ਚੰਡੀਗੜ੍ਹ: ਭਾਵੇਂ ਕਿ ਪੰਜਾਬੀ ਗੀਤਾਂ ਉਤੇ ਇਹ ਦੋਸ਼ ਲਾਇਆ ਜਾਂਦਾ ਹੈ ਕਿ ਇਹਨਾਂ ਵਿੱਚ ਨਸ਼ੇ, ਹਥਿਆਰਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਪਰ ਫਿਰ ਵੀ ਪੰਜਾਬੀ ਗੀਤ ਪੂਰੀ ਦੁਨੀਆਂ ਵਿੱਚ ਮਸ਼ਹੂਰ ਹਨ, ਕਈ ਅਜਿਹੇ ਹਨ, ਜਿਹਨਾਂ ਨੇ ਯੂਟਿਊਬ ਉਤੇ ਇੱਕ ਬਿਲੀਅਨ ਤੋਂ ਜਿਆਦਾ ਵਿਊਜ਼ ਪ੍ਰਾਪਤ ਕੀਤੇ ਹਨ, ਜੋ ਕਿ ਪੰਜਾਬੀ ਸੰਗੀਤ ਜਗਤ ਲਈ ਮਾਣ ਵਾਲੀ ਗੱਲ ਹੈ। ਤੁਹਾਨੂੰ ਦੱਸ ਦਈਏ ਕਿ ਬਿਲੀਅਨ ਵਿਊਜ਼ ਬਹੁਤ ਘੱਟ ਵੀਡੀਓਜ਼ ਪ੍ਰਾਪਤ ਕਰਦੀਆਂ ਹਨ।
ਇਥੇ ਹੁਣ ਅਸੀਂ ਪੰਜਾਬੀ ਦੇ ਉਹਨਾਂ ਗੀਤਾਂ ਦੀ ਸੂਚੀ ਲੈ ਕੇ ਆਏ ਹਾਂ, ਜਿਹਨਾਂ ਨੇ ਯੂਟਿਊਬ ਉਤੇ ਪੂਰੇ ਭਾਰਤ ਦੇ ਟੌਪ 100 ਗੀਤਾਂ ਵਿੱਚ ਜਗ੍ਹਾ ਬਣਾਈ ਹੈ।
1. 'ਲਹਿੰਗਾ': ਇਸ ਸੂਚੀ ਵਿੱਚ ਸਭ ਤੋਂ ਪਹਿਲਾਂ ਪੰਜਾਬੀ ਗਾਇਕ ਜੱਸ ਮਾਣਕ ਦਾ ਗੀਤ 'ਲਹਿੰਗਾ' ਹੈ, 13 ਅਗਸਤ 2019 ਨੂੰ ਰਿਲੀਜ਼ ਹੋਏ ਇਸ ਗੀਤ ਨੂੰ ਹੁਣ ਤੱਕ 1,570,792,926 ਲੋਕਾਂ ਦੁਆਰਾ ਦੇਖਿਆ ਜਾ ਚੁੱਕਿਆ ਹੈ। ਗੀਤ ਨੇ ਚੋਟੀ ਦੇ 100 ਗੀਤਾਂ ਵਿੱਚ ਦੂਜਾ ਸਥਾਨ ਪ੍ਰਾਪਤ ਕੀਤਾ ਹੈ।
2. 'ਲੌਂਗ ਲਾਚੀ': ਇਸ ਸੂਚੀ ਦਾ ਦੂਜਾ ਗੀਤ ਫਿਲਮ ਲੌਂਗ ਲਾਚੀ ਦਾ 'ਲੌਂਗ ਲਾਚੀ' ਗੀਤ ਹੈ, ਮੰਨਤ ਨੂਰ ਦੁਆਰਾ ਗਾਏ ਇਸ ਗੀਤ ਨੂੰ ਹੁਣ ਤੱਕ 1,457,565,998 ਲੋਕਾਂ ਦੁਆਰਾ ਦੇਖਿਆ ਜਾ ਚੁੱਕਿਆ ਹੈ, 21 ਫਰਵਰੀ ਨੂੰ 2018 ਨੂੰ ਰਿਲੀਜ਼ ਹੋਏ ਗੀਤ ਨੇ ਕਾਫੀ ਪ੍ਰਸਿੱਧੀ ਖੱਟੀ ਹੈ।
3. 'ਹਾਈ ਰੇਟਡ ਗੱਬਰੂ': ਇਸ ਸੂਚੀ ਵਿੱਚ ਤੀਜਾ ਸਥਾਨ ਗੁਰੂ ਰੰਧਾਵਾ ਦੁਆਰਾ ਗਾਏ ਗੀਤ 'ਹਾਈ ਰੇਟਡ ਗੱਬਰੂ' ਨੇ ਪ੍ਰਾਪਤ ਕੀਤਾ। 3 ਜੁਲਾਈ 2017 ਨੂੰ ਰਿਲੀਜ਼ ਹੋਏ ਇਸ ਗੀਤ ਨੇ ਹੁਣ ਤੱਕ 1,164,591,934 ਵਿਊਜ਼ ਪ੍ਰਾਪਤ ਕੀਤੇ ਹਨ।
