ਵਾਸ਼ਿੰਗਟਨ: ਕੋਰੋਨਾ ਵਾਇਰਸ ਦਾ ਕਹਿਰ ਵਿਸ਼ਵ ਭਰ ਵਿੱਚ ਜਾਰੀ ਹੈ। ਸਭ ਤੋਂ ਪ੍ਰਭਾਵਿਤ ਦੇਸ਼ ਅਮਰੀਕਾ ਦੇ ਨਾਲ-ਨਾਲ ਦੁਨੀਆ ਦੇ ਕਈ ਦੇਸ਼ ਲੰਮੇ ਸਮੇਂ ਤੋਂ ਵੁਹਾਨ ਵਿੱਚ ਚੀਨੀ ਲੈਬ ਨੂੰ ਸ਼ੱਕ ਦੇ ਨਾਲ ਵੇਖ ਰਹੇ ਹਨ। ਇਸ ਲੈਬ ਵਿੱਚ ਕੋਰੋਨਾ ਵਾਇਰਸ ਬਾਰੇ ਖੋਜ ਕੀਤੀ ਗਈ ਸੀ। ਹਾਲਾਂਕਿ, ਚੀਨ ਨੇ ਅਜਿਹੇ ਸਾਰੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ।
ਇੱਕ ਨਿਜੀ ਚੈਨਲ ਨੂੰ ਦਿੱਤੇ ਇੰਟਰਵਿਊ ਦੌਰਾਨ ਮਾਈਕ ਪੋਂਪੀਓ ਨੇ ਚੀਨ ਉੱਤੇ ਇੱਕ ਵੱਡਾ ਦੋਸ਼ ਲਗਾਇਆ ਅਤੇ ਸਬੂਤਾਂ ਦੀ ਗੱਲ ਕੀਤੀ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਕਿਹਾ ਸੀ ਕਿ ਅਮਰੀਕਾ ਜਾਂਚ ਕਰ ਰਿਹਾ ਹੈ ਕਿ ਕੋਰੋਨਾ ਵਾਇਰਸ ਚੀਨ ਦੇ ਵੁਹਾਨ ਵਿੱਚ ਇੱਕ ਲੈਬ ਤੋਂ ਫੈਲਿਆ ਹੈ। ਅਮਰੀਕੀ ਦੇ ਵਿਦੇਸ਼ ਮੰਤਰੀ ਨੇ ਕਿਹਾ ਕਿ,"ਇਸ ਗੱਲ ਦੇ ਬਹੁਤ ਸਾਰੇ ਸਬੂਤ ਹਨ ਕਿ ਇਹ ਕਿੱਥੋ ਫੈਲਿਆ। ਉਨ੍ਹਾਂ ਨੇ ਕਿਹਾ ਕਿ ਉਹ ਤੁਹਾਨੂੰ ਦੱਸ ਸਕਦੇ ਹਨ ਕਿ ਵੁਹਾਨ ਦੀ ਲੈਬ ਤੋਂ ਇਸ ਦੇ ਫੈਲਣ ਨੂੰ ਲੈ ਕੇ ਮਹੱਤਵਪੂਰਣ ਸਬੂਤ ਹਨ।"
ਰਿਪੋਰਟ ਦੇ ਅਨੁਸਾਰ ਵਿਦੇਸ਼ ਮੰਤਰੀ ਇੰਟਰਵਿਊ ਦੌਰਾਨ ਕਨਫਿਊਜ਼ ਵੀ ਨਜ਼ਰ ਆਏ। ਉਨ੍ਹਾਂ ਕਿਹਾ ਕਿ ‘ਦੇਖੋ, ਹੁਣ ਤੱਕ ਦੇ ਸਰਬੋਤਮ ਮਾਹਰ ਮੰਨਦੇ ਹਨ ਕਿ ਇਹ ਵਾਇਰਸ ਤਿਆਰ ਕੀਤਾ ਗਿਆ ਹੈ। ਇਸ ਸਮੇਂ, ਉਨ੍ਹਾਂ ਕੋਲ ਇਸ ਵਿਚਾਰ ਨੂੰ ਸਵੀਕਾਰ ਨਾ ਕਰਨ ਦਾ ਤਰਕ ਨਹੀਂ ਹੈ।"
ਪਰ, ਜਦੋਂ ਪੋਂਪੀਓ ਨੂੰ ਦੱਸਿਆ ਗਿਆ ਕਿ ਅਮੇਰੀਕਨ ਇੰਟੈਲੀਜੈਂਸ ਨੇ ਇਸ ਬਾਰੇ ਰਸਮੀ ਬਿਆਨ ਦਿੱਤਾ ਹੈ ਅਤੇ ਇਸ ਦੇ ਉਲਟ ਕਿਹਾ ਹੈ ਕਿ ਮਨੁੱਖਾਂ ਨੇ ਇਹ ਵਾਇਰਸ ਨਹੀਂ ਬਣਾਇਆ ਹੈ, ਤਾਂ ਉਨ੍ਹਾਂ ਕਿਹਾ ਕਿ, "ਉਹ ਸਹੀ ਹੈ। ਮੈਂ ਉਸ ਨਾਲ ਸਹਿਮਤ ਹਾਂ।"
ਇਸ ਤੋਂ ਪਹਿਲਾਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਵੀ ਅਜਿਹਾ ਹੀ ਦਾਅਵਾ ਕੀਤਾ ਸੀ। ਟਰੰਪ ਨੇ ਕਿਹਾ ਸੀ ਕਿ, "ਉਨ੍ਹਾਂ ਨੇ ਚੀਨੀ ਲੈਬ ਚੋਂ ਵਾਇਰਸ ਦੇ ਫੈਲਣ ਬਾਰੇ ਸਬੂਤ ਦੇਖੇ ਹਨ, ਪਰ ਉਹ ਇਸ ਨੂੰ ਸਾਂਝਾ ਨਹੀਂ ਕਰ ਸਕਦੇ।" ਪਰ, ਟਰੰਪ ਦੇ ਬਿਆਨ ਦੇ ਉਲਟ, ਪੋਂਪਿਓ ਨੇ ਇਕ ਇੰਟਰਵਿਊ ਵਿੱਚ ਕਿਹਾ ਕਿ, "ਸਾਨੂੰ ਨਹੀਂ ਪਤਾ ਕਿ ਇਹ ਵੁਹਾਨ ਇੰਸਟੀਚਿਊਟ ਆਫ ਵਾਇਰੋਲੋਜੀ ਤੋਂ ਆਇਆ ਹੈ। ਸਾਨੂੰ ਇਹ ਵੀ ਨਹੀਂ ਪਤਾ ਕਿ ਇਹ ਵੇਟ ਬਾਜ਼ਾਰ ਤੋਂ ਫੈਲਿਆ ਹੈ ਜਾਂ ਕਿਤੋ ਹੋਰ। ਸਾਡੇ ਕੋਲ ਇਨ੍ਹਾਂ ਦੇ ਜਵਾਬ ਨਹੀਂ ਹਨ।"
ਇਹ ਵੀ ਪੜ੍ਹੋ: ਕੇਰਲ ਦੀਆਂ ਬੱਚੀਆਂ ਨੇ ਦਾਨ ਕੀਤੇ ਆਪਣੇ ਗੁੱਲਕ ਦੀ ਬੱਚਤ ਦੇ ਪੈਸੇ
