸਪੀ ਨਹੀਂ ਦਿਖਾਈ।
ਉਨ੍ਹਾਂ ਕਿਹਾ, “ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਧਿਆਨ ਉਨ੍ਹਾਂ ਦੀ ਆਪਣੀ ਮਹੱਤਤਾ ਦੀ ਸੰਤੁਸ਼ਟੀ ਉੱਤੇ ਹੈ, ਜਦੋਂਕਿ ਡੈਮੋਕ੍ਰੇਟਿਕ ਪਾਰਟੀ ਤੋਂ ਰਾਸ਼ਟਰਪਤੀ ਦੇ ਅਹੁਦੇ ਦੇ ਉਮੀਦਵਾਰ ਬਾਇਡੇਨ ਸੰਜੀਦਗੀ ਅਤੇ ਹਮਦਰਦੀ ਉੱਤੇ ਧਿਆਨ ਦਿੰਦੇ ਹਨ।
ਦੇਸ਼ ਦੇ 44ਵੇਂ ਰਾਸ਼ਟਰਪਤੀ ਓਬਾਮਾ ਨੇ ਟਰੰਪ ਦੀਆਂ ਨੀਤੀਆਂ ਦੀ ਸਖ਼ਤ ਆਲੋਚਨਾ ਕੀਤੀ। ਓਬਾਮਾ ਨੇ ਕਿਹਾ, “ਉਨ੍ਹਾਂ ਨੇ ਆਪਣੇ ਜਾਂ ਆਪਣੇ ਦੋਸਤਾਂ ਨੂੰ ਛੱਡ ਕੇ ਕਿਸੇ ਦਾ ਕੰਮ ਕਰਨ ਜਾਂ ਮਦਦ ਕਰਨ ਵਿੱਚ ਕੋਈ ਰੁਚੀ ਨਹੀਂ ਦਿਖਾਈ ਅਤੇ ਰਾਸ਼ਟਰਪਤੀ ਅਹੁਦੇ ਨੂੰ ਇੱਕ ਰਿਐਲਿਟੀ ਸ਼ੋਅ ਤੋਂ ਵੱਧ ਕੁੱਝ ਨਹੀਂ ਮਨਿਆ, ਪਰ ਬਦਕਿਸਮਤੀ ਨਾਲ ਬਾਕੀ ਸਾਰਿਆਂ ਨੂੰ ਇਸ ਦਾ ਖਾਮਿਆਜ਼ਾ ਭੁਗਤਾਨ ਪੈ ਰਿਹਾ ਹੈ।
ਓਬਾਮਾ ਨਾਲ ਮਿਸ਼ਿਗਨ ਵਿੱਚ ਫਲਿੰਟ ਅਤੇ ਡੈਟਰੋਏਟ ਵਿੱਚ ਰੈਲੀਆਂ ਵਿੱਚ ਬਾਇਡੇਨ ਵੀ ਮੌਜੂਦ ਸਨ।
ਓਬਾਮਾ ਨੇ ਬਾਇਡੇਨ ਦੀ ਤਾਰੀਫ਼ ਕਰਦਿਆਂ ਕਿਹਾ, 'ਬਾਈਡੇਨ ਮੇਰਾ ਭਰਾ ਹੈ, ਉਹ ਮੇਰਾ ਪਸੰਦੀਦਾ ਹੈ। ਉਹ ਇੱਕ ਸ਼ਾਨਦਾਰ ਰਾਸ਼ਟਰਪਤੀ ਸਿੱਧ ਹੋਵੇਗਾ ਅਤੇ ਉਹ ਸਾਰਿਆਂ ਨਾਲ ਸੰਜੀਦਗੀ ਅਤੇ ਆਦਰ ਨਾਲ ਪੇਸ਼ ਆਵੇਗਾ।
