ਅਮਰੀਕਾ: ਕੋਰੋਨਾ ਵਾਇਰਸ ਦਾ ਖ਼ਤਰਾ ਵਧੇਰੇ ਹਵਾ ਪ੍ਰਦੂਸ਼ਣ ਵਾਲੇ ਖੇਤਰਾਂ ਵਿੱਚ ਵੱਧ ਹੈ। ਇਸ ਨੂੰ ਲੈ ਕੇ ਅਮਰੀਕਾ ਵਿੱਚ ਅਧਿਐਨ ਕੀਤਾ ਗਿਆ। ਹਾਵਰਡ ਟੀ.ਐਚ. ਚਾਨ ਸਕੂਲ ਆਫ਼ ਪਬਲਿਕ ਹੈਲਥ ਦੇ ਖੋਜਕਾਰਾਂ ਨੇ ਕਿਹਾ ਕਿ ਅਧਿਐਨ ਵਿੱਚ ਸਭ ਤੋਂ ਲੰਬੀ ਮਿਆਦ ਤੱਕ ਹਵਾ ਵਿਚ ਰਹਿਣ ਵਾਲੇ ਸੂਖਮ ਪ੍ਰਦੂਸ਼ਣ ਕਣ (ਪੀ.ਐਮ. 2.5) ਤੇ ਅਮਰੀਕਾ ਵਿੱਚ ਕੋਰੋਨਾ ਵਾਇਰਸ ਕਾਰਣ ਮੌਤਾਂ ਦੇ ਵਿਚਾਲੇ ਦੇ ਸਬੰਧ ਬਾਰੇ ਜ਼ਿਕਰ ਕੀਤਾ ਗਿਆ ਹੈ।
ਸੂਖ਼ਮ ਪ੍ਰਦੂਸ਼ਕ ਕਣਾਂ ਕਾਰਨ ਵੱਧਦੈ ਖ਼ਦਸ਼ਾ
ਇਹ ਸੂਖਮ ਪ੍ਰਦੂਸ਼ਕ ਕਣ ਕਾਰਾਂ, ਰਿਫਾਇਨਰੀਆਂ ਤੇ ਬਿਜਲੀ ਪਲਾਂਟਾਂ ਵਿੱਚ ਊਰਜਾ ਬਾਲਣ ਨਾਲ ਵੱਡੇ ਪੈਮਾਨੇ 'ਤੇ ਪੈਦਾ ਹੁੰਦੇ ਹਨ। ਇਹ ਅਧਿਐਨ ਅਜੇ ਕਿਸੇ ਮੈਗੇਜ਼ੀਨ ਵਿੱਚ ਪ੍ਰਕਾਸ਼ਿਤ ਨਹੀਂ ਹੋਇਆ ਹੈ। ਇਸ ਵਿੱਚ ਅਮਰੀਕਾ ਦੀਆਂ 3000 ਤੋਂ ਵਧੇਰੇ ਕਾਊਂਟੀਆਂ 'ਤੇ ਗੌਰ ਕੀਤਾ ਗਿਆ ਹੈ ਤੇ ਇਸ ਵਿੱਚ ਸੂਖ਼ਮ ਪ੍ਰਦੂਸ਼ਕ ਕਣਾਂ ਦੇ ਪੱਧਰ ਦੀ ਤੁਲਨਾ ਹਰੇਕ ਖੇਤਰ ਵਿੱਚ ਕੋਰੋਨਾ ਵਾਇਰਸ ਨਾਲ ਹੋਈ ਮੌਤ ਨਾਲ ਕੀਤੀ ਗਈ ਹੈ।
ਹਵਾ ਪ੍ਰਦੂਸ਼ਣ 'ਚ ਥੋੜਾ ਜਿਹਾ ਵੀ ਵਾਧਾ ਖ਼ਤਰਨਾਕ
ਖੋਜਕਾਰਾਂ ਨੇ ਆਪਣੇ ਅਧਿਐਨ ਵਿੱਚ ਜਨਸੰਖਿਆ ਦੇ ਆਕਾਰ, ਹਸਪਤਾਲ ਦੇ ਬੈੱਡ, ਕੋਵਿਡ-19 ਦੇ ਲਈ ਜਾਂਚ ਕੀਤੇ ਲੋਕਾਂ ਦੀ ਗਿਣਤੀ, ਮੌਸਮ ਤੇ ਸਮਾਜਿਕ ਆਰਥਿਕ ਹਾਲਾਤਾਂ ਨਾਲ ਮੋਟਾਪਾ ਤੇ ਸਿਗਰਟਨੋਸ਼ੀ ਜਿਹੀਆਂ ਵਿਵਹਾਰਿਕ ਚੀਜ਼ਾਂ 'ਤੇ ਅੰਕੜਿਆਂ ਨੂੰ ਵਿਵਸਥਿਤ ਕੀਤਾ ਹੈ। ਉਨ੍ਹਾਂ ਨੇ ਪਤਾ ਲਗਾਇਆ ਕਿ ਹਵਾ ਪ੍ਰਦੂਸ਼ਣ ਵਿਚ ਥੋੜਾ ਜਿਹਾ ਵੀ ਵਾਧਾ ਕੋਵਿਡ-19 ਨਾਲ ਮੌਤਾਂ ਦੀ ਦਰ ਨੂੰ ਵਧਾ ਸਕਦਾ ਹੈ।
ਅਧਿਐਨ ਤੋਂ ਪਤਾ ਲੱਗਿਆ ਕਿ ਉਦਾਹਰਣ ਵਜੋਂ ਕੋਈ ਵਿਅਕਤੀ ਪੀ.ਐਮ. 2.5 ਦੇ ਉੱਚ ਪੱਧਰ ਵਾਲੇ ਕਾਊਂਟੀ ਵਿੱਚ ਦਹਾਕਿਆਂ ਤੋਂ ਰਹਿੰਦਾ ਹੈ, ਉਸ ਦੇ ਕੋਵਿਡ-19 ਕਾਰਨ ਮਰਨ ਦਾ ਖ਼ਤਰਾ ਉਨ੍ਹਾਂ ਲੋਕਾਂ ਤੋਂ 15 ਫੀਸਦੀ ਵਧੇਰੇ ਹੋ, ਜੋ ਘੱਟ ਪ੍ਰਦੂਸ਼ਣ ਵਾਲੇ ਖੇਤਰ ਵਿੱਚ ਰਹਿੰਦੇ ਹਨ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਕਰਫਿਊ ਵਧਾਉਣ ਸਬੰਧੀ ਕੈਪਟਨ ਸਰਕਾਰ ਦੀ ਸਫ਼ਾਈ
