ਵਾਸ਼ਿੰਗਟਨ: ਅਮਰੀਕਾ, ਚੀਨ ਦੀ ਹੁਵੇਈ ਕੰਪਨੀ 'ਤੇ ਨਵੀਆਂ ਪਾਬੰਦੀਆਂ ਲਗਾਉਣ ਜਾ ਰਿਹਾ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕੰਪਨੀ 'ਤੇ ਨਵੇਂ ਦੋਸ਼ ਲਗਾਉਂਦਿਆਂ ਕਿਹਾ ਹੈ ਕਿ ਦੂਰਸੰਚਾਰ ਸਾਧਨਾਂ ਦੀ ਵਰਤੋਂ ਚੀਨ ਦੇ ਲਈ ਜਾਸੂਸੀ ਕਰਨ ਲਈ ਕਰ ਰਹੀ ਹੈ।
ਟਰੰਪ ਦਾ ਕਹਿਣਾ ਹੈ ਕਿ ਕਿ ਅਸੀਂ ਸੰਯੁਕਤ ਰਾਜ ਵਿੱਚ ਉਨ੍ਹਾਂ ਦੇ ਉਪਕਰਣ ਨਹੀਂ ਚਾਹੁੰਦੇ ਕਿਉਂਕਿ ਉਹ ਸਾਡੀ ਜਾਸੂਸੀ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਕੋਈ ਹੋਰ ਦੇਸ਼ ਜੋ ਇਸ ਦੀ ਵਰਤੋਂ ਕਰਦਾ ਹੈ ਅਸੀਂ ਉਨ੍ਹਾਂ ਨਾਲ ਕੋਈ ਖੁਫ਼ੀਆ ਜਾਣਕਾਰੀ ਸਾਂਝੀ ਨਹੀਂ ਕਰਾਂਗੇ।
ਹੁਵੇਈ ਤਕਨਾਲੋਜੀ ਅਤੇ ਸੁਰੱਖਿਆ ਨੂੰ ਲੈ ਕੇ ਯੂਐਸ-ਚੀਨ ਤਣਾਅ ਦੇ ਕੇਂਦਰ ਵਿੱਚ ਰਹੀ ਹੈ। ਇਸ ਤਣਾਅ ਦੇ ਕਾਰਨ, ਪ੍ਰਸਿੱਧ ਚੀਨੀ ਮਾਲਕੀਅਤ ਵੀਡੀਓ ਐਪ ਟਿਕ ਟੌਕ ਤੇ ਮੈਸੇਜਿੰਗ ਸਰਵਿਸ ਵੀ ਚੈਟ 'ਤੇ ਵੀ ਪਾਬੰਦੀ ਲਗਾਈ ਜਾਏਗੀ। ਦੋਵਾਂ 'ਤੇ ਸਤੰਬਰ ਵਿਚ ਪਾਬੰਦੀ ਲਗਾਈ ਜਾ ਸਕਦੀ ਹੈ।
ਹੁਵੇਈ ਨੇ ਕਈ ਵਾਰ ਦੋਸ਼ਾਂ ਤੋਂ ਇਨਕਾਰ ਕਰਦਿਆਂ ਕਿਹਾ ਕਿ ਇਸ ਦੇ ਉਪਕਰਣਾਂ ਦੀ ਵਰਤੋਂ ਚੀਨੀ ਜਾਸੂਸੀ ਲਈ ਨਹੀਂ ਕੀਤੀ ਗਈ ਹੈ। ਚੀਨੀ ਅਧਿਕਾਰੀਆਂ ਨੇ ਵਾਸ਼ਿੰਗਟਨ 'ਤੇ ਅਮਰੀਕੀ ਤਕਨੀਕੀ ਉਦਯੋਗਾਂ ਦੇ ਮੁਕਾਬਲੇ ਨੂੰ ਰੋਕਣ ਦੇ ਬਹਾਨੇ ਰਾਸ਼ਟਰੀ ਸੁਰੱਖਿਆ ਦੀ ਵਰਤੋਂ ਕਰਨ ਦਾ ਦੋਸ਼ ਲਾਇਆ ਹੈ।
ਅਮਰੀਕਾ ਦੇ ਵਣਜ ਸਕੱਤਰ ਵਿਲਬਰ ਰੌਸ ਨੇ ਫੌਕਸ ਬਿਜ਼ਨਸ ਨੂੰ ਦੱਸਿਆ ਕਿ ਨਵੀਂ ਕਾਰਵਾਈ ਪਰਿਵਰਤਨ ਕੇਂਦ੍ਰਿਤ ਹੈ ਅਤੇ ਸਿੱਧੇ ਤੌਰ ਉੱਤੇ ਅਮਰੀਕਾ ਅਤੇ ਚੀਨ ਵਿਚਾਲੇ ਵਪਾਰਕ ਗੱਲਬਾਤ ਨਾਲ ਸਬੰਧਤ ਨਹੀਂ ਹੈ। ਵਾਸ਼ਿੰਗਟਨ ਨੇ ਹੁਵੇਈ ਨੂੰ ਅਮਰੀਕੀ ਕੰਪੋਨੈਂਟਸ ਜਿਸ ਵਿੱਚ ਗੂਗਲ ਦੇ ਸੰਗੀਤ ਅਤੇ ਹੋਰ ਸਮਾਰਟਫੋਨ ਸੇਵਾਵਾਂ ਸ਼ਾਮਲ ਹਨ, ਵਰਤੋਂ ਕਰਨ ਤੋਂ ਵਰਜਿਆ ਹੈ। ਵਣਜ ਵਿਭਾਗ ਨੇ ਕਿਹਾ ਕਿ ਇਹ ਪਾਬੰਦੀਆਂ ਨੂੰ ਹੋਰ ਸਖ਼ਤ ਕਰ ਰਿਹਾ ਹੈ ਕਿਉਂਕਿ ਹੁਵੇਈ ਨੇ ਉਨ੍ਹਾਂ ਨੂੰ ਖ਼ਤਮ ਕਰਨ ਦੀ ਨਿਰੰਤਰ ਕੋਸ਼ਿਸ਼ ਕੀਤੀ ਹੈ। ਅਮਰੀਕਾ ਨੇ ਹੁਵੇਈ ਦੀਆਂ 38 ਸਹਿਯੋਗੀ ਕੰਪਨੀਆਂ ਨੂੰ ਵੀ ਉਸ ਸੂਚੀ ਵਿੱਚ ਸ਼ਾਮਲ ਕੀਤਾ ਹੈ ਜਿਨ੍ਹਾਂ ਉੱਤੇ ਸੰਵੇਦਨਸ਼ੀਲ ਟੈਕਨਾਲੌਜੀ ਸੇਵਾਵਾਂ ਦੀ ਵਰਤੋਂ ਉੱਤੇ ਰੋਕ ਲਗਾਈ ਹੈ।
