ਮੁੰਬਈ: ਰੋਹਿਤ ਸ਼ੈੱਟੀ ਦੀ ਆਉਣ ਵਾਲੀ ਪੁਲਿਸ ਡਰਾਮਾ 'ਸਿੰਘਮ ਅਗੇਨ' 'ਚ ਟਾਈਗਰ ਸ਼ਰਾਫ ਦਾ ਨਾਂ ਜੁੜ ਗਿਆ ਹੈ। ਬੋਰਡ 'ਤੇ ਉਨ੍ਹਾਂ ਦਾ ਸਵਾਗਤ ਕਰਦੇ ਹੋਏ ਰੋਹਿਤ ਸ਼ੈੱਟੀ ਨੇ ਸੋਸ਼ਲ ਮੀਡੀਆ 'ਤੇ ਇਸ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ। ਟਾਈਗਰ ਸ਼ਰਾਫ ਨੂੰ 'ਸਿੰਘਮ ਅਗੇਨ' ਪਰਿਵਾਰ ਦੇ ਹੋਰ ਮੈਂਬਰਾਂ ਤੋਂ ਵੀ ਪ੍ਰਸ਼ੰਸਾ (Singham Again) ਮਿਲੀ ਹੈ।
ਰੋਹਿਤ ਨੇ ਐਕਸ਼ਨ ਨਾਲ ਭਰਪੂਰ ਡਰਾਮੇ ਤੋਂ ਟਾਈਗਰ ਦੀ ਲੁੱਕ ਵੀ ਸ਼ੇਅਰ ਕੀਤੀ ਹੈ। ਰੋਹਿਤ ਸ਼ੈੱਟੀ ਨੇ ਇੰਸਟਾਗ੍ਰਾਮ 'ਤੇ ਲਿਖਿਆ, 'ਸਪੈਸ਼ਲ ਟਾਸਕ ਫੋਰਸ ਦੇ ਅਧਿਕਾਰੀ ਏਸੀਪੀ ਸੱਤਿਆ ਨੂੰ ਮਿਲੋ। ਸੱਚ ਵਾਂਗ ਅਮਰ। ਟੀਮ ਵਿੱਚ ਤੁਹਾਡਾ ਸੁਆਗਤ ਹੈ, ਟਾਈਗਰ।'
ਟਾਈਗਰ (Singham Again) ਆਪਣੀ ਬਾਡੀ ਨੂੰ ਫਲਾਂਟ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। 'ਸਿੰਘਮ ਅਗੇਨ' 'ਚ ਅਜੇ ਦੇਵਗਨ, ਦੀਪਿਕਾ ਪਾਦੂਕੋਣ, ਕਰੀਨਾ ਕਪੂਰ ਖਾਨ, ਅਕਸ਼ੈ ਕੁਮਾਰ ਅਤੇ ਰਣਵੀਰ ਸਿੰਘ ਵੀ ਹਨ। ਰਣਬੀਰ ਸਿੰਘ ਨੇ ਵੀ ਟਾਈਗਰ ਦਾ ਲੁੱਕ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ ਹੈ।
- Film Ittan Da Ghar: ਨਿਰਦੇਸ਼ਕ ਤਾਜ ਨੇ ਕੀਤਾ ਆਪਣੀ ਨਵੀਂ ਫਿਲਮ 'ਇੱਟਾਂ ਦਾ ਘਰ' ਦਾ ਐਲਾਨ, ਨਿਸ਼ਾ ਬਾਨੋ ਅਤੇ ਬੱਬਲ ਰਾਏ ਸਮੇਤ ਇਹ ਅਦਾਕਾਰ ਆਉਣਗੇ ਨਜ਼ਰ
- Nisha Bano: ਨਿਰਮਾਤਰੀ ਵਜੋਂ ਨਵੇਂ ਸਿਨੇਮਾ ਆਗਾਜ਼ ਵੱਲ ਵਧੀ ਅਦਾਕਾਰਾ ਨਿਸ਼ਾ ਬਾਨੋ, ਇਸ ਫਿਲਮ ਦਾ ਕੀਤਾ ਐਲਾਨ
- Arijit Singh And Salman Khan First Song: ਅਰਿਜੀਤ ਸਿੰਘ ਅਤੇ ਸਲਮਾਨ ਖਾਨ ਦੇ ਪਹਿਲੇ ਗੀਤ ਦੀ ਰਿਲੀਜ਼ ਡੇਟ ਦਾ ਐਲਾਨ, ਦੁਸਹਿਰੇ 'ਤੇ ਹੋਵੇਗਾ ਧਮਾਕਾ
ਅਕਸ਼ੈ ਕੁਮਾਰ ਨੇ ਲਿਖਿਆ, 'ਮੈਂ ਆਪਣੇ ਭਰਾ ਟਾਈਗਰ ਸ਼ਰਾਫ ਦਾ ਸਵਾਗਤ ਕਰਦਾ ਹਾਂ, ਏਸੀਪੀ ਸੱਤਿਆ ਦੇ ਰੂਪ 'ਚ ਟੀਮ 'ਚ ਸਵਾਗਤ ਹੈ।' ਇਸ ਦੌਰਾਨ ਅਜੇ ਦੇਵਗਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਪੋਸਟ ਕੀਤਾ, 'ਦਲ ਹੁਣ ਮਜ਼ਬੂਤ ਹੋ ਗਿਆ ਹੈ, ਏਸੀਪੀ ਸੱਤਿਆ ਦਾ ਟੀਮ 'ਚ ਸਵਾਗਤ ਹੈ।' ਟਾਈਗਰ ਦੇ 'ਸਿੰਘਮ ਅਗੇਨ' 'ਚ ਸ਼ਾਮਲ ਹੋਣ ਦੀ ਅਪਡੇਟ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਵਧਾ ਦਿੱਤਾ ਹੈ। ਇਹ ਫਿਲਮ 2024 ਦੇ ਸੁਤੰਤਰਤਾ ਦਿਵਸ 'ਤੇ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ ਅਤੇ ਇਸ ਨੂੰ ਅੱਲੂ ਅਰਜੁਨ ਦੀ 'ਪੁਸ਼ਪਾ 2' ਨਾਲ ਵੱਡੇ ਮੁਕਾਬਲੇ ਦਾ ਸਾਹਮਣਾ ਕਰਨਾ ਪਵੇਗਾ।
ਟਾਈਗਰ ਦੇ ਵਰਕਫਰੰਟ ਦੀ ਗੱਲ਼ ਕਰੀਏ ਤਾਂ ਟਾਈਗਰ 'ਗਣਪਥ' ਨਾਲ ਆਉਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਫਿਲਮ ਵਿੱਚ ਕ੍ਰਿਤੀ ਸੈਨਨ ਅਤੇ ਅਮਿਤਾਭ ਬੱਚਨ ਵੀ ਹਨ, ਫਿਲਮ ਇਸ ਸ਼ੁੱਕਰਵਾਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਫਿਲਮ ਦਾ ਨਿਰਦੇਸ਼ਨ ਵਿਕਾਸ ਬਹਿਲ ਨੇ ਕੀਤਾ ਹੈ।
