ਮੋਗਾਦਿਸ਼ੂ: ਸੋਮਾਲਿਆ ਦੇ ਮੱਧ ਸ਼ਹਿਰ ਗਲਕਾਯੋ ਵਿੱਚ ਸ਼ੁੱਕਰਵਾਰ ਨੂੰ ਇੱਕ ਆਤਮਘਾਤੀ ਹਮਲਾਵਰ ਨੇ ਇੱਕ ਸਟੇਡੀਅਮ ਵਿੱਚ ਹਮਲਾ ਕੀਤਾ, ਜਿਸ ਵਿੱਚ 15 ਵਿਅਕਤੀਆਂ ਦੀ ਮੌਤ ਹੋ ਗਈ। ਇਹ ਘਟਨਾ ਦੇਸ਼ ਦੇ ਨਵੇਂ ਪ੍ਰਧਾਨ ਮੰਤਰੀ ਮੁਹੰਮਦ ਹੁਸੈਨ ਰੋਬਲ ਦੇ ਉੱਥੇ ਪਹੁੰਚਣ ਤੋਂ ਥੋੜ੍ਹੀ ਦੇਰ ਪਹਿਲਾਂ ਵਾਪਰੀ ਹੈ।
ਗਲਕਾਯੋ ਦੇ ਇੱਕ ਪੁਲਿਸ ਅਧਿਕਾਰੀ ਅਲੀ ਹਸਨ ਨੇ ਦੱਸਿਆ ਕਿ ਧਮਾਕਾ ਸਟੇਡੀਅਮ ਦੇ ਪ੍ਰਵੇਸ਼ ਦੁਆਰ 'ਤੇ ਹੋਇਆ ਸੀ। ਇਸ ਵਿੱਚ ਕਈ ਲੋਕ ਜ਼ਖਮੀ ਵੀ ਹੋਏ ਹਨ।
ਸਥਾਨਕ ਰਿਪੋਰਟਾਂ ਅਨੁਸਾਰ, ਵਿਸਫੋਟ ਵਿੱਚ ਮਾਰੇ ਗਏ ਸੋਮਾਲੀ ਸੈਨਾ ਦੇ ਕੁੱਝ ਉੱਚ-ਪੱਧਰੀ ਮੈਂਬਰ ਵੀ ਸ਼ਾਮਲ ਹਨ। ਸੋਮਾਲਿਆ ਦੇ ਅਲ-ਸ਼ਬਾਬ ਜੇਹਾਦੀ ਬਾਗੀਆਂ ਨੇ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ।