4. 'ਫਿਲਹਾਲ': ਇਸ ਸੂਚੀ ਵਿੱਚ ਚੌਥਾ ਸਥਾਨ ਪੰਜਾਬੀ ਦੇ ਪ੍ਰਸਿੱਧ ਗਾਇਕ ਬੀ ਪਰਾਕ ਦੇ ਗੀਤ 'ਫਿਲਹਾਲ' ਨੇ ਹਾਸਿਲ ਕੀਤਾ, 9 ਫਰਵਰੀ 2019 ਨੂੰ ਰਿਲੀਜ਼ ਹੋਏ ਇਸ ਗੀਤ ਨੂੰ ਹੁਣ ਤੱਕ 1,113,768,627 ਵਿਊਜ਼ ਮਿਲ ਚੁੱਕੇ ਹਨ।
5. 'ਲਾਹੌਰ': ਇਸ ਸੂਚੀ ਵਿੱਚ ਪੰਜਵਾਂ ਸਥਾਨ ਗੁਰੂ ਰੰਧਾਵਾ ਦੁਆਰਾ ਗਾਏ ਗੀਤ 'ਲਾਹੌਰ' ਨੇ ਪ੍ਰਾਪਤ ਕੀਤਾ। 13 ਦਸੰਬਰ 2017 ਨੂੰ ਰਿਲੀਜ਼ ਹੋਏ ਇਸ ਗੀਤ ਨੂੰ ਹੁਣ ਤੱਕ 1,047,268,354 ਲੋਕਾਂ ਦੁਆਰਾ ਦੇਖਿਆ ਗਿਆ।
6. 'ਦਾਰੂ ਬਦਨਾਮ': ਸੂਚੀ ਵਿੱਚ ਛੇ ਸਥਾਨ ਕਮਲ ਕਾਹਲੋਂ ਅਤੇ ਪਰਮ ਸਿੰਘ ਦੁਆਰਾ ਗਾਏ ਗੀਤ 'ਦਾਰੂ ਬਦਨਾਮ' ਨੇ ਹਾਸਿਲ ਕੀਤਾ, 24 ਦਸੰਬਰ 2016 ਨੂੰ ਰਿਲੀਜ਼ ਹੋਏ ਇਸ ਗੀਤ ਨੂੰ ਹੁਣ ਤੱਕ 1,008,800,636 ਲੋਕਾਂ ਦੁਆਰਾ ਦੇਖਿਆ ਜਾ ਚੁੱਕਿਆ ਹੈ।
7. 'ਤਿੱਤਲੀਆਂ': ਖੂਬਸੂਰਤ ਅਵਾਜ਼ ਦੀ ਮਾਲਕ ਅਫ਼ਸਾਨਾ ਖਾਨ ਦੇ ਗੀਤ 'ਤਿੱਤਲੀਆਂ' ਨੇ ਵੀ ਇਸ ਸੂਚੀ ਵਿੱਚ ਸੱਤਵਾਂ ਸਥਾਨ ਹਾਸਿਲ ਕੀਤਾ, 9 ਨਵੰਬਰ 2020 ਨੂੰ ਰਿਲੀਜ਼ ਹੋਏ ਅਫ਼ਸਾਨਾ ਦੇ ਗੀਤ 'ਤਿੱਤਲੀਆਂ' ਨੂੰ ਹੁਣ ਤੱਕ 872 ਮਿਲੀਅਨ ਲੋਕਾਂ ਦੁਆਰਾ ਦੇਖਿਆ ਜਾ ਚੁੱਕਿਆ ਹੈ।
8. 'ਨਿਕਲੇ ਕਰੰਟ': ਇਸ ਸੂਚੀ ਵਿੱਚ ਅੱਠਵਾਂ ਸਥਾਨ ਜੱਸੀ ਗਿੱਲ ਅਤੇ ਨੇਹਾ ਕੱਕੜ ਦੁਆਰਾ ਗਾਏ ਗੀਤ 'ਨਿਕਲੇ ਕਰੰਟ' ਨੇ ਹਾਸਿਲ ਕੀਤਾ, 11 ਅਕਤੂਬਰ 2018 ਨੂੰ ਰਿਲੀਜ਼ ਹੋਏ ਇਸ ਗੀਤ ਨੂੰ ਹੁਣ ਤੱਕ 862 ਮਿਲੀਅਨ ਲੋਕਾਂ ਦੁਆਰਾ ਦੇਖਿਆ ਗਿਆ।
9. 'ਪਰਾਡਾ': ਇਸ ਸੂਚੀ ਵਿੱਚ ਜੱਸ ਮਾਣਕ ਦਾ ਇੱਕ ਹੋਰ ਗੀਤ 'ਪਰਾਡਾ' ਵੀ ਇਸ ਸੂਚੀ ਵਿੱਚ ਸ਼ਾਮਿਲ ਹੈ, 13 ਜੂਨ 2018 ਨੂੰ ਰਿਲੀਜ਼ ਹੋਏ ਇਸ ਗੀਤ ਨੂੰ ਹੁਣ ਤੱਕ 796 ਮਿਲੀਅਨ ਲੋਕਾਂ ਦੁਆਰਾ ਦੇਖਿਆ ਜਾ ਚੁੱਕਿਆ ਹੈ।
ਇਹ ਵੀ ਪੜ੍ਹੋ: Fatto De Yaar Bade Ne: ਫਿਲਮ ਦੀ ਸ਼ੂਟਿੰਗ ਸ਼ੁਰੂ, ਦੇਖਣ ਨੂੰ ਮਿਲੇਗੀ ਇੰਦਰ ਚਾਹਲ ਅਤੇ ਹਿਮਾਂਸ਼ੀ ਖੁਰਾਣਾ ਦੀ ਕੈਮਿਸਟਰੀ
