ਮੁੰਬਈ: ਬਾਲੀਵੁੱਡ ਅਦਾਕਾਰ ਵਰੁਣ ਧਵਨ ਅਤੇ ਜਾਹਨਵੀ ਕਪੂਰ ਸਟਾਰਰ ਫਿਲਮ 'ਬਵਾਲ' ਇਸ ਮਹੀਨੇ OTT ਪਲੇਟਫਾਰਮ 'ਤੇ ਡੈਬਿਊ ਕਰਨ ਲਈ ਤਿਆਰ ਹੈ। ਕੁਝ ਸਮਾਂ ਪਹਿਲਾਂ ਹੀ ਮੇਕਰਸ ਨੇ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕੀਤਾ ਸੀ। ਟ੍ਰੇਲਰ ਵਿੱਚ ਵਰੁਣ ਧਵਨ ਅਤੇ ਜਾਹਨਵੀ ਕਪੂਰ ਦੇ ਰੁਮਾਂਸ ਵਿੱਚ ਹਿਟਲਰ ਦੇ ਸਮੇਂ ਦੇ ਵਿਸ਼ਵ ਯੁੱਧ ਦੀ ਇੱਕ ਝਲਕ ਦਿਖਾਈ ਗਈ ਹੈ। ਫਿਲਮ 'ਚ 'ਅਜੈ' ਦਾ ਕਿਰਦਾਰ ਵਰੁਣ ਧਵਨ ਅਤੇ ਜਾਹਨਵੀ ਕਪੂਰ 'ਨਿਸ਼ਾ' ਦਾ ਕਿਰਦਾਰ ਨਿਭਾਅ ਰਹੀ ਹੈ।
ਪ੍ਰਾਈਮ ਵੀਡੀਓ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ 'ਤੇ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕੀਤਾ ਹੈ, ਜਿਸ ਦਾ ਕੈਪਸ਼ਨ ਲਿਖਿਆ ਹੈ, 'ਪਿਆਰ ਤੋਂ ਬਵਾਲ ਤੱਕ ਦਾ ਸਫ਼ਰ।' ਟ੍ਰੇਲਰ ਦੀ ਸ਼ੁਰੂਆਤ ਵਰੁਣ ਧਵਨ ਨਾਲ ਹੁੰਦੀ ਹੈ। ਟਰੇਲਰ 'ਚ ਵਰੁਣ ਧਵਨ, ਅੱਜੂ ਭਈਆ ਦਾ ਕਿਰਦਾਰ ਨਿਭਾਅ ਰਹੇ ਹਨ, ਜੋ ਲਖਨਊ ਦੀਆਂ ਸੜਕਾਂ 'ਤੇ ਬਾਈਕ ਨਾਲ ਘੁੰਮਦੇ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਵਰੁਣ ਧਵਨ ਨੂੰ ਡਾਇਲਾਗ ਬੋਲਦੇ ਸੁਣਿਆ ਜਾ ਸਕਦਾ ਹੈ। ਅੱਜੂ ਭਈਆ ਕਹਿੰਦਾ, 'ਪੁੱਤ, ਅਜਿਹਾ ਮਾਹੌਲ ਬਣਾਓ ਕਿ ਲੋਕਾਂ ਨੂੰ ਮਾਹੌਲ ਯਾਦ ਰਹੇ, ਨਤੀਜਾ ਨਹੀਂ।' ਇਸ ਦੇ ਨਾਲ ਹੀ ਅੱਜੂ ਭਈਆ ਕਲਾਸ 'ਚ ਬੱਚਿਆਂ ਨੂੰ ਦੂਜੇ ਵਿਸ਼ਵ ਯੁੱਧ ਦੇ ਪਾਠ ਪੜ੍ਹਾਉਂਦੇ ਨਜ਼ਰ ਆ ਰਹੇ ਹਨ।
