ਨਵੀਂ ਦਿੱਲੀ: ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦਾਅਵਾ ਕੀਤਾ ਹੈ ਕਿ ਅਮਰੀਕਾ ਦੁਆਰਾ ਡਰੋਨ ਹਮਲੇ ਵਿੱਚ ਮਾਰੇ ਗਏ ਈਰਾਨੀ ਜਨਰਲ ਕਾਸੀਮ ਸੁਲੇਮਾਨੀ ਨਵੀਂ ਦਿੱਲੀ ਤੋਂ ਲੰਡਨ ਤੱਕ ਅੱਤਵਾਦੀ ਗਤੀਵਿਧੀਆਂ ਵਿੱਚ ਸ਼ਾਮਲ ਰਹੇ ਹਨ।
ਟਰੰਪ ਨੇ ਹਾਲਾਂਕਿ ਸੁਲੇਮਾਨੀ ਦੇ ਹਮਲੇ ਬਾਰੇ ਸਪੱਸ਼ਟ ਤੌਰ ‘ਤੇ ਕੁੱਝ ਨਹੀਂ ਕਿਹਾ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਟਰੰਪ ਸ਼ਾਇਦ 2012 ਦੀ ਘਟਨਾ ਦਾ ਜ਼ਿਕਰ ਕਰ ਰਹੇ ਸਨ ਜਿਸ ਵਿੱਚ ਇੱਕ ਇਜ਼ਰਾਈਲੀ ਡਿਪਲੋਮੈਟ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ। ਇਸ ਵਿੱਚ ਤੇਲ ਯੇਹੂਸ਼ੁਆ ਨਾਂਅ ਦੀ ਇੱਕ ਔਰਤ ਜ਼ਖਮੀ ਹੋ ਗਈ ਸੀ। ਹਮਲਾ ਕਾਰ 'ਤੇ ਕੀਤਾ ਗਿਆ ਸੀ ਅਤੇ ਕਾਰ ਦਾ ਡਰਾਈਵਰ ਵੀ ਜ਼ਖਮੀ ਹੋ ਗਿਆ ਸੀ। ਕਾਰ ਵਿੱਚ ਚੁੰਬਕ ਦੀ ਵਰਤੋਂ ਨਾਲ ਬੰਬ ਫਿੱਟ ਕੀਤਾ ਗਿਆ ਸੀ।
ਦੱਸ ਦਈਏ ਕਿ ਯੂਐਸ ਦੇ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਰਾਬਰਟ ਓ ਬ੍ਰਾਇਨ ਨੇ ਕਿਹਾ ਹੈ ਕਿ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਈਰਾਨ ਦੇ ਸ਼ਕਤੀਸ਼ਾਲੀ ਰੈਵੋਲਿਊਸ਼ਨਰੀ ਗਾਰਡਾਂ ਦੇ ਕਮਾਂਡਰ ਜਨਰਲ ਕਾਸੀਮ ਸੁਲੇਮਾਨੀ ਨੂੰ ਮਾਰਨ ਦਾ ਫੈਸਲਾ ਬਚਾਅ ਵਾਲਾ ਸੀ ਅਤੇ ਇਹ ਭਵਿੱਖ ਵਿੱਚ ਖੂਨ ਖਰਾਬਾ ਰੋਕਣ ਲਈ ਲਿਆ ਗਿਆ ਸੀ।
ਬ੍ਰਾਇਨ ਨੇ ਦੋਸ਼ ਲਾਇਆ, "ਪੱਛਮੀ ਏਸ਼ੀਆ ਦੇ ਦੇਸ਼ਾਂ ਦੀ ਯਾਤਰਾ ਕਰ ਰਹੇ ਸੁਲੇਮਾਨੀ ਇਰਾਕ ਦਮਿਸ਼ਕ ਤੋਂ ਆਏ ਸਨ, ਜਿਥੇ ਉਹ ਅਮਰੀਕੀ ਸੈਨਿਕਾਂ ਅਤੇ ਡਿਪਲੋਮੈਟਾਂ ਉੱਤੇ ਹਮਲਾ ਕਰਨ ਦੀ ਸਾਜਿਸ਼ ਰਚ ਰਿਹਾ ਸੀ।"
ਟਰੰਪ ਨੇ ਕਿਹਾ ਸੀ ਕਿ ਇਹ ਕਾਰਵਾਈ ਲੜਾਈ ਦੀ ਸ਼ੁਰੂਆਤ ਨਹੀਂ, ਬਲਕਿ ਯੁੱਧ ਨੂੰ ਰੋਕਣ ਲਈ ਸੀ।
ਇਹ ਵੀ ਪੜ੍ਹੋ: 'ਡਰੇ' ਪਾਕਿਸਤਾਨ ਨੇ ਸੰਯੁਕਤ ਰਾਸ਼ਟਰ ਤੇ ਸੁਰੱਖਿਆ ਪਰੀਸ਼ਦ ਨੂੰ ਭਾਰਤ ਦੇ ਵਿਰੁੱਧ ਭੇਜੀ ਚਿੱਠੀ
ਟਰੰਪ ਦੇ ਇਸੇ ਬਿਆਨ ਦਾ ਜ਼ਿਕਰ ਕਰਦਿਆਂ ਬ੍ਰਾਇਨ ਨੇ ਕਿਹਾ, "ਇਸ ਹਮਲੇ ਦਾ ਉਦੇਸ਼ ਉਨ੍ਹਾਂ ਹਮਲਿਆਂ ਨੂੰ ਰੋਕਣਾ ਸੀ ਜਿਨ੍ਹਾਂ ਦੀ ਸਾਜਿਸ਼ ਸੁਲੇਮਾਨੀ ਨੇ ਰਚੀ ਸੀ।" ਇਸ ਦਾ ਟੀਚਾ ਈਰਾਨ ਦੇ ਅਸਿੱਧੇ ਜਾਂ ਆਈਆਰਜੀਸੀ ਕੁਡਸ ਫੋਰਸ ਰਾਹੀਂ ਭਵਿੱਖ ਵਿੱਚ ਇਰਾਨ ਵਿਰੁੱਧ ਸਿੱਧੇ ਹਮਲੇ ਨੂੰ ਰੋਕਣਾ ਸੀ।
ਦੱਸਣਯੋਗ ਹੈ ਕਿ ਜਨਰਲ ਸੁਲੇਮਾਨੀ ਈਰਾਨ ਦੀ ਅਲ-ਕੁਡਸ ਫੋਰਸ ਦਾ ਮੁਖੀ ਸੀ। ਉਹ ਸ਼ੁੱਕਰਵਾਰ ਨੂੰ ਬਗਦਾਦ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਰਵਾਨਾ ਹੋਣ ਵਾਲੇ ਆਪਣੇ ਕਾਫਲੇ ਉੱਤੇ ਅਮਰੀਕੀ ਡਰੋਨ ਹਮਲੇ ਵਿੱਚ ਮਾਰਿਆ ਗਿਆ। ਹਮਲੇ ਵਿੱਚ ਇਰਾਨ ਦੀ ਸ਼ਕਤੀਸ਼ਾਲੀ ਹਸ਼ਾਦ ਅਲ-ਸ਼ਾਬੀ ਅਰਧ ਸੈਨਿਕ ਬਲ ਦਾ ਉਪ-ਮੁਖੀ ਵੀ ਮਾਰਿਆ ਗਿਆ।