- Ileana DCruz: 'ਬਹੁਤ ਜ਼ਿਆਦਾ ਥਕਾਵਟ, ਨਹੀਂ ਕਰ ਪਾ ਰਹੀ ਕੋਈ ਕੰਮ', ਇਲਿਆਨਾ ਡੀਕਰੂਜ਼ ਨੇ ਪ੍ਰੈਗਨੈਂਸੀ ਦੇ ਆਖਰੀ ਮਹੀਨੇ ਦੀ ਦਿਖਾਈ ਝਲਕ
- Bigg Boss OTT-2 ਨੂੰ ਇੰਨੇ ਦਿਨਾਂ ਦਾ ਮਿਲਿਆਂ Extension, ਜਾਣੋ ਮੇਕਰਸ ਨੇ ਕਿਉਂ ਲਿਆ ਇਹ ਫੈਸਲਾ
- OMG 2 Teaser: ਇਸ ਦਿਨ ਰਿਲੀਜ਼ ਹੋਵੇਗਾ ਅਕਸ਼ੈ ਕੁਮਾਰ ਦੀ ਫਿਲਮ OMG-2 ਦਾ ਟੀਜ਼ਰ,
3 ਮਿੰਟ 03 ਸੈਕਿੰਡ ਦੇ ਟ੍ਰੇਲਰ 'ਚ ਵਰੁਣ ਧਵਨ ਅਤੇ ਜਾਹਨਵੀ ਕਪੂਰ ਵਿਚਾਲੇ ਜ਼ਬਰਦਸਤ ਕੈਮਿਸਟਰੀ ਦਿਖਾਈ ਗਈ ਹੈ। ਇਸ ਦੇ ਨਾਲ ਹੀ ਵਿਆਹ ਤੋਂ ਬਾਅਦ ਅਜੈ ਅਤੇ ਨਿਸ਼ਾ ਯੂਰਪ ਦੇ ਟੂਰ 'ਤੇ ਜਾਂਦੇ ਹਨ। ਇਸ ਦੌਰਾਨ ਟ੍ਰੇਲਰ 'ਚ ਬਲੈਕ ਐਂਡ ਵ੍ਹਾਈਟ 'ਚ ਵਿਸ਼ਵ ਯੁੱਧ ਦੀ ਝਲਕ ਦਿਖਾਈ ਗਈ ਹੈ। ਇਸ ਦੇ ਨਾਲ ਹੀ ਨਿਸ਼ਾ ਅਤੇ ਅਜੇ ਦਾ ਟਕਰਾਅ ਦਿਖਾਇਆ ਗਿਆ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਨਿਤੀਸ਼ ਤਿਵਾਰੀ ਦੀ ਇਹ ਸਭ ਤੋਂ ਮਹਿੰਗੀ ਫਿਲਮ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ 'ਬਵਾਲ' ਦੀ ਸ਼ੂਟਿੰਗ ਪੈਰਿਸ, ਬਰਲਿਨ, ਪੋਲੈਂਡ, ਐਮਸਟਰਡਮ, ਕ੍ਰਾਕੋ, ਵਾਰਸਾ ਦੇ ਨਾਲ-ਨਾਲ ਲਖਨਊ ਅਤੇ ਭਾਰਤ ਦੇ ਦੋ ਹੋਰ ਸ਼ਹਿਰਾਂ 'ਚ ਕੀਤੀ ਗਈ ਹੈ। ਫਿਲਮ ਦੇ ਅਮਲੇ ਵਿੱਚ ਜਰਮਨੀ ਦੇ ਐਕਸ਼ਨ ਨਿਰਦੇਸ਼ਕ ਅਤੇ ਸਟੰਟਮੈਨਾਂ ਸਮੇਤ 700 ਤੋਂ ਵੱਧ ਲੋਕ ਸਨ। ਇਹ 21 ਜੁਲਾਈ 2023 ਨੂੰ ਐਮਾਜ਼ਾਨ ਪ੍ਰਾਈਮ 'ਤੇ ਸਟ੍ਰੀਮ ਹੋਵੇਗੀ।
